沙巴hea遊之旅 - 機票準備篇

haha....估唔到啱啱去完日本九州, 咁快又可以有另一次旅行la...呢個真係估唔到既一件事...其實去完日本之後, 已經好想再去旅行, 初時都諗住可能年尾去d近近地既地方, 曾經有諗過中國既青島, 有一次聽收音機講, 青島其實係一個好靚既地方, 而今年08北京奧運既帆船比賽係青島舉行. 其實都已經諗緊幾時去好, 同埋睇下d資料. 點知....俾我地搵到馬來西亞航空做緊promotion. 去吉隆坡同沙巴既機票最平單程機票可以去到$0!! 我地當然唔會放過呢個機會la...haha

由於佢係每一日都唔同價錢, 有平有貴, 要自己按每一個日子去check價錢, 當然旺季時就無得平la, 初時我地諗住10月中左右去沙巴, 去程$240, 回程係$0, 當然要再另外俾機場稅同燃油附加費. 啱啱決定果日係星期六, 咁唯有等星期一返公司睇下請唔請到假先再訂機票la, 點知.....奇怪既事發生左.... 係星期日夜晚時, 我地預先諗住去既日子, 無端端去程及回程都加左$200, 即總共加左$400!! 雖然都係平, 但係無諗過佢會加價, 咁唯有再搵下有無其他日子會好d la, 咁又搵到係10月尾, 就去程都係$240, 回程$200, 應該呢個係最平la, 因為佢已經好似無晒$0既機票la, 所以我地即刻book左先la, 因為怕第二日返到公司先訂, 會再加價. 最後我地既決定係啱ga, 因為去到第二日朝早, 佢又再加$200, 好彩!

第二朝返到公司, 朋友將呢個優惠話左俾好多人知, 好多人都已經book唔到好似我地咁平既機票la, 有另外兩個朋友, 話想join埋我地一齊去, 由於我地出發果日已經加左價, 佢左睇右睇....見到早我地一日出發既機票同我地出發果日一樣價錢, 咁佢地就book左呢日, 即係俾我地早一日出發, 係沙巴等我地去到再join埋一齊玩.

咁啱早排我買雜誌時, 有一個印花加錢換左本"Ready Go! 潛入-沙巴砂勞越 絶色美景"既旅遊書, 咁就可以大派用場la. 其實我係好多年前已經去過沙巴, 果時四個女仔, 大家都係啱啱出黎做野, 好開心ga, 所以沙巴俾我既印象都好好. 陽光與沙灘, 好舒服, 好relax, 仲可以做我最鐘意既spa.....

當book完機票之後, 就要搵下有無d旅遊書介紹沙巴, 雖然已經有一本"Ready Go! 潛入-沙巴砂勞越 絶色美景", 但呢本書其實講得好少, 始終都係加錢換, 真係麻麻地, 又雖然我之前係去過沙巴, 但真係好多年前, 唔係太記得la, 所以我地決定買一本沙巴旅遊書, 但係原來出邊只係得一本書係專介紹沙巴, 其他都係講馬來西亞時, 順便介紹沙巴. 所以都無得選擇下, 買左呢本la. 真係好想多快d去到10月尾呀....

呢本就係唯一一本既沙巴書la

阿蘇火山特別篇 - 交通

原先諗住會寫一篇九州交通篇, 由於有人要求post去阿蘇火山既方法出黎先, 唯有先寫一篇阿蘇火山既交通篇.

其實, 我地就係為左由由布院去阿蘇煩左好耐........

去阿蘇山主要有以下方法:

第一個方法

搭JR 到阿蘇站....再轉巴士上阿蘇西站, 再轉Ropeway 上阿蘇山.....

注意: 如果由由布院係早上係無特急直接由由布院開出ga, 要由由布院搭上去大分, 再轉車(要等車)先到阿蘇站.....

経路候補	発時刻	着時刻	所要時間
第1経路	由布院(07:01)	阿蘇(10:16)	3:15
第2経路	由布院(07:57)	阿蘇(12:21)	4:24
第3経路	由布院(10:16)	阿蘇(13:40)	3:24

你重要係阿蘇站, 再轉巴士上阿蘇西站, 再轉Ropeway 上阿蘇山, 可以話搭車都搭左大半日, 搭車都搭到腳軟.
你如果細心咁留意下係條路線, 由由布院坐JR去阿蘇, 係繞一個圈, 條路係好唔順路...

