面向海外訪日旅客的免費公共無線網絡服務即將啟動！

JR東日本居然向海外訪日旅客推出免費公共無線網絡服務!! 實在太好啦~~

由2012年10月1日起, 在JR東日本旅行服務中心及以山手線為主的13個車站內可以享有免費公共無線網絡服務. 其實之前已經知道既"在日本使用Wi-Fi無線區域網路，請使用Visa卡！"已經都包括埋JR東日本的車站, 但係要用visa卡登記, 同埋只得一日免費. 而家呢個只要JR車站就可以免費wifi上網, 都好方便呢.

只要旅客可在JR 東日本旅行服務中心及各車站內的無線網絡設置處附近, 通過電腦, 智能手機等接入互聯網就可以.（使用服務前需注冊電子郵箱地址。）

詳細可以到以下網址:

http://www.jreast.co.jp/tc/pdf/free_wifi_01_tc.pdf

原來淘竇既喜帖都可以有咁既質素

其實Marco Polo Hong Kong係有提供喜帖的, 但佢個樣真係麻麻地, 不過話晒唔駛錢, 都算啦. 之前BF有同事搵到一間印帖, 要$0.8一張, 但要加$200稿費, 如果我印180張, 平均都要$1.91一張. 咁我就係度諗, 一係係淘竇搵下有無幫人印帖, 原來都真係幾抵GA, 但我一直都擔心佢地質量問題. 因為以前都試過係大陸印咭片, 質量係非常差. 始終對大陸野唔係太有信心.

呢張就係Marco Polo Hong Kong送既帖, 咁啱BF有FD啱啱係近排都係Marco Polo Hong Kong擺Lunch Buffet.

其 實我係淘寶搵到有2間都可以試試, 一間就用250g紙, 另一間就用300g紙, 咁當然250g紙平D, 但好似300g紙會保險d bor. 而300g紙果間肯寄樣版給我看, 只要我出運費就OK. 咁我即管拎下d樣版睇下先. 啱啱收到d帖既樣版, 發覺呢間真係ok bor, 完全睇唔出係大陸印. 不過我都未決定要咩野Size.

我收到既樣版呢, 有好多下.

我係度諗緊整呢款細細張單卡式好定下面果張大張D既帖好.

呢款既設計都唔錯

而 張帖既設計, 其實我有諗過好唔好用返呢間淘竇既帖款, 不過我會盡量揀D簡單款. 另一方面我又係度諗好唔好自己設計俾佢印. 因為本身我想叫我妹妹幫我設計既, 但佢成日都好遲先做, 我怕趕唔切. 但我自己又唔識得用AI, 又無咩設計天分. 所以我參考左外國一D Save the day card, 用Excel整左幾個款. 哈哈, 係呀我用excel整出黎都好攪笑. 但無計, 我最熟就係Excel. D 圖就左炒右炒咁. 買左D 250g紙黎試下自己印出黎睇. 其實我自己覺得都唔差呀. 我俾我妹妹睇, 佢問我唔係搵佢設計咩? 我話我怕好遲呀, 佢話OK啦, 佢幫我設計啦.... (其實我都係擔心中羅), 不過唔緊要啦, 如果最後趕唔切, 我用返Marco Polo Hong Kong送既帖黎印都得ge.

我總共整左3款都係單卡式, 係就係簡單左d, 但對我黎講都用左好多時間ga.

訂日本東京酒店慳錢大法

離東京紅葉Pre-wedding之旅出發日期差不多1個半月, 我們已經著手籌備行程, 既然最重要的機票已訂了, 其次就是要訂酒店了. 我們這次都是在我們慣用既Jalan訂酒店, 但這次有少許不同, 就是我們開了很多個不同的Jalan戶口, 這是由於Jalan正在做團購優惠, 就是用100 yen可以買2000 Jalan point, 平時我們在Jalan訂 酒店是可以儲 Jalan point, 平均大均每次都有酒店價錢的2%, 這些Jalan point可用作扣回下次酒店費用, 1 Jalan point = 1 yen, 即是 2000 Jalan point = 2000 yen. 亦即是可以用100 yen買2000 yen, 這是很抵呢. 當然還要看我們訂的酒店可否用Jalan point, 不是每一間酒店都可以扣Jalan point的. 而且每個Jalan戶口只可以買一次這個團購, 那這優惠只可以用一次. 哈哈, 那我們就要變通了, 我們這次是6天旅程, 要訂5晚酒店, 那我要另外開5個Jalan戶口. 由於我原先的Jalan戶口已在上次去北海道時已買了當時的團購, 所以這次不可再享有這個優惠了. 所以我現在有好多個Jalan戶口呢. 但後來問返Dimanche Production, 我地影相會係輕井澤, 但原來佢地既攝影師會住係佐左平駅既東橫Inn, 而係東橫Inn既官網訂會平D, 所以呢日就決定唔係Jalan訂.

