黎到呢個旅程既第四日啦….今朝要比較早起, 因為要準備離開別府, 前往日本OL最嚮往泡湯既地方－由布院又叫湯布院. 係酒店食完早餐後, 就要出發去別府站. 係呢度仲想讚下呢間酒店別府亀の井ホテル既早餐, 同晚餐一樣, 好好味呀!! 真系好抵, 一泊兩食又有溫泉浸, 間房都唔細ga, 只係11,800yen一晚, 真超值呀!
我地今日係坐9:51am既JR去由布院, 本身想儘量安排搭由布院之森既列車去由布院, 但由於時間上遷就唔到, 唯有放棄. 所以我地今次要係大分站轉車, 大約11點幾左右到達由布院. 好開心呀, 居然有一個免費既足湯係由布院車站裡面, 都幾好呀. 一路享受足湯, 一路等車. 咁我地當然唔會放過呢個享受免費足湯既機會啦, 原來只要俾160yen, 就算你唔系搭火車, 都可以入去站裡面泡足湯. 當我地浸浸下腳期間, 突然俾我地見到架由布院之森埋站,
O...居然俾我地見到傳聞中既由布院之森呀!! 我諗呢架列車應該好出名, 我見到連日本人都系度同由布院之森影相, 當然我地都影埋一份啦.
呢架就係我地要搭既車
到達左由布院la
係由布院站裡面, 有個免費足湯
傳聞中既由布院之森!!
泡完足湯, 影完相之後, 就要開始搵今晚住既酒店お宿 五輪花, 之前系網上查過資料, 由JR站行去酒店要30分鐘, 我地拎住張地圖, 係度左睇右睇, 終於係我地行左大約15分鐘左右, 見到我地間酒店個牌la, 雖然應該仲有一段路, 但總算我地無行錯路, 終於行到酒店門口, 真系好似田園中既一間屋咁... 好特別. 其實間酒店check-in時間係下午3點, 但係我地諗住放低行李先, 再出去四周行下, 但係由於酒店只係得返一位伯伯係度, 我地又雞同鴨講咁希望佢俾我地放低行李係度, 最後佢終於明白我地想做咩, 幫我地安頓左d行李, 仲借埋單車俾我地出去tim.
田園中既一間屋-我地既酒店
頭先由JR站行黎酒店要用大約半個鐘, 而家踩單車出去只需10分鐘左右, 快好多呀!! 返到JR站, 首先搵野食先, 想搵本旅遊書介紹既餐廳, 但係搵左好耐都搵唔到, 唉..算la, 最後放棄轉食第二間, 求其入左一間餐廳, 呢間餐廳好奇怪, 佢有d似食堂, 其中有部份位置劃為賣蔬菜同盆栽. 不過d野食都幾好味. 食飽之後, 就諗下今日既行程點行la.
餐廳既門口
餐廳一分為二, 部份地方用作賣蔬菜
首先沿湯之坪街道, 行去金鱗湖, 湯之坪街道係好多遊客前往金鱗湖必經的街道, 今日係星期一, 但係成條街都好多人, 差唔多每間商鋪都擠滿遊客. 因為我地係踩住單車, 所以有時都要左閃右避其他人, 都有d危險呀....終於去到金鱗湖, 金鱗湖係一個小湖泊, 湖景優美, 係湖邊發現有幾隻鴨, 好大隻呀! 同埋佢地好百厭, 我走埋去同佢地影相時, 佢居然啄左我隻腳一下, 咁又唔痛, 但真係俾佢嚇親, 莫非佢覺得我隻腳好好味? 當影影下相發現部相機無電tim...見時間倘早, 就踩單車返酒店叉一叉電先, 順便抖一抖. 係酒店出返黎, 再去返金鱗湖, 今次無咁多人la, 可能都接近黃昏, 所以今次好快就到達, 影埋之前未影完既相之後, 就諗下今晚要食咩la. 初時諗住係附近搵間餐廳食飯, 但係又唔想咁夜先返酒店, 因為附近無咩街燈, 黑麻麻咁踩單車好危險, 所以決定去Supermarket買便當返酒店食, 當然買埋我最鍾意食既士多啤梨. 係Supermarket買完野之後, 天都黑晒, 由布院呢度一到夜晚, 真係連街燈都無咩, 四周漆黑一片, 我地踩單車返酒店都唔敢踩得太快, 終於平安返到酒店la.
湯之坪街道
金鱗湖景色
金鱗湖景色
當食完我地既晚餐之後, 當然就要享受一下呢個私人既露天風呂, 當初點解選呢間酒店, 就係因為呢個私人風呂, 佢有兩個池, 一個大池用作浸身, 另一個細池係用作浸腳, 隔離就有洗澡既地方, 感覺寫意, 不過就好多蚊飛黎飛去. 屋主仲好細心, 係雪櫃裡放左一些清酒跟枝豆, 俾我地一邊浸溫泉, 一邊吃小食同飲酒....真係好渦心呀.....
第四日既行程完結了, 總結來說, 由布院給人感覺好舒服, 令到我好唔捨得離開. 如有機會, 真係好想再去多次....
參考資料:
沒有留言:
發佈留言