第二個方法

係坐九州横断バス, 呢架巴士係由別府開出去返別府, 經九重山既公路, 可以係車到欣賞阿蘇山及九重連山既景色, 之後再去黑川溫泉同埋阿蘇, 呢條路線直接好多

其中巴士分為兩種:
あそ号（火口見物・昼食付）- 係一架觀光巴士(包lunch)...可以車你上阿蘇火山....再車返你去阿蘇JR站....不過係超貴....

如果我地係由布院上車, 去到阿蘇山觀光, 再返到去草千里, 要4000yens

如果由布院上車, 去到阿蘇山觀光, 再返阿蘇JR站, 要4450yens

可以話lee 個方法係用錢買時間....

くじゅう号(火口見物・昼食なし) - 呢條路線係同あそ号一樣, 不過佢只係車你到阿蘇JR站, 你要自己再轉巴士上阿蘇西站, 再轉Ropeway上阿蘇山 (要再轉巴士及ropeway, 比較麻煩)
如果由由布院去阿蘇JR站, 要2300 yens
結論 : 用九州横断バス比坐JR會比較快同直接, 但係成本會比較高

第三個方法

あそゆふ高原バス, 同樣係我地用既方法, 上面果2個方法, 係一般旅遊書同香港人寫blog去阿蘇既方法, 但係我地係網上找再一d台灣ga blog....發現有一架JR觀光巴士係可以係由布院去阿蘇ga bor, 而佢行ga 路線亦同九州横断バス差不多重會係九重附近有額外既觀光景點, 不過佢只係車你到阿蘇西站, 要自己坐ropeway上去火山口, 自己坐ropeway返去阿蘇西, 佢會再車你返去阿蘇JR站.
但係呢架JR巴士, 我可以講...係d旅遊書係無講ga...而我亦未係香港既遊記見到, 証明無咩香港人知道. 佢每一期既觀光點係有點不同. 但係呢架JR巴士, 我係台灣d blog見到....有d人話JR pass係唔包ga, 需要比2000yens...有d又話唔使比錢...(其實個d都係2005...2006年d人講ga), 所以我都唔知佢地使唔使比錢....最後我終於見到係discussion board有個人話係阿蘇JR站附近既JR站劃票係唔使錢....其他JR站係要比錢, 心想咁奇怪(不過個message係成2006年留下來)

於是, 我就send message比部份台灣人(唔使比錢)問下佢地呢架車ga detail, 問佢地係邊到劃票, 問到兩個....都係由布院劃票成功唔使比錢.

好........之後, 我地係福岡JR問過佢地d staff, 佢地話要比2000yens.. 而我地就係別府JR成功劃票....唔使比錢

呢個就係由布院JR站前

あそゆふ高原バス既紅色巴士站

あそゆふ高原バス

あそゆふ高原バス內

Yoga試玩第一擊

案發日期: 2008年6月26日

一直都想做返運動, 一來又可以減下肥 (鬼叫有人話我都有d肉bor.... ), 二來又可以郁動下個人會精神d. 但係始終無的起心肝去實行. 之前曾經同朋友講過不如去做yoga, 大家都十分雀躍, 話要上網搵資料睇下去邊度做yoga好, 但係...hehe...之前一直都好似好忙咁, 公司又忙, 又要籌備去日本九州之旅等等....其實都係怪自己太懶, 朋友們已經不停咁問落實做yoga時既時間表... 終於係去完旅行之後, 自己上網搵下資料la, 其實而家外面好多地方都有得玩yoga, 咁多間都唔知邊間好, 我唯有鎖定其中幾間, 詢問一下朋友喜歡邊間, 其中有d可以俾你免費試玩一堂, 咁都諗住先去試玩幾間, 再比較一下. 如果想試玩, 就要系網上登記, 再等佢打電話俾我.
唔....一開始我登記左Myoga, 但系登記左幾日都無人打電話黎, 咁再登記另一間Yoga Yoga, 呢間好快就覆電話俾我. 咁就約左時間去試玩一堂. 佢地會係電話已經問你好多野, 例如: 點解你想玩yoga, 目的係咩, 想玩邊類既yoga....其實我都未玩, 點知玩邊類型....咁其實都係求是答左幾句就算la. 但係佢地好似好想你地快d上去咁, 我話約下個星期, 佢地就問點解唔今個星期, 唔....實在太多問題la....

