一額汗.....

看 到以下兩則新聞真係睇到我一額汗, 我一開始搵婚宴場地時, 已經問過紅磡都會海逸酒店, 但係啱啱我Big Day果日full左, 之後一直都想要有帳薘的, 所以之後又去左黃金海岸, 因為黃金海岸既價錢又啱我地個budget, 所以果時都有諗過呢間, 而且果時都送幾多野ga, 不過bf一直覺得好遠, 所以最後都係揀返Marco Polo HK, 不過好彩果時揀左Marco Polo HK, 如果唔係而家都唔知點算...... 唉...... 點解D酒店可以咁樣ga, 其實根本而家係佢地毀約... 客人毀約就要沒收訂金, 咁點解酒店毀約, 只係係咁意俾個discount算..... 真係無良心.....

來自2012年10月28日蘋果日報:

http://hk.apple.nextmedia.com/news/art/20121028/18050807

黃金海岸苦主僅獲85折補償

【本報訊】屯門黃金海岸酒店拆婚宴帳篷，令更多準新人受影響。有準新人稱，在本月24日收到酒店致電通知，因為翠篷廳帳篷確認僭建而要拆走，但當時未提及 解決方案。準新娘陳小姐說，自己原定本周五將在該處行禮兼擺酒，但現時酒店突拆帳篷，卻只能安排繼續在原地露天擺酒，或轉到1樓與其他人共用宴會廳，而且 只提供85折優惠，不作其他賠償，令她甚感不滿，呼籲各受影響新人團結向酒店追討賠償。

都會海逸苦主今遊行

至於早前已拆走婚宴帳篷的紅磡都會海逸酒店，在眾受影響新人發最後通牒後，仍企硬只提供原酒店其他餐飲場地擺酒全單七折收費，加最多4,000元佈置場地 金額，並要求各人在月底前確認。各人認為不合理，今日中午將到灣仔警察總部交請願信，要求警方調查是否涉及詐騙，之後會遊行至中環長江中心，要求母公司長 實介入。

另一則來自2012年10月23日蘋果日報:

http://hk.apple.nextmedia.com/news/art/20121023/18046916

酒店單方面毀約　賠4000元了事都會海逸拆僭建帳篷　新人當災

【本報訊】長實紅磡都會海逸酒店上周六被《蘋果》揭發，在無敵海景的花園平台僭建逾3,000呎大型布料帳篷「海景廳」作婚宴用途。酒店在報道翌日突拆走 該個僭建了最少8年的帳篷，令一眾已預訂該處舉行婚禮的新人大失預算。有新人指摘長實另一酒店8度海逸早前才拆走僭建帳篷，但集團懶理都會海逸也可能有問 題而繼續收客，現又突然單方面破壞合約，令不少新人的夢幻婚禮成為泡影。記者：張岳弢　林偉聰

記者昨再到都會海逸視察，發現平台花園上的帳篷已拆走，大批宴會用的桌椅及帳篷地台被摺起，堆放在平台花園上一角，並用屏風圍着；但仍可見到用作新郎房及 新娘房的兩間組合屋。在酒店大堂內，介紹酒店設施的燈箱已移走「海景廳」簡介。

【清拆前】本報上周六揭發都會海逸在花園平台僭建逾3,000呎帳篷海景廳。資料圖片

自助午餐被迫改地點

海景廳被踢爆是僭建物後，不少預訂了今年底至明年初的新人原本仍不太擔心，仍相信都會海逸可採「拖字訣」，讓他們如常舉行婚禮；但當他們昨得悉帳篷已拆走 後，即感到十分徬徨，因其他婚宴場地大部份已爆滿。文小姐是其中一位受影響新人，她計劃在下月中與男友在該處舉行婚禮及自助午餐，預算花10多萬元，並已 落定五成。
她說上周六得悉帳篷疑僭建後，翌日即致電酒店查詢，職員告知帳篷會在下午拆除，至昨日她到酒店了解，職員向她聲稱，證婚可繼續在露天花 園平台舉行，但自助餐要改到室內地方。她批評與最初預計大為不同，不僅帳篷消失，要臨時重新佈置露天花園，亦難以舉辦西式自助餐聚會，而酒店只肯提供「心 意」4,000元及自助餐九折，她直言不能接受，要求酒店負擔額外的佈置費用。

