冠南華
香港店: 香港灣仔軒尼詩道345號地下及一樓
九龍店: 九龍彌敦道383號平安大廈16號地下及一樓
永隆繡莊
地址: 九龍油麻地上海街409號地鋪(近油麻地地鐵站A1出口)
電話: 2780 3007
錦發繡品公司
地址︰旺角上海街523號地下 (近山東街口)
電話: 2385 0187
鴻運繡莊
地址: 尖沙咀金巴利道73號新業廣商業大廈2樓202室
電話: 2787 9708
榮華禮服公司
地址: 金都商場地下G1 A號鋪
電話: 2381 3623
我做過一些調查, 知道冠南華是最出名, 出名的好, 但亦是出名的貴, 我真的唔捨得, 所以都可以唔需要去睇呢間. 而鴻運繡莊好似都唔錯, 但係都唔係平, 所以都算了. 而榮華禮服公司因為係金都, 所以我又唔鍾意. 之後就得返永隆繡莊同錦發繡品公司呢2間, 好了, 就決定去呢2間睇下啦. 哈哈, 好似好求其咁.
我 地先去錦發繡品公司, 無咩特別原因, 只係佢比較近朗豪坊. 我地入到錦發繡品公司, 已經有另一個新娘子係度試緊褂. 我就同佢地講我想租褂, 跟住有個男人同我講話可以睇下D相先, 想試邊件可以出聲. 其實我本身覺得裙褂最大分別係金銀線既多少, 之前上網睇過D相同資料, 心裡面既目標係中五褔, 因為小五褔我又覺得紅色太多. 而大五褔同褂后同褂皇果D太多金銀線, 我唔鍾意. 我覺得中五褔金銀線同紅色比例係最好, 所以我直接同佢地講話想試中五褔.
咁 有個阿姐姐幫我拎左件中五褔俾我試, 但好似細件左少少, 之後再拎另一件花腳既中五褔俾我試. 呢件好新同埋都好FIT, 咁我再問幾錢, 阿姐姐報個價係$1100, 佢話因為呢件好新, 所以會貴D. 噢, 真係太貴啦, 我問有無其他平D既, 佢之後再搵左另一件平腳既中五褔, 不過就舊少少, 開價$690. 雖然比之前果件舊D, 但都唔覺得好舊, 但係我想要花腳, 所以阿姐姐再幫我搵搵另外一d又平又係花腳俾我試. 但係阿姐姐只係搵到一件Size大少少既花腳褂俾我試, 佢話有件花係一樣既但細件D既啱啱出左街, 聽日先返, 如果我啱既可以留返俾我. 我試左件大件少少既褂, 試上身後都不錯, 我問如果啱Size果件幾錢, 佢話計平d俾我啦, 就$750. 咁樣我同bf都係決定再諗諗先. 所以都係先離開左.
呢件係第一件試既褂, 好新淨, 但係太貴啦
呢件就舊D, 但都可以接受, 但係好似花腳靚d
呢件就大左一個碼, 但係呢個款都ok, 如果細一個碼果套啱啱出左街, 要遲D先試得
呢套都幾靚, 而且都好新, 但係要$900, 比錦發貴$200, 所以都算啦.
其實呢件上身都好靚, 但係我覺得下身太多紅色, 好似同上身唔夾
我之後星期六再去到錦 發繡品公司時, 發現好多人係度試緊褂, 由於我地無預約到, 所以阿姐姐叫我地一個鐘之後再返去啦, 咁我地食完飯再返去, 佢就拎左我訂左套褂俾我試, 呢件比上次試果件新D, 都fit ge, 阿姐姐話可以再改修腰d, 改窄2寸, 仲好tim. 我突然諗起我上網見人地有上頭睡衣送, 我當然問佢有無得送, 佢本身話我地咁平好難再送, 跟住講講下又話算啦, 送埋俾我地啦. yeah~~ 攪掂, hahhaha....
呢件就係我最後訂果套褂
其實試完咁多套褂, 我到而家都係覺得其實每套都係差唔多, 可以併埋一齊睇, 會比較得到邊件好D, 但係講真分別真係唔大, 仲要其實有幾多人會記得你件褂D金銀線靚唔靚, 最多係記得多唔多金銀線. 哈哈.
沒有留言:
發佈留言