去到試玩果日, Yoga Yoga既人話7點有堂, 叫我地6點半去到, 但係未到6點半已經打電話黎吹我地, 叫我地快D去到. 唔....都好"唓", 去到Yoga Yoga時, 佢地已經係企係門口等我地. 佢地話6:45pm有一班, 所以同我地講左幾句, 就叫我地快d去換衫上堂先. 我地今次係上Yoga Therapy, 係一個印度人教. 都教得幾好, 同埋佢間房係對住維港, 成個feel都好好...

上完堂之後, 之前個sales就已經企左係門口, 不過都預左la, 佢走黎問我地覺得點, 我地話ok, 之後要填返張問卷, 再同導師傾下計, 原來個導師會係堂上留意每個人做成點.... 佢大約同我地講我地做成點, 同埋最好要做邊幾種yoga, yoga本身分好多種, 但係其實我都唔知咁多種有咩分別. 同導師傾完之後, 就出去同個sales傾, 我地已經事先講好, 無論點都唔join住, 試左其他間, 再比較一下.

咁個sales等我地沖完涼, 換好晒衫之後, 又企係門口等我地. 一開始佢介紹呢間yoga中心既導師係好出名同好巴閉等等, 又話佢地都係啱啱開業, 所以唔會有好多人係度唔會好迫, 又問我地覺得點, 環境ok唔ok等等, 諗住會唔會keep住做呀. 其實我心諗佢不如直接話俾我地知要幾多錢la. 跟住我地問佢咁佢地既月費係點計, 首先佢地有幾個plan, 最平果個plan係$688 1個月8堂, 同埋$988 1個月無限次, 仲要簽一年合約, wa...都好貴...咁我地問佢仲有無平d, 佢話無la, 因為個價錢唔可以太平要控制返d人流wor....咁我地話太貴la, 咁算la...跟住佢又話咁呀...就計返一個平d既plan俾我地, $5xx 1個月5堂(唔記得左實際金額), 唔...我地問佢有無得平d, 佢話無la, 最平la...可能佢見我地無咩心想join咁, 佢就叫我地等等, 話要問下同事, 間左一陣, 佢叫左另一個人黎, 如果用恒生咭可以做到$453 1個月5堂, 但就要簽2年, o...2年太耐la, 唔會la... 佢地講講下又話又有另一個plan, 我地2個人join $453既plan, 就一人一年, 哈....其實真係任佢地講....但我個fd就話佢想要多d堂, 唔想得5堂咁少, 佢就話仲有另一個plan $588 1個月10堂, 同樣都係簽一年合約, haha....呢個plan都真係幾抵ge...但係我地都係想試下其他先, 所以話要諗諗...跟住....佢地就不停咁問"仲要諗咩野呀?" 而家好平ga la等等, 咁我唯有講我仲有野做要走la, 等我返去諗下先la (其實我係好肚餓就真), 佢地就話一係而家簽左先la, 好快ga...我都費時理佢呀....都係走左先la...

幾經辛苦, 終於離開左呢間Yoga Yoga, 佢地真係都好"唓"呀. 第二日佢就打電話黎, 問諗成點呀, 我話未諗掂bor, 佢話不如我今日去佢度簽約先, 當然唔會la, 佢真係當我傻ga. 其實我都覺得佢地最後個plan $588 10堂係好抵下, 因為佢地除左yoga, 仲有跳舞堂上, 都幾多元化, 但係我自己知自己事, 我唔會咁勤力一個月去到10堂, 我諗我只係一個星期去1堂, 同埋都唔知會唔會可以keep到一年都咁做tim....所以....真係要諗諗....

其實到最後得出既結論係: 佢地一開始會俾d貴plan你, 只要你再同佢傾下, 佢會慢慢俾d平少少既plan, 再要同佢傾下先得, 其實有d似街市買菜咁講價....

haha...等我下一次再去試另一間先....