但我想説我們做了一件很低b既事, 話說Jalan上個月正在做9-10月的100 yen團購, 即是這些Jalan point可用於9-10月. 而我們是在30/10出發, 4/11回程, 那在10月會有2晚, 我們初時就打算用2個Jalan戶 口各自買100 yen團購, 買好後, 就想用來扣酒店費用, 但是原來這只限31/10或之前退房的訂單, 那即是我只需買1個10月份的100 yen團購, 我們買多了一次呢.... 幸好都只是100 yen.... 而現在是正在做10-11月的100 yen團購, 早知原來會做10-11月的100 yen團購, 當時就等到現在才買吧.... 我們唯有再開多一個Jalan戶口.

好了, 我們真的要訂酒店, 現在訂了初步的行程了.

30 Oct (Day 1) 香港 -> 東京 酒店: アパホテル＜池袋駅北口＞
31 Oct (Day 2) 東京 -> 伊豆 酒店: 下田大和館
1 Nov (Day 3) 伊豆 -> 輕井澤 酒店: 東橫Inn2 Nov (Day 4) 輕井澤 (Pre-wedding day) -> 東京 酒店: アパホテル＜池袋駅北口＞
3 Nov (Day 5) 東京 酒店: アパホテル＜池袋駅北口＞
4 Nov (Day 6) 東京 -> 香港
除在第三日住係東橫Inn外, 其他每一晚酒店都可以扣了2000 yen, 真的非常抵呀!!

在日本使用Wi-Fi無線區域網路，請使用Visa卡！

卡登記, 就能享受全日本Wi-Fi使用區域最大型的公司 Wire and Wireless Co.,Ltd. 提供的「Wi2 300」1日免費方案優惠禮遇. 此外, 凡註冊1日免費方案的Visa卡持卡人, 還可獲得「Wi2 300」3日資費方案和1周資費方案的8折優惠禮遇. 對於準備要去日本的我實在太好啦.

申請辦法可以現在先在這裡 登記或者在抵達日本之後, 於可以使用Wi2 Wi-Fi的區域選擇SSID的“Wi2” 或 “Wi2Premium”, 直接申請1日免費方案&8折優惠資費方案.

申請條件:

●申請時，有效Visa卡的持卡人。（日本國內發行的Visa卡不適用）

●用同一張Visa卡申請1日免費套餐時，距離前一次申請時間相隔180日以上方可有效。

●1日免費方案使用後，購買3日資費方案或1週資費方案可獲得折扣優惠，請點選「申請 1日免費方案 & 8折優惠資費方案!」按鍵進行辦理。

●3日資費方案和1週資費方案的折扣優惠，必須在1日免費方案使用後方可申請。

而可使用的區域都很廣泛, 「Wi2 300」可在日本全國的24小時便利商店（LAWSON、Circle K、Sunkus）, 咖啡屋（Tully's Coffee、星巴克〈部分分店〉）, 以及主要都市交通設施等場所使用. 請點選這裡瀏覽可使用的場所.（只有英语指南）

詳情可以到以下官網睇睇.
http://300.wi2.co.jp/campaign/visa/index_pc_zh_tw.html

其實從前日本唔係好多有wifi上網, 自從上次大地震後, 就多左地方有wifi, 而家仲有呢個一日wifi任用, 講真日本周圍都有LAWSON等便利商店, 真係好方便. 等我都去登記左先.

貼在以下標示的區域均可使用 (在新幹線車箱內無法使用)

又黎無無聊聊答問卷賺錢

近呢一個月其實都收到幾單問卷調查賺既錢, 但一直都比較忙, 唔得閒post出黎tim. 而家一次過post返晒出黎先:

第 一單就係OpinionBus, Paypal又收到$50, 其實可以儲多d分先換錢, 但係用510分換$50, 1020分換$100, 其實咩一樣, 都無特別著數, 一係就儲到5030分去換$500, 但可能要好耐先儲到, 所以我都係早d換好過. 其實OpinionBus都算幾多問卷去俾你答. 相對其他有部份既問卷調查公司, 真係都唔知幾時先儲到分去換錢呢.