長實在應用作為花園的平台上，僭建婚宴場地，或已違反政府准許的用途。資料圖片

集團知出事仍接生意

惟最令她不滿是酒店的處理手法。她於約兩年前已看中酒店的帳篷而預訂場地，但至近日才得悉，原來長實旗下另一間8度海逸酒店，較早時亦曾拆走僭建帳篷，但 酒店未有正視，還繼續接生意；在報道刊出後，又在未有告知客人情況下拆走帳篷。她昨就此質問酒店，但職員以「食環署有發牌」辯稱，「佢哋罔顧新人利益，我 家唔係book枱食buffet，係搞緊一世人得一次嘅婚禮」。她已向消委會投訴，但因婚期臨近及已派帖通知親友，在無選擇下，惟有無奈接受酒店的安 排。
都會海逸發言人證實，於周日已拆走僭建帳篷，指是在與政府部門商討後的決定。她說昨日已陸續通知預訂該帳篷行禮的新人，盡量提供協助，包括讓 客人選擇在集團其餘酒店行禮，亦會提供交通安排等。她指，如客人不接受，酒店願全數退款，但未有透露受影響客人數目。

爸爸西裝團購?

搵完媽媽衫, 就要著手攪下爸爸西裝, 因為BF爸爸已經唔係度, 所以都係幫我爸爸去攪. 我上網睇左D資料, 絶大多數B2B都係搵中環的祥興洋服, 價錢又平, 手工又OK. 其中有D人都會搵龍將洋服, 相對會貴D. 啱啱見到有團購係做西裝, 都好平, $698一套西裝, 係叫香港洋服. 唔知好唔好呢. 諗住上網搵下資料, 點知都無人講呢間得唔得.... 心大心細諗緊join唔join呢個團購tim....

其實都有諗過好唔好上去淘寶度淘, 但係西裝一唔啱身好唔掂, 所以我都係唔敢試....

個團購仲有6日先完, 等我再努力搵下資料先....
團購網址:
http://www.gobuya.com/offers/Hong-Kong-Tailor-tailor-made-suit-1022

踏入最後階段 - 婚宴佈置確定了

越黎越近big day, 有d野差唔多係時候要決定了. 早係2月時已經係expo度join左Maple Floral & Gift攪當日佈置, 果時已經R到送多D野, 但一直都未去傾點佈置, 見而家都係時候, 所以都係傾左呢個項目先, 起碼煩少一樣.

Maple Floral & Gift既鋪頭係紅磡都會商場, 當日去到都已經有幾對人係度傾緊, 好似生意都幾好bor. 跟我地個sales叫Vicky, 佢拎返我地張單出黎想同我地傾下點佈置, 見到張單, 好驚訝話原來佢送咁多野俾我地, 哈哈, 我以為平時d人都係R咁多野tim.

先recap返我之前join個package係包d咩先:

1) 接待處: 絲花藤圍邊或多款絲花佈置
2) 接待處水晶燈
3) 禮堂佈置: 多款絲花組合花柱選擇, 及禮堂背板絹布佈置連立禮英文電腦界字 (可選絹布或絲絨布底及絲花圍邊, 加4-6呎絲花花柱一對/雪紡pattern效果/紙花pattern效果)
4) 白色毛毛地毯
5) 花波2對 + 藤波10多隻 (放在台上)6) 台上射燈2對
7) 蛋糕檯: 絲花藤圍邊或多款絲花佈置
8) 油畫相: 絲花藤圍邊或絲花對角花組9) 證婚台佈置
10) 相簿台佈置
11) 借用3個candy jar (這要自己清水消毒, 及要收按金$600)

Vicky同我地講, 果時我地join個package時, 加毛毛地毯係加$1000, 而家要加$1800, 好彩我地果時一早join左, 如果唔係我諗我唔會加la.