2008九州火山之旅 - Day 8 褔崗 -> 香港

2008年5月2日(星期五) - 尚算天晴, 有煙霞

終於黎到旅程既最後一日, 真係好唔捨得呀...尋晚搭夜行特急由宮崎返博多, 中間JR係大分站停左大約一個小時左右, 可能唔係咁習慣搭夜行特急, 唔係好訓到, 加上係大分站時, 有3個日本女仔上左車, 坐左係我地附近, 佢地全程係度傾計..., 都訓左唔係好多呀. 係朝早6點幾去到博多站, 但係咁早真係唔知去邊好, 好多商店都未開. 不過首先都係搵個locker放低行李先. 日本呢個國家有個好處, 好多地方都有locker, 方便旅行唔駛拎住d行李.

住吉神社

初時諗住咁早, 就去呢度既街市睇下有無D生果賣, 我地想買D士多啤梨返香港, 應該街市會平D, 之前係香港問左朋友博多邊度有街市, 期間我地途經一棟神社 - 住吉神社, 順便入去睇下, 原來都有幾多人一早會黎呢個神社參拜, 日本人真係好虔誠. 我地繼續去搵街市, 問左幾個日本人, 仲搵左一段時間先搵到, 不過唔緊要, 我地有大把時間. 今日大家都好累, 又要搭下午2點幾機返香港, 都唔會安排咩野行程. 我地係街市行左一陣, 佢地好多都未開, 有D先啱啱開門, 係度仲擺緊D野, 我地見到佢地拎D士多啤梨出黎, 就問下佢幾多錢, wa...都唔平咁, 同埋佢好似唔係好理我地, 唔....算la, 我地都係去天神食早餐先, 其實咁早, 真係無咩食店開, 初時諗住去食McDonald's, 但又覺得好貴, 而且香港都有, 所以我地轉左去食另一間快餐, 唔記得左叫咩野名la, 同McDonald's差唔多, 我地為左用晒我地有既散銀, 我地係個counter前面左計右計, 睇下要買邊個餐好, 我諗個賣餐既女仔一定覺得我地好似好窮咁...haha

食飽之後, 就要買樣好重要既野 - 就係手信la, 我地諗住去返我地第一日去過果間好似雜貨店既商店買, 因為果間商店入面有好多不同種類既野食賣, 我地買左地鐵既一日票, 因為今日係星期五, 又會有discount, 盛為500yen, 我地搭地鐵去西新站, 一出西新站就會見到間商店, 我地係入邊買野食買到唔捨得走呀, 又見到d尤魚好似好好味咁, 又買左好多(但係....買到返香港先知, d尤魚好硬呀!!). 買完手信之後, 我地仲想買士多啤梨, 唔...我地決定返天神買, 之前係天神見到一間賣水果既商店, 其實有d趕, 我地仲未食lunch, 又要返博多站拎返行李. 但係呢度d士多啤梨真係好好味呀, 所以我地去到天神, 就好快咁去到間商店, 我同個店員講我要8盒士多啤梨, 同埋我地要運去香港, 叫佢幫我包好d, 當然我仲問佢我地買咁多盒, 有無得平d呀, 但係佢已經一口拒絕左我, 無計la. 跟住我地搭地鐵飛奔返博多站去拎行李, 跟本無時間食lunch, 就直踩機場, 係機場仲要搭shuttle去國際線, 我地搵左一陣先搵到港龍既counter, 初時我地仲排錯左另一間航空公司既隊, 入閘之後都仲有少少時間, 但係個機場真係無咩野賣....唔....好彩係機上既飛機餐都幾好味, 仲有Haagen-Dazs食.

終於旅程完結la, 都好開心同好享受呢個旅程, 雖然九州無咩買, 中間又落雨, 但都好開心呀!!!

- 旅程完結 -

2008九州火山之旅 - Day 7 青島 -> 宮崎 -> 夜行特急返博多

2008年5月1日 (星期四)- 橫風橫雨
尋晚黎到間酒店既時候, 已經好夜la, 咩都睇唔到, 所以今朝早想系酒店附近四圍睇下, 呢間青島パームビーチホテル系青島好出名既渡假飯店, 鄰接青島海水浴場, 景色都好靚. 行完間酒店之後, 仲可以順便行去隔離既子供之國, 而家仲系花祭tim, 所以會好靚ga.

