Travel in Na Na's life: 暫時應該係最後一次買金啦

訂酒店原來有rebate

由於近排不停的找酒店資料, 發現原來有這個網站TopCashBack, 經這個網站去一些酒店網訂酒店, 會有特定的回贈(每個酒店網都唔同), 可以回贈入指定paypal帳戶. 而TopCashBack網站還有一些酒店網的折扣優惠編碼, 再可以平些. 而一些其他地方提供的折扣優惠編碼可否享受這TopCashBack回贈, 可能需要再確認, 好像有些可以, 有些不可以. TopCashBack裡都包括了很多酒店網, 包括最普遍的hotels.com, agoda, hotelclub.com等, 連訂日本酒店的樂天都有. 其實除了酒店外, 這網站還可以其他的服務都可以有回贈, 好像租車, 機票等, 還有去一些買護膚品網站都可以. 大約在你支付酒店費用後差不多2星期將會在你的TopCashBack帳戶裡確認回贈金額, 再過多一段時間當帳戶裡的金額的狀況轉為"Payable", 就可將D錢轉去paypal.

當我繼續上網搵資料時, 發覺原來仲有其他Cash Back的網站, 坦白說, 不同的Cash Back網站各有特點, 而rebate%都唔同, 所以真的要每個Cash Back網站再看看那個rebate多些呢.

可以到以下網址登記做左會員先, 如果按下以下網址連結, 本人將會享有推薦奬賞, 多謝支持:
Top Cash Back http://www.topcashback.com/ref/ArmKeyGroup
Mr. Rebates http://www.mrrebates.com?refid=935694
Ebates http://www.ebates.com/rf.do?referrerid=BJjONj1yx6M1Nvl%2BUkbNHg%3D%3D&eeid=26471

2012年9月4日星期二

暫時應該係最後一次買金啦

之前係周大褔買左龍鳳鈪同豬牌後, 其實仲要買埋龍鳳耳環同戒指. 其實如果周大褔有我鍾意既款, 我諗我會係周大褔. 因為果時我用citibank credit card簽，仲要分開3張Citibank credit card簽, 同埋再分開2個月俾錢, 我最後計過可以有$3,600回贈, 仲有因為我係popcorn果度用it credit card消費, 再有$120回贈. 真係好抵. 不過如果再要係係周大褔買耳環同戒指, 就要申請多2張Citibank credit card先得. 其實我想要既龍鳳耳環同戒指款式好簡單, 周生生同六褔都有，只係周大褔無. 無計啦, 再係第二間買啦.

其實周生生同六褔既款都差唔多, 不過個人感覺周生生手工靚d, 手工費未折之前差唔多. 但係上網睇到周生生手工費最多只有六五折, 而六褔係網上我見到可以去到全免手工費, 當然果個人買左好多野. 咁我又唔會諗住R到免手工, 不過都應該R到d折頭, 而且而家用HSBC credit card去時代廣場同新城市廣場消費, 有15x獎賞錢回贈, 一個星期最多有$200獎賞錢, 所以我地一早鎖定係新城市廣場買金, 因為果度有周生生同六褔. 其實一直都有留意金價既走勢, 自從上次買完金後, 金價都沒有下跌過, 而且都有上升. 其實之前一直都諗住去新城市廣場買金, 但公司一直都好忙, 未有時間. 但HSBC既credit card優惠只係做到30/8, 我一定要係30/8之前買先得. 但係近排金價一直都很高, 上個星期更加試過去到$17,050, 嘩.... 金價好似無意慾回一回咁, 之後跌返$16,950, 我都想一直等, 可能又就快到30/8啦, 無計, 到30/8都仲係$16,950, 算啦, 買左佢啦.

我地係30/8特登去新城市廣場度, 其實我地有目標既, 如果六福俾唔到平折頭就走去周生生買, 橫店2間金鋪都係對面. 好彩今日係星期四, 唔係好多人, 容易D講價. 其實一開始我入去時, 佢地只係肯俾VIP價, 即5折, 但係經過BF既三寸不爛之舌, 居然可以俾到一個好優惠既價我地, 真係估佢唔到, 不過耳環同戒指既手工費都唔係好多錢, 所以就算平, 都唔係平左好多錢, 但係唔理啦, 平得一蚊得一蚊ma. 而且我地分開2張HSBC credit card碌 (我同BF各用一張), 咁就有$400奬賞錢回贈. 雖然係幫媽咪買俾我, 但我都唔想媽咪用咁多錢, 話晒而家d金咁貴. 點都好, 都要多謝媽咪呢.

特別一提, 我地買完金後, d金價又再升左, 今日仲升到$17,280, 嘩... 真係唔多掂啦, 再係咁, 再加埋如果美國出埋QE3, 睇黎都好快會去到$20,000. 真係無眼睇.....