以下就係OpinionBus的登記網站:
http://www.opinionbus.hk/register.html?friend=3036

第二單係Toluna, 又係要等好耐先收到禮劵, 其實我一早申請左換禮劵ga, 不過算啦, 最重要係我最後都收到啦.... 其實Toluna都算唔錯既問卷調查公司黎ga...

以下就係Toluna的登記網站:
http://hk.toluna.com/Register.aspx

第三單係OpinionBus, 無錯, 又係OpinionBus, 其實基本上我差不多每個月都收到OpinionBus俾我既$50 Paypal呢, 佢俾錢又快手, 所以都幾鍾意呢間問卷調查公司.

以下就係OpinionBus的登記網站:
http://www.opinionbus.hk/register.html?friend=3036

終於有個瓦遮頭啦~~

近排日搵夜搵, 日日搵, 不停搵將軍澳, 觀塘等既租盤, 由於我同bf都各自有大家既要求, 又加上d租金升到一個非常唔合理既價錢, 同埋事實上租盤唔係好多, 所以想搵一個符合我地要求既租盤真係好難.

其 實之前去過藍田同將軍澳既居屋睇過, 前者係又細間又殘舊, 而後者就好細間又貴. 跟住就去左觀塘月華街果d睇, 我細細個覺得果度係高尚住宅居黎ga, 不過都好多年前, 而家因為觀塘裕民坊一帶要重建, 好多裕民坊既樓都已吉晒. 而且月華街感覺有D自成一角呢. 但原來由MTR行上去月華街, 條樓梯都幾係野, 附近又無超級市場, 如果由APM買完野拎住D野行上去都幾大鑊. 其實月華街大部份都有露台, 呢點我幾喜歡, 但係好多都幾殘, 除非係有裝修, 但有裝修既都要過萬蚊, 又好似唔係好抵.... 而且bf成日話覺得觀塘D空氣唔好(其實我無咩感覺), 佢唔係咁喜歡, 所以都係得個睇字. 後來係觀塘協和街睇左個單位, 本身都OK, 但係最大問題佢個洗手間, 我睇到時以為點解無沖涼位, 後來睇真D先見到花灑係馬桶上面, 佢個洗手間同係商場既洗手間的一間廁間差不多大, 真係估佢唔到, 個業主仲話其實你都唔係成日係洗手間, 所以呢個都唔係一個問題GE, 但我地真係接受唔到....唉....真係估佢唔到呢...

前 幾日我地又出動去睇樓, 今次去睇油塘中心, 油塘中心係第一期居屋, 所以可以想像到佢係比較殘舊, 我本身都唔抱咩野期望, 加上我有朋友以前係住油塘中心, 所以我大約知道油塘中心係點. Agent帶我地上去睇時, 都話間房有D殘, 去到睇時呢度比我想像中大, 差不多8成多實用率, 但都真係頗殘, 地板係油木地板, 但有部份地板已經起左, 所以都真係唔多掂. 點知Agent話業主會重新鋪過D鏄石板, 咦? 咁又唔同講法bor, 咁我就問Agent會唔會油埋牆呢, Agent話可以問下業主, 唔...都ok bor, 雖然都預左業主唔會豪裝果D, 但如果重新鋪過地板同油牆, 個感覺會即時唔同左. 其實呢度租金又唔算太貴, 起碼唔係過萬先... 都可以考慮一下.

果 晚睇完後, 我地同Agent話要諗一晚, 第二日先覆佢. BF就諗住一係睇下可唔可以再傾平D同埋油埋牆身, 如果真係可以平D, 就即刻租, 如果唔係就再睇下點先. 其實BF希望可以遲D先租, 可能等到11月或者12月頭先租, 因為每早一個月租, 要俾多一個租, 而家D租太貴, bf覺得好唔抵, 甚至如果租到一間包全屋傢電就仲好, 唔駛再買傢電, 一搬入去就住得. 所以BF就同Agent講, 睇下可唔可以平D. 點知又好順攤, 業主又願意平D同埋油牆. 咁又好順理成章就決定租呢間啦. 仲即晚去簽約tim.

而家等業主裝修完, 大約10月初可以收到樓. 總算終於有個瓦遮頭啦~~ 之後要諗下買埋傢俬啦....