我地原先諗住今朝一早再浸多一次溫泉, 點知起唔到身, 算la… 咁就落去食早餐la, 酒店既早餐都幾豐富, 不過都係別府間酒店既早餐好味d. 但系去到食早餐時, 晴天霹靂...出面落好大雨呀, 仲好大風tim…唉….今日仲安排左好多行程ga…都無辦法la….唯有出左去睇下點la, 我地系酒店check-out之後, 就順便換返張巴士無料一日券, 只要出示passport就可以換到, 咁岩呢間酒店既receiption都可以換, 跟住我地寄放行李系酒店, 就出去四周行下.

呢個就係我地既早餐la

真係晴天霹靂

巴士無料一日券

首先我地系酒店入面同附近行下先, 橫風橫雨….有遮等如無遮….如果無落雨, 呢度環境應該幾靚ga. 再行去子供之國, 呢段時間系花祭, 入場系要俾錢, 平時就唔駛入場費, 但因為我地住係青島呢間酒店, 佢會每人送一張子供之國入場券, 不過, 今日落咁大雨, 都無咩用, 所有機動遊戲都停開, 又無得玩摩天輪....成個子供之國都無咩人, 我地系一間餐廳避緊雨時, 見到有幾只好大既鴨仔一齊避雨, 好攪笑, 唔知呢幾隻鴨仔系邊度黎. 係我地避雨期間, 有一檔路邊檔既檔主問我地系邊度黎, 我地話香港, 佢地都好好咁, 其中有一個女仔英文幾好ga, 咁我地就問佢地, 去堀[切峠同埋日南海岸點樣搭巴士去, 但系佢地話都唔系好清楚, 可能日本人唔系經常搭巴士, 同埋原來個女仔佢以前係意大利住, 都係返左日本幾年, 所以都唔係好清楚四周既路. 咁我地同佢地道別左之後, 當然仍然落緊雨, 不過細雨左好多, 我地就係附近影下相, 相信平時陽光普照, 都應該會幾靚. 不過始終落雨同埋都幾大風, 真係好難再影落去, 唯有離開子供之國, 我地沿另一條路返酒店, 先發覺我地去返子供之國既入口, 原來頭先我地係無經過個子供之國既入口, 但係又無人叫我地拎入場券....真係奇怪la.

呢個就係係子供之國入面點橫風橫雨la

初時諗住由酒店附近沿住沙灘行去青島神社, 我諗大約行廿分鐘左右, 可以順便欣賞附近境色, 但實左太大風la, 跟本就好難行去, 我地係酒店睇左巴士時間表, 知道差唔多時間有巴士會經過酒店, 所以最後我地決定搭巴士過去青島神社, 其實可以搭JR過去, 但係又要行返去JR, 巴士站只不過係酒店門口, 而且又唔知JR既時間, 費時去到JR時, 又唔知要等幾耐. 搭巴士都只不過搭一個站, 我地係落車時出示無料巴士一日券就可. 我地落車既地點, 原來都好近青島神社, 應該搭巴士方便過搭JR, 因為JR都離青島神社有D遠. 我地諗住去左附近食野先, 因為之前係新假期裡面, 見到介紹一間食店港あおしま食堂, 好似好好味, 同埋好抵, 大約$100平食十色海鮮丼, 查過地圖, 應該係青島附近, 但係佢地既營業時間只係11am-2:30pm, 所以我地要去左食野先, 係巴士站附近, 有一間宫崎觀光社, 嘩! 佢係好細好細間ga, 我地諗住問下佢入邊既職員知唔知呢間食店係邊, 但係...佢又唔知我地講咩, 我地又唔知佢講咩...真係...咁佢都好好咁幫我地睇地圖, 大約指左話係邊個方向la, 咁我地唯有跟住個方向行, 沿途都好大風大雨, 我地已經成身濕晒la, 仲要我本身係熊本新買左把遮, 都要經壯烈犧牲左la. 我地行左都好似好耐咁, 沿途都問左幾間商店既人, 知唔知呢間食店係邊, 中間都有諗過不如算la, 咁大風大雨, 又唔知係邊...但係唔去果間食店, 附近好似又無咩食, 同埋新假期介紹時, 真係好似好吸引咁, 所以我地都係繼續搵, 終於係一間商店既人問到間食店係附近, 佢地教左我地點樣去, 我地終於幾經辛苦去到la, 呢間食店真係唔講唔覺係一間食店, 我諗都只係日本人先知. 因為呢間食堂本來係俾碼頭工人每日係度開餐, 我地入到去食店, 都唔少人係度食野, 估唔到落雨都咁多人, 平時陽光普照時, 應該會非常多人. 我地分別叫左十色刺生飯同海鮮定食, 我地見到野食時都好嘩然, 真係幾大份呀, 同埋d刺生又新鮮, 總之好好好好味la, 雖然頭先搵呢間食店搵得好辛苦, 仲成身濕晒, 但都係值得ga. 係我地離開食店時, 見到佢地都有將新假期介紹佢地既報導都放左出黎呀. 不過應該好少香港人會去呢間食店, 都無旅遊書介紹過呢間. 呢間食店係日本應該都幾出名, 我地見到好多日本本地既旅行團車d日本人黎呢度食, 可能因為供應既海鮮定食又平又新鮮又大份.