我地開始傾下backdrop要咩款先, 其實Maple Floral & Gift都幾好, 本身個package包既backdrop係包2層, 即底層可選絹布或絲絨布底及絲花圍邊, 而面層可雪紡pattern效果或者紙花pattern效果, 再或者4-6 呎絲花花柱一對. 因為其他公司如果要用紙花要另外收錢. 所以佢地算係唔錯. 但其實我睇過d佈置相片, 好似紙花再加雪紡效果最靚, 但係咁樣就要三層, 要加錢, 咁我地又唔想加錢, 所以左諗右諗究竟要紙花好, 定雪紡好呢.... 其實我偏向紙花ge, 又有d心大心細. Vicky之後就show左一幅相俾我地睇, 話呢幅都幾好ga, 係2邊紗, 咁樣無咁單調, 但係最上邊都係會有幾朵紙花呢, Vicky話唔緊要la, free俾我地wor, 又唔係多花, 得幾朵都可以free到, 如果多就唔得ga la. Yeah!! 實在太好啦. 底層我決定用絲絨布,  之後就要揀雪紡顏色啦, 咁 Vicky就問我晚裝會著咩顏色, 我話紫色, 跟住我就俾左幅相佢睇, 佢話咁深色, 最好襯返d淺色, 其實佢推介隻淡綠色, 我話我本身唔係咁鍾意綠色, 所以佢又推介左隻蝦肉色, 唔... 我唔係唔鍾意隻色, 但係我覺得唔係咁襯我, 我本身唔係咁girlish果隻. 其實我都係鍾意Tiffiany Blue, 雖然同條晚裝隻色唔係十分襯, 但都可接受. 最重要係我鍾意呢隻色ma...

跟住就要決定個字顏色, 字型得一款, 如果想轉字型要加$380, 如果想轉一塊foam board要加$680, 我地唔想加錢, 所以都係睇顏色吧, 顏色全部都係閃的. 其實我覺得最靚係銀色閃字, 但係銀色閃字配白色絲絨布, d字唔會咁出, 所以要搵d深色d, 唉... 最後揀黎揀去, 居然揀左隻綠色, 因為睇過影相出黎既效果係最好... 其實佢地有深藍色, 但好似太深色, 如果佢地有出淺藍色閃字就最perfect, 但係無.... 所以都係最後決定了綠色閃字.... 不過我而家諗諗下都係想要深藍色閃字, 唔... 等我再諗諗先, 之後先改.

個backdrop決定左之後, 其他野就快好多啦. 其他主要都係以Tiffiany Blue為主, 除左證婚台既佈置外, 因為到時個證婚台會搬上個台上, 而個backdrop已經係Tiffiany Blue, 如果證婚台又係Tiffiany Blue, 咁就會撞色, 見唔到張證婚台, 所以證婚台會用全白色. 其他都無咩特別, 係主要想講講糖果台, 其實我地2月join時, 佢只係答應免費借用 3個candy jar, 仲要我地自己早一日去佢鋪頭拎. 唔會有糖果台佈置, 我初時諗住係接待處度放埋3個Candy jar算la, 其實張接待台好大ga. 但係今次Vicky見到張單時, 話果時唔記得寫埋糖果台既佈置tim, 唔緊要, 而家加返先, 咁即係佢會幫我地佈置埋糖果台, 哈哈... 仲要係佢話佢地當日去佈置時會拎埋去, 不過就要叫酒店d人去清洗一下先得, 咁佢地當日可以拎埋走, 唔駛我地自己拎返去俾佢, 實在太好la.

總之, 總算攪掂一樣野啦. 之後要加把勁攪埋其他先.