油塘中心圖則

不得不讚

由於需要買金, 所以之前一直都好留意金價. BF曾經提我最好係7月前買金, 因為之好大機會升. 而且美國好大機會會出QE3, 如果一出, D金一定會狂升. 當時佢預計美國應該會9月中出QE3. 所以點都好, 一定要係9月之前買, 如果唔係會貴好多. 其實上次買完龍鳳鈪之後, 我仲未買耳環同戒指, 佢已經叫我最好快D買. 但到我真係買時, 金價已經升到$16,950 (我買龍鳳鈪時, 金價係$16,030), 但都無計. 好彩耳環同戒指果D唔係咁重, 所以都唔係俾多好多.

終於, 尋晚(13/9)美國終於出左QE3啦, 金價金日即刻升到$18,080 (尋日都仲係$17,650), 真係勁升呀. 所以係度不得不讚BF既預測. 俾佢知道, 佢一定會勁囂咁講"我都一早講啦, 果時好多人都唔信我, 你睇! 咪又俾我講中."

婚前輔導 Round 1 @家計會

婚前輔導我一直都無諗過要做, 因為我以為係有宗教信仰既先要婚前輔導. 後來有一日, bf問我地會唔會去婚前輔導, 佢有個fd係家計會度join左, 都幾好咁. 咁既然bf都覺得無問題, 都好呀, 一齊去試下啦.

其 實由於bf係屋企所有野都係由佢媽咪做晒, 咁當然佢媽咪係無返工, 加上佢屋企全部都係男人, 得佢媽咪係女人. 所以好順理成章所有家務都係佢媽咪做晒. 一開始拍拖時, bf已經諗住我第時一定要每晚都煮飯俾佢食, 我當時已即刻同佢講, 我成日都要ot, 仲遲收工過佢, 點煮俾佢食呢. 同埋我同佢都要返工, 點解家務係我一個人做晒呢. 我當時已經知道呢個好明顯係少爺仔, 習慣左有人服侍佢. 我一定要同佢講清楚情況先得. 所以係好耐之前, 我已經經常咁提bf, 如果結左婚, 佢唔會好似係佢屋企咁, 咩都有有人幫佢做ga. 好彩, 經過我悉心教導下, 佢總算都明白. 哈哈. 所以今次做婚前輔導, 可以再進一步加強佢呢個諗法.

其 實我地早係幾個月前已係家計會登記左, 可能太多人登記, 要等好耐先有位. 我本身想book灣仔的, 但已經full左, 所以最後都係選左係旺角. 一開始我以為會係家計會上堂, 原來只係去一d好似社區中心既地方度. 其實都唔係叫上堂, 好似同輔導員傾計咁. 我地一開始, 當然先自我介紹下, 跟住開始講下我地點認識, 點解想結婚咁, 第一堂就無咩特別. 大約1.5小時完成. 唔知下一堂又會講咩呢? 不過下一堂要9月尾先有.

bf覺得好似無咩特別咁, 其實我覺得都ok ge, 當俾個機會大家再進一步了解大家既諗法ma.

Popcorn 再黎睇戲優惠?

可能因為新開既商場, 想吸引多D人黎, 所以Popcorn不停咁推出不同既優惠. 今次只要即日係Popcorn去兩間唔同的指定服飾店買滿HK$600就可以換到一張STAR Cinema 換票証喇！(每張收據必須滿$100), 但只限星期六、日！

都幾抵bor. 希望佢不停咁推出呢d優惠啦~~

點解d租金可以係2個月內升左咁多? 多謝政府?

早係2-3個月之前已開始睇定d租盤, 發現將軍澳區既租盤都唔平, 貴左好多. 平均4-500呎既單位都差不多$10,000. 後黎轉移搵下d居屋盤, 睇下會唔會平d, 但係可能撞正暑假, 所以根本成個區都好缺盤. 唉... 唯有再睇下啦.

近 排又再積極搵下樓, 發現居然d租盤同樣無咩, 但d租呎升左好多, 加左差不多$2000-$3000左右. 而家區內想搵d $10,000既租盤好似根本無可能咁. 而家連公屋都可以去到呢d位, 真係痴左線呀. 梁特首未上任前話會處理樓價問題, 點解上左任之後反而升左? d業主真係要多謝特首呢. $10,000一個月租金等於一個小小既打公仔一個月人工. 如果2公婆搵$20,000一個月, 有一半已交左租, 咁仲有其他費用呢, 根本無可能儲到錢. 真係唔明白呢.

