未來奶奶的旗袍

其實未來99件旗袍都造起左一段時間, 一直都未有時間去updated. 主要近排做左好多野, 而又太忙, 所以一直都無咩時間去updated.

我 之前係淘寶搵左好多旗袍相俾未來99揀, 因為未來99話一定要多布, 所以晚裝唔駛諗la, 旗袍會啱佢d. 咁幫未來99度好身後, 就俾淘寶個賣家訂造, 但係本身我想訂造果間無晒果隻布料, 要重新再訂過, 所以要好耐.... 後來我搵到另一間係用同一隻布造差唔多款, 所以我問佢可唔可以造到我要求既款同色, 佢話無問題, 價錢又差唔多, 最後就決定同呢間造.

賣家好準時咁15日寄到俾我. 我收到後都覺得十分抵, 手工真的不錯. 價錢都係RMB340, 都算係咁. 我媽媽見到都話好靚呀. 早知佢訂呢件咁wor... hahah, 真係俾佢激死.

跟 住當然要拎俾未來99試下身先, 本身諗住叫bf拎俾佢, 點知bf話佢都識呢d, 叫我自已拎俾未來99試... 男人一句話唔識, 就可以推話唔做, 真係呀. 我幫未來99試上時, 發覺好似迫左d bor. 我睇返d size, 佢又無造錯... 我睇睇下我估係因為未來99個肚腩位好勁, 咁條腰個比例相對黎講係幼, 所以應該係腰去到腹位果度太迫, 所以我諗住拎出去叫人放鬆1吋, 咁就應該無問題la. 同埋我估我度未來99身時, 無預到鬆位, 而淘寶果度又真係做到啱啱好. 所以就出現在咁既情況.

我見到觀塘廣場有間幫人改衫, 改闊旗袍$55, 我覺得都可接受, 所以就拎左去改. 但係一直都好難就時間拎返件旗袍. 因為佢平日係7pm就收日,  我放工都未必趕到去. 星期六就2pm收工, 星期日又唔開, 其實咩改衫好好搵, 佢好似我地返office工咁既返工時間. 唉... 唯有搵個星期六早d出去拎返件旗袍先得. 不過雖然加多$55去改衫, 呢件旗袍都算係抵呢.

呢件就係原先我想造果件旗袍

我地收到果件旗袍呀(未改前)

我就係係呢間度淘返黎啦:
http://item.taobao.com/item.htm?spm=a1z09.5.0.41.vUx9mm&id=5667408193

其他花車公司選擇

自從係expo睇過D花車公司既價錢後, 覺得太貴, 所以之後我再上網搵下其他資料, 發現其實還有很多租車公司, 而且都平很多. 相信因為唔駛俾咁多廣告費呢. 以下係我再搵到的其他租車公司, 包括:

自由樂轎車服務公司
Website: http://www.freefuncar.com/price.html
呢 間係因為上網睇其他新人的blog發現的, 佢地租左一架開蓬的Beetle, 我好喜歡呢. 再看看價錢, 都比之前看到的平, 而家開蓬的Beetle時租$490, Mini Cooper時租$590, 而Benz S-class的時租只需$380, 佢地最少要租4小時, 但係如果我租開蓬的Bettle比Benz S-class貴$440. 好似唔係好抵咁, 始終花車既出場時間唔多, 而且我會俾BF不停咁嘈我的. 而且如果租埋28Van, 都無得再平D, 不過如果係big day前一日俾晒所有錢, 就可以有95折. 所以都係再睇睇先.

立信租車
Website: http://www.lapshunco.com/web/index.htm
呢間只得Benz, 7人車同埋中巴租, 價錢一般. Benz S-Class 首3小時$1588, 28座中巴則比較平, 首3小時只需$888. 但係整體都係貴左D

Boss Production
Website: http://bpcarrental.com/index.html
我 係因為上網Search睇下仲有無其他Beetle既車出租時搵到. Boss Production佢只有普通的Beetle, 但都OK ga, 而且仲平D tim, 3小時只需$800, 而Benz S-class 3小時都只需$1100. 我記得之前睇佢website係可以租3小時的, 而家最少都要租6小時LA, 都無計, 要再搵過第二間.

Tung's
Website: http://blog.yahoo.com/_A3VN3HSJG5DYPYPB6JH53UPNR4/articles/100965
這家都有開蓬Beetle, 但係佢最少要租4小時$1580, 而Benz S-Class 4小時$1380 (都幾平呀), 但係28座Van佢話要最少租6小時, 噢, 又唔啱啦.

Avis
Website: http://www.avis.com.hk/t_chinese/avis.html
這家話晒大公司呢, 而且佢都有開蓬Beetle租, 時租$450, 最少租3小時. 其他車款都是比較徧貴呢. 所以又放棄了.

啟聰旅遊公司
Website: http://www.weddingcarhk.com/Home_Page.html
這家的車款都頗多, 有最基本的Benz同7人車, 同埋倫敦的士同勞斯萊斯, 價錢都頗實惠, 但係就無Beetle款. Benz S-class 3小時只需$1280, 如果Benz S-class連埋28座van 3小時都只需$2180. 值得考慮呢.