再黎媽媽晚裝

之前淘左件旗袍俾媽咪, 而由於媽咪希望又多套晚裝, 咁又再淘下, 其實我有諗過不如返羅湖商業城訂造一條, 但我又唔知邊間好, 又要上去幾次. 所以都係淘返黎啦. 起碼淘寶果度會有評分, 知邊d好ma. 咁之前俾左好多相俾媽咪過目, 其實佢都心大心細, 幾經辛苦, 佢最後揀左以下呢個款.

咁 呢個款我都覺得幾靚, 但係媽咪話要藍色, 佢唔鍾意灰色, 而賣家又話ok, 可以轉色, 咁我量好晒媽咪d尺寸, 就話俾賣家, 造貨期15日. 賣家好準時係15日後就發貨. 我叫佢直接寄香港俾我, 所以話咁快就收到件貨, 當晚即刻俾媽咪試下啦, 打開黎睇, 噢, 真係好足料bor, 而且手工都唔馬虎, 絶對值得一讚. 但係發覺媽咪肥左d, 迫左少少, 但係都啱身, 著左上身, 著到媽咪瘦左tim. 但我會覺得如果係灰色會靚D. 件晚裝本身係low cut, 但外邊有件seethrough既外套仔, 呢件外套仔就做得麻麻地, 不過整體都真係唔錯, 價錢只需RMB500. 絶對超值.

媽媽衫總算搵掂左, 奶奶衫都仍在努力中呢.

張帖終於有決定啦

我妹妺終於嘔到張帖既初稿出黎啦, 仲有2款俾我揀tim!! 真係好難得呀!! 哈哈....

首先張帖我會以單咭雙面形式咁印, 由於我好鍾意儲可樂樽, 而bf就好鍾意食糖, 所以我妹妺將呢2樣野crossover, 得出2款帖既初稿出黎, 一款係中式, 另一款係西式. 2款我都喜歡ga, 不過bf鍾意西式多d, 咁就佢話事啦.

呢款是中式, 其實我都好鍾意呢款, 但睇睇下其實有d似鬼新娘果d feel, 哈哈. 同埋件褂個比例差dd.

呢款就係西式, 其實改過幾次, 因為第一個稿係支波板糖矮過支可樂, bf唔鍾意, 佢話明明佢係高過我ga ma, 點解會好似佢好細粒咁, hahhaa, 所以再要求妹妹執下. 最後就係得出呢個款la.

帖 面攪掂, 帖底都係一個問題la. 主要係要點寫張帖既內容呢, 呢個真係一個學問, 我上網睇左好多資料, 先打到呢段內容出黎. 其實最大問題要唔要用承嚴慈命, 簡單地解釋係嚴代表祖父, 慈代表祖母, 即係如果祖父母還在世既就要寫. 我自己只係得祖母係度, 所以我爸爸個名上面會加承慈命, 但係bf方面就有少少麻煩, 因為bf爸爸已經唔係度, 得返佢媽媽係度, 而佢既祖父同樣都唔係度啦, 祖母係度. 我就係度諗張帖只會寫bf媽媽個名, 咁上面係都係寫承慈命呢? 因為我知平時係唔計外祖父同外祖母的, 但係因為bf爸爸唔係度, 所以唔知應該以bf媽媽黎計定係點. 但係後黎知道原來bf既外祖父都唔係度, 都係得返外祖母, 所以點都好都應該係寫承慈命, 所以就算lu. 但係bf提出左一個問題, 就係佢媽媽個名前面係咪要加佢爸爸個姓, 佢話佢爸爸已經唔係度, 係咪應該唔駛加, 但係我覺得佢媽媽仲係佢爸爸既老婆, 所以都應該係跟佢爸爸姓, 所以應該要加law.