其 實唔係負擔唔到, 只係覺得唔值. 唔想用多咁多錢. 唉... 但係我同BF各自都有自己既要求, 我希望地點會方便D, 但係BF要求唔可以太殘舊, 反而呢點我接受到. 哈哈, 就係因為咁, 我地都幾難搵到樓啦. 再係咁樣, 可能要降低下要求, 考慮一D離MTR遠D既樓. 唉.... 再睇睇點啦.

暫時應該係最後一次買金啦

之前係周大褔買左龍鳳鈪同豬牌後, 其實仲要買埋龍鳳耳環同戒指. 其實如果周大褔有我鍾意既款, 我諗我會係周大褔. 因為果時我用citibank credit card簽，仲要分開3張Citibank credit card簽, 同埋再分開2個月俾錢, 我最後計過可以有$3,600回贈, 仲有因為我係popcorn果度用it credit card消費, 再有$120回贈. 真係好抵. 不過如果再要係係周大褔買耳環同戒指, 就要申請多2張Citibank credit card先得. 其實我想要既龍鳳耳環同戒指款式好簡單, 周生生同六褔都有，只係周大褔無. 無計啦, 再係第二間買啦.

其實周生生同六褔既款都差唔多, 不過個人感覺周生生手工靚d, 手工費未折之前差唔多. 但係上網睇到周生生手工費最多只有六五折, 而六褔係網上我見到可以去到全免手工費, 當然果個人買左好多野. 咁我又唔會諗住R到免手工, 不過都應該R到d折頭, 而且而家用HSBC credit card去時代廣場同新城市廣場消費, 有15x獎賞錢回贈, 一個星期最多有$200獎賞錢, 所以我地一早鎖定係新城市廣場買金, 因為果度有周生生同六褔. 其實一直都有留意金價既走勢, 自從上次買完金後, 金價都沒有下跌過, 而且都有上升. 其實之前一直都諗住去新城市廣場買金, 但公司一直都好忙, 未有時間. 但HSBC既credit card優惠只係做到30/8, 我一定要係30/8之前買先得. 但係近排金價一直都很高, 上個星期更加試過去到$17,050, 嘩.... 金價好似無意慾回一回咁, 之後跌返$16,950, 我都想一直等, 可能又就快到30/8啦, 無計, 到30/8都仲係$16,950, 算啦, 買左佢啦.

我地係30/8特登去新城市廣場度, 其實我地有目標既, 如果六福俾唔到平折頭就走去周生生買, 橫店2間金鋪都係對面. 好彩今日係星期四, 唔係好多人, 容易D講價. 其實一開始我入去時, 佢地只係肯俾VIP價, 即5折, 但係經過BF既三寸不爛之舌, 居然可以俾到一個好優惠既價我地, 真係估佢唔到, 不過耳環同戒指既手工費都唔係好多錢, 所以就算平, 都唔係平左好多錢, 但係唔理啦, 平得一蚊得一蚊ma. 而且我地分開2張HSBC credit card碌 (我同BF各用一張), 咁就有$400奬賞錢回贈. 雖然係幫媽咪買俾我, 但我都唔想媽咪用咁多錢, 話晒而家d金咁貴. 點都好, 都要多謝媽咪呢.

特別一提, 我地買完金後, d金價又再升左, 今日仲升到$17,280, 嘩... 真係唔多掂啦, 再係咁, 再加埋如果美國出埋QE3, 睇黎都好快會去到$20,000. 真係無眼睇.....

Popcorn又攪換東京機票啦~~

上 個星期收到Popcorn既email, 話黎緊個星期六(1/9)又攪換東京來回機票, 今次比上次仲抵. 只需20 popcorn + $1000 或者消費$500 + $1200 就可以換到一張來回東京機票. 我上次都要消費滿$1500 + $1000 先換到, 今次可以用分就可以換到. 容易好多. 我專登打電話去問過, 出發日期同我地上次一樣, 去到20/12/2012, 當然中間有d時間block左, 有效期10日既機票. 可惜我地已經換左lu. 我第一時間同我嫂嫂同我妹妹講, 因為真係好抵呀. 其實我妹妹好想去, 但係佢話而家d yen好高, 太貴, 話遲d先. 所以放棄左. 唔知我嫂嫂有無換到呢. 希望Popcorn之後會繼續攪呢d優惠啦.