海鮮定食

十色刺生飯

食飯之後, 就要出發去青島神社, 真係好唔捨得離開食店, 出面落咁大雨...我地今次行得快好多就到達頭先我地落車既巴士站, 其實都唔係好遠. 青島神社係一個小小既島仔上, 好得意, 成個島仔都俾"鬼的洗衣板"圍住, "鬼的洗衣板"係因為交互堆積的砂岩和泥岩在傾倒後被波浪侵蝕造成. 但因為佢係一個島仔上面, 中間有一條彌生橋連接, 但實在太大風, 行條橋時都行得好辛苦呀. 我都好怕會俾佢吹落海呀. 我地行左入去青島神社參觀, 其實都唔係有咩太大既特別, 同其他神社差唔多. 行左一陣之後, 我地就離開青島神社, 我地見好似無咁大風, 就圍個島仔行左一個圈, 其實風景都幾靚, 周圍都種左好多不同既樹木.

果日係青島既天氣真係好差ga

鬼的洗衣板

青島神社

行返出去巴士站途中, 經過縣立青島亞熱帶植物園, 本身都想入去睇下, 但又落雨, 算la. 本身今日既行程仲會去堀切峠, 同埋睇下有無時間去埋Sun Messes日南, 但係咁既情況, 我地都係放棄左, 我地搭巴士返酒店算la. 我地返到酒店之後, 因為我地成身濕晒, 所以同酒店既人講想拎返d行李換衫先, 換完衫之後放返d行李係佢地果度. 由於今晚我地會搭夜行特急返博多, 所以今晚無得沖涼, 所以我地就走去浸多一次溫泉, 雖然我地唔知得唔得, 但我地真係無辦法之下試下, 又ok bor, 我地浸完溫泉之後舒服晒, 就要準備起行出去食晚飯la, 我地係酒店拎返d行李之後, 就出去搭巴士去宮崎, 期間酒店有個女職員好好咁, 問我地係咪去子供之國JR站話車埋我地, 我地話唔駛la, 因為我地要去宮崎JR站. 咁我地搭巴士去到宮崎站之後, 發覺宮崎站好大, 早知尋晚係宮崎站轉車, 就唔駛食杯麵.
我地諗住去宮崎附近既JUSCO行下順便食野. 有一架巴士係往返JUSCO同宮崎站, 都可以用無料巴士一日券, 但唔知點解我地落車時, 巴士司機話要撕我地既巴士券既一部份走, 但係我地怕之後回程無得用, 同佢講我地仲要用巴士券返宮崎JR站, 但又係大家都唔知大家講咩, 最後巴士司機都係堅持撕左我地既巴士券既一部份走. 我地係JUSCO裡面行下, 同埋係入面food court度食野. 不過我覺得都係無咩野行. 到差唔多時間, 我地搭巴士返宮崎站, 我地一直都怕巴士司機會唔會唔俾我地用無料巴士券, 但呢個巴士司機今次無咩特別問題, 就俾我地落車. 之後我地就搭夜行特急返博多.