其實證婚時間未定, 但係打左先, 等拎去印帖之前再執

基本上喜帖內容既資料可以參考以下網址:
http://wedding.983.com.hk/wedding-invitation-knowledge/wedding-invitation-1.html

婚前輔導 Final Round @家計會

終於來到最後一堂, 這堂婚前輔導主要係講姻親關係, 財政處理, 性關係. 今次都用左好多時間講財政處理方面. 而財政處理大部份人主要有以下三種處理方法:

1) 全部奉獻型
2) 合作型
3) 獨立型

d名係我自己講ge, 因為我唔係咁記得真正既名, 但係意思差唔多.

1) 全部奉獻型

即 係2公婆大家搵幾多, 全部都拎晒出黎放係新家庭度. 特點係大家都好清楚大家既財政狀況, 同埋會有一種我們的家既感覺, 因為自己所有野都係呢個屋企裡面. 但另一個問題係大家好似無咩私隱咁. 想有個私己錢都無, 所有用錢都會俾另一半知道晒. 呢個我覺得係上一代既人, 即係阿爸阿媽果代可能主要用呢個方法.

2) 合作型

即係2公婆每人都會將部份人工放係新家庭度, 但同時有部份會留作自己既私己錢. 呢個可以同時有我們的家既感覺, 又可以有私己錢. 但係每人拎出黎既比例要大家再商討. 無話規定幾多. 相信而家社會, 好多人都係用呢個方法.

3) 獨立型

2 公婆既人工會完全分開, 可能按新家庭既支出種類去決定邊個俾錢等等. 好似老公俾供樓, 老婆俾水電媒等. 或者老公全部俾晒等等. 但係大家都唔知大家既財政狀況. 同埋好似無左我們的家既感覺. 我見而家有d年青夫婦都係會用呢種方式, 可能唔想對方知自己既身家啦... hahhaha...

其實我們的家呢個感覺對於新婚家庭好重要ga. 因為咁樣大家先會投入呢個家庭. 而我地之前一直都未有傾過呢個問題, 但好似大家都有共識會用第2種合作型方法. 我覺得呢個屋企大家都有份, 唔應該其中一個出晒, 但點都好有d私己錢會好d ge. 所以第2種合作型好啱我地. 但係我地大家都好清楚對方既財政狀況ge. 其實我地又有個問題啦, 如果用第2種合作型處理新家庭既財政, 咁駛唔駛開聯名戶口呢? 如果唔開係咪都ok呢? 呢個問題真係要諗諗...

其實上完3堂婚前輔 導, 2公婆最主要真係要溝通. 輔導員都舉左好多唔同例子, 講話好多時大家有argue係因為大家欠缺溝通. 例如老婆一直都要堅持開住toilet燈訓, 但係老公就覺得點解要開住呢. 因為呢樣野經常有argue, 後來經過輔導員了解之後, 原來係因為老婆一直都無安全感, 所以覺得要開住燈訓先安心.老公知道呢件事後, 佢就係其他方面做左d野令老婆既安全感增加. 久而久之, 而家可以唔駛開住燈. 每一樣野都有佢原因, 只係大家有無去嘗試了解呢.... 所以溝通真的很重要.

心目中的結婚公仔

其 實結婚公仔呢個ITEM, 我係上年已經開始搵, 因為初時諗住拎埋去影第一輯Pre-wedding, 點知.... 事源我一直都希望想搵小雲同小寶寶做結婚公仔, 而原來小雲同小寶寶係無出自己既結婚公仔ge. 咁我見其他人會幫隻公仔自己整件婚紗禮服, 我初時都諗住搵到隻公仔之後就試下自己幫佢做衫. 但係原來想搵小寶寶既公仔係好難ga. 因為要搵一隻可以換衫ge, 同埋同小雲差唔多大先得. 本身我上網搵到一對小雲小寶寶塘膠公仔, 好靚好fit去做結婚公仔. 點知原來小寶寶果隻公仔已經絶版, 我搵過好多地方, 都搵唔到... 好努力努力咁搵, 終於知道係日本有得賣呢隻塘膠既小寶寶, 但成$1XXX一隻公仔, 太貴啦, 我真係唔捨得.... 後來我知道小雲小寶寶係有出布絨公仔, 但就唔係著婚紗禮服, 咁我係金都, 百利都有見過有人賣呢款小雲小寶寶公仔, 而佢地自己再做婚紗禮服俾對公仔. 但都賣成超過$500, 我都覺得比較貴, 咁我就去淘寶搵下啦, 我發現淘寶有得賣呢對公仔, 賣RMB1XX, 價錢都可接受, 但要自己整緍紗禮服. 唉... 我又一直都比較懶, 拖到今年年初時終於諗住想去淘寶淘啦, 點知居然賣晒.... 一直都再搵唔到... 而淘寶個店主都話應該唔會返貨... 真係唔開心啦...

我一直都想搵呢對公仔做結婚公仔, 呢張相都係copy一個blog友的, 可惜我都係搵唔到呢, 所以最後放棄左

之 後, 我都有諗過好唔好用其他公仔, 包括大雄靜宜, 大力水手, Little Twins Star, 飄零燕等... 咁大雄靜宜同Little Twins Star既結婚公仔我係淘寶都搵到, 都唔貴ge, 而大力水手都有係淘寶都搵到, 但係就要自己整婚紗禮服. 飄零燕就只係香港先搵到, 都要成差唔多$499. 一直都心大心細ge...

淘寶好多間都有賣大雄靜宜, 價錢都好相宜tim

而Little Twins Star我只係搵到中式ge, 但都好似不錯呢

其實大力水手都幾平ga, 但要自己整婚紗

呢對公仔只可以係香港買到, 大約$499, 其實都幾靚ga

時 間越黎越近, 我都要盡快決定, 早係幾個月前去百利逛逛時, 突然發現到有一間鋪頭賣小雲小寶寶結婚公仔只係賣$240, 我突然叮一聲, 價錢都好平下bor, 跟住當然要發揮下格價精神, 都係無一間平過佢. 真係唔知點解呢間鋪特別平. 所以早幾日決定都係買左先, 費時陣間賣晒. 終於都可以買到小雲小寶寶結婚公仔啦....

呢個就係我最後既結婚公仔啦

婚前輔導 Round 2 @家計會

來到婚 前輔導第二堂, 今次唔需要一d自我介紹, 所以可以主力講返婚後大家既相處之道同埋要注意既地方. 其實輔導員都講得幾啱ga, 未結婚前, 可能自己主要會以自己屋企(原生家庭)為主, 平時都係返屋企食飯, 成日見住自己屋企人等等. 但結婚後, 就要重新排次序啦. 因為時間都係只得24小時, 但又要返工, 又要做自己野, 而家多個新婚家庭, 你變左排第一位係新婚家庭, 之後先會係原生家庭. 所以變左係原生家庭既時間會少左. 呢個自己要調節.

而另一點就係夫婦雙方既溝通, 而溝通就分5個層次.
第1層次係一般性溝通(打招呼式), 即係只係hi同bye;
第2層次係事物性溝通(報告式), 即係純粹報告, 唔會有意見同分享;
第3層次係分享性溝通(意見式), 即係交換個人意見同判斷;
第4層次係情感性溝通(感受式), 即係除左交換個人意見同判斷外, 仲會表達個人感受, 情感同願望第5層次係共鳴性溝通(關愛式), 呢個係最高層次, 除左包括以上每一樣野外, 仲會係雙方達到了短暫的, 高度一致的感覺. 而且甚至一d對住其他人難於啓齒既野都可以講俾對方聽.

輔導員分別問我同bf, 覺得自己對伴侶既溝通係去到邊一個層次, 而覺得伴侶對自己既溝通又去 到邊一個層次. 咁我同我bf都覺得我地2個都係第5層次. 輔導員好開心同我地講話好少準婚夫婦都係覺得自己同伴侶都係第5層次. 通常都會覺得自己對伴侶係第5層次, 覺得伴侶對自己可能只係得第3層次咁.... 而對方又可能同時覺得自己對伴侶都係第5層次咁..... 可能bf個人好鍾意咩都講晒出黎, 係不吐不快既人, 所以久而久之大家都會咩都會講.