參考資料:
宮崎市觀光協會

2008九州火山之旅 - Day 6 熊本 -> 鹿兒島 -> 青島

2008年4月30日(星期三) - 天氣尚算情朗, 但有煙霞

黎到旅程既第六日, 突然覺得時間過得好快呀, 仲有三日就快香港la…有d唔捨得tim…今日我地既行程都好緊密, 首先會直踩落鹿兒島, 之後再搭JR去青島. 同樣係酒店食完早餐之後, 就搭市電去熊本JR站. 今次呢間酒店エクストール　イン 熊本銀座通同博多果間差唔多, 都系一D商務旅店, 比較細間, 但系價錢就好扺, 連早餐都系4500yen.

我地今次系搭九州唯一一條既新幹線, 首先搭JR特急由熊本去到新八代, 再轉新幹線去鹿兒島, 系大概下午六點左右, 就要離開鹿兒島, 搭JR去青島我地今晚住既酒店. JR特急リレーつばめ3號接力燕子號係9:31am由熊本出發前往新八代轉車, 期間只得3分鐘轉車去新幹線, 由於這架接力燕子號是用作連接新幹線去博多既特急JR, 所以轉車只需過對面月台就可以, 十分方便.

接力燕子號

燕子號

大約10點半左右到達鹿兒島中央站, 我地係鹿兒島中央站搵個locker放低d行李之後, 就搭鹿兒島城市掠影巴士前往可展望到市內各個角落和觀賞櫻島美景既城山展望台, 唔...可能我地去果日天氣麻麻地, 好似好大煙霞, 所以好快就參觀完城山展望台, 比預定時間早左d, 所以有多d時間去食野, 咁我地就走左去天文館睇下有咩野食, 我地就根據旅遊書介紹, 去左間日本料理"熊襲亭", 叫左兩個set lunch, 都幾好味, 不過唔平, 每人都要2100yen.

城山展望台

見仲有少少時間, 就由天文館行去鹿兒島本港, 順便可以行下天文館, 去到碼頭之後, 就乘坐櫻島渡輪去櫻島. 櫻島係一個至今仍噴煙裊裊既火山島, 由於櫻島既景點比較散, 所以我地決定用1700yen坐櫻島觀光巴士去參觀櫻島, 呢架觀光巴士會途經櫻島大部份既觀光點, 包括湯之平展望所, 黑神埋沒鳥居, 有村溶岩展望所, 林芙美子文学碑, 旅の里等等, 哈! 可能巴士導遊小姐全程係度用日文介紹, 好似催眠曲咁, 我地係輸流係巴士上訓左, 都叫做參觀左櫻島.

櫻島

參觀完櫻島之後, 我地就搭櫻島渡輪返鹿兒島本港, 因為我地要搭6:02pm既JR去青島, 所以就行去鹿兒島站搭JR去鹿兒島中央站既locker拎返行李, 係行去鹿兒島站期間, 發覺附近都無咩商店同食市. 去到鹿兒島中央站, 見仲有時間, 就去隔離既商場行下, 呢個商場內有130間商店, 同埋有個好大既摩天輸, 都幾值得一行.

6:02pm JR準時係鹿兒島中央站開出, 我地會係南宮崎站等53分鐘轉車去子供之國站, 全程車程大約3個半鐘, 所以我地會係南宮崎先食晚飯, 但係....原來南宮崎係一個好細既站, 完全無任何商店, 除左一間好細既便利店. 我地曾經諗住去JR站附近既食店, 由於我地拎住行李, 同埋佢係要上落樓梯, 咁樣攪得黎怕會趕唔切搭JR, 所以唯有係便利店買杯麵食, 當我地買完杯麵之後, 間便利店就關門啦! 好彩呀! 之後我地再搭JR去子供之國站, 去到已經9點半左右, 周圍都黑晒, 要行大約8分鐘左右, 就到達我地今晚要住既酒店. 原來連縱華遊既旅行團都住呢間酒店.

我地今晚既晚餐-杯麵

JR站內唯一一間便利店

我地check-in上房放低d行李之後, 就落去浸溫泉, 本身呢個溫泉係望住太平洋, 但係太黑la, 咩都睇唔到, 不過唔緊要, 有得浸溫泉已經好舒服la, 浸完之後就返房休息lu...


參考資料:
鹿兒島市觀光課