不過都係因為今次婚前輔導, 先知道原來溝通都分咁多層次, 同埋呢種溝通對大家都好重要. 輔導員話希望我地要繼續keep住咁既態度呢.

2nd pre-wedding 之試衫記

差不多仲有個多月就要去日本影 pre-wedding, 咁都係時候去問下幾時有得試衫, 約左個星期六下午去試. 地點都幾偏僻. 不過唔緊要啦. 上到去間店, 都好大間試衫空間, 去到時店員叫我自己睇下有咩婚紗晚裝想試, 我問佢有無相睇, 佢話d相唔update, 但都可以睇下先. 跟住就無理我. 佢叫左個姐姐黎跟我. 我諗佢係負責改衫個姐姐黎. 但係我睇左好耐, 都揀唔到d咩衫黎試, 終於揀到又話果日俾人book左. 又要再揀過. 幾經辛苦終於揀到幾件出黎試, 個姐姐幫我換衫, 但係都幾求其, 好多時都係我自己著. 咁試左出黎, 我問佢地有無高跟鞋俾我配一配, 佢果度又無, 早知我著對高跟鞋去啦. 個感覺會唔同ga ma. 但最重要係d衫真係唔多掂. 我揀左好耐先揀d簡單d既款算啦. 而且d男禮都唔多得, bf都揀左好耐先揀到2件. 講真, 真係有d衝動自己去淘寶淘返d 平平地返黎影好過. 個姐姐話可以10月頭再去揀過, 可能到時有d衫返左可以揀下. 唉...到時再去睇下啦.

我可以揀3件婚紗/晚裝同2套男禮, 我其實都係諗住揀1件婚紗同2件晚裝, 但真係好難揀呢....

呢件普普通通啦

呢件前短後長唔知點解著到好肥呢
呢件簡簡單單, 但只係平腳
呢件都係前短後長, 比之前果件好, 但係都係唔多得咁, 可能前面太長. 但後面可以再加長拖尾.呢件好似鬆毛狗feel
呢件又係簡簡單單, 後面就係大拖尾, 最後我揀左呢件.
而晚裝方面, 我本身想搵D黑色晚裝, 但係都無咩選擇, 呢件係唯一一件, 都係麻麻地
呢件普通啦
呢件勁低胸, 到時只可以NU BRA先得, 其實都係麻麻地, 但無得揀之下, 我揀左呢件.呢件係咁多件之中最好既一件, 所以都有揀呢件晚裝
其實呢件都唔差, 但隻色我麻麻地鍾意
呢件好攪笑, 可以拆左裡面既紗, 變左做短裙, 都好有日本feel.
而男禮方面, 同樣無咩選擇, BF想揀一件白色同一件黑色, 呢件白色係咁多件中最好, 可惜無期
呢件扮2件, 但有D怪



最後黑色呢件係最好, 所以揀左呢件黑色

戒指枕半成品

之前一直都好懶, 唔係好想攪結婚野, 但點都好, 都要攪下ge. 開始拮下隻天鵝先. 其實我都未決定係咪用佢黎做戒指枕, 不過拮左先算. 我要拮2隻天鵝, 一隻係新郎, 另一隻就係新娘啦. 我覺得要拮2隻一樣size既野, 真係有d難度. 要成日對比返另一隻先得. 本身無諗住加對翼俾佢地ga. 不過如果唔加翼, 似鴨多過似天鵝lor. 所以都係再拮多2對翼俾佢地. 我再加多頂紳士帽同煲吠係新郎隻天鵝度, 而另一隻新娘天鵝我諗住加頭紗同條珠鏈, 但呢2樣都未整呀. 其實都仲要再拮得精細d. 同埋可能再拮個平台用黎放2隻天鵝係上面.
而家暫時用大頭針拮住頭紗先, 睇下個效果