長長久久1999租車公司
Website: http://blog.yahoo.com/_2KI3CJGHZ3AAATXUBPSKUPX7R4/articles/416893

搵 左咁耐同咁多資料後, 最後我都係唔需要需花車lu, hahaha, 因為bf有個兄弟有車借用, 咁當然唔係d咩野特別既車, 但係如果咁樣, 可以慳返d. 所以我最後都係決定放棄用Beetle做花車...... 不過都仲係要租28van, 不過我都決定左ga la...

預約簽署擬結婚通知書@壹證婚

早前收到壹證婚通知, 需要出席簽署擬結婚通知書, 同埋會有埋個講座, 講下big day當日證婚流程.

簽署完擬結婚通知書後, 佢地就會幫我地交去婚姻登記處度, 之後會係婚姻登記處張貼最少15日, 如果無人反對, 就會發出婚姻登記官證明書, 批准我地結婚. 唔知有無人試過無啦啦俾d無聊人走去反對呢. 哈哈...

而壹證婚亦通知左我地分派左邊一個律師俾我地, 我只係記得係女律師, 唔記得左個名tim. 之後壹證婚當日安排左講座, 講下big day當日證婚流程. 其實壹證婚都幾好, 佢地會提點各位新人要注意既事. 這點都值得一讃.

我 一直以為如果搵律師證婚, 係新郎新娘一齊進場. 但原來係可以安排另一種方式. 可以好似教堂方式咁進場. 由新娘爸爸拖新娘進場, 而新郎會係台前等新娘行入黎. 呢個都好似幾好咁.... 但係我地會係Marco Polo HK擺, 而佢個ballroom係長方形, 預計個台會係中間位置, 所以進場行到台前既距離比較近, 我覺得好似新郎新娘一齊進場會適合d.... 唔知大家又會點揀呢? 我都要諗清楚先得.

仲有係我揀左傳統儀式注冊, 即是律師只係會講基本野, 但原來新郎 新娘既誓詞可以個人化, 因為平時只係會得一句, 而壹證婚都俾左一d版俾我地參考. 我問bf佢想要standard既誓詞, 定係個人化, 佢話緊係standard好, 講咁多好似講錯野... 哈哈.... 我諗bf係怕當日好緊張, 所以講得越少越好呢....

話咁快仲有一個月就Big Day, 唉... 好似好多煩咁... 因為間屋好多傢俬都未齊, 加上近排好多百貨公司大減價, 要走去掃貨, 每一日都攪到好累呀~~

終於輪到爸爸西裝啦

之前曾經睇過爸爸西裝團購, 有諗過買呢個團購, 但又唔知間野ok唔ok. 上網見到好多人都係話係祥興做西裝, 又平又靚. 咁我又知其實可以去荷里活商場度做西裝, 仲平tim.... 最後我都係決定去祥興算啦, 因為我見價錢又唔係貴好多, 好似多d口啤. 所以費時煩啦....

但係最重要係祥興 好似出左名好多人, 要等好耐... 我初時諗住搵個星期日係佢未開門就去到(佢11點開門), 即係大約10:45左右去到, 好似聽講呢段時間最少人, 但一直呢幾個星期都好忙, 而我本身係一田大減價第一日請假去掃貨, 所以就諗住果日星期四下午約埋我爸爸一齊去做西裝啦.

呢個就係祥興既招牌公仔, 哈哈, 我見個個上到去都會幫佢影一影相ge

話 晒閒日下午, 諗住應該會唔多人, 點知入到去, 已經有差不多7-8個人係度. 真係估佢唔到bor. 間鋪我估得老板一個人做衫, 另一個係伙計黎, 我入到去見到老板同客人度緊身, 咁我就同老板講我想訂造西裝, 佢叫我地去揀左布先, 佢有2個架放滿晒d布版, 一個架係夏天布, 另一個架係冬天布, 其實真係好多布版係度, 有d花多眼亂, 都唔知點揀好. 啱啱見到d布版隔離掛了一套暗直紋既黑色西裝, 爸爸見到就話不如呢件啦, 幾好呀. 但係原來呢件係四季料, 我怕佢到時會凍, 佢話ok啦, 都睇唔啱其他. 算啦, 最緊要佢鍾意.

成堆布版係度, 真係唔知點揀好....

爸爸最後就係見到呢套覺得幾好, 決定要呢隻布la, 連個款都會造到一樣tim

咁既然決定左, 諗住同師父講啦, 但係太多人, 都要等幾個先輪到爸爸度身. 不過師父度身都幾快手, 佢仲話除左度身仲要記低你有咩特徵, 因為好似有少少寒背咁, 佢會就住呢樣去造套西裝出黎, 咁著出黎會好睇好多. 師父都真係幾有心造bor.

咁 度好身後, 就要2個星期後去試身, 大約4個星期會做起套西裝. 不過因為近年底, 好多人都趕住造西裝, 師父話都會忙d, 所以真係要早d去造西裝啦. 做普通西裝盛惠$1098, 布料任揀. 好似話如果造禮服, 則只係需要$998, 呢個真係幾抵bor. 希望快d造好啦....祥興洋服設計公司 Cheung Hing Tailor Co.
香港皇后大道中79號萬興大廈4字樓 (另有分店在祖庇利街, 但師父只會係萬興大廈)
2523 9737 / 2525 8997
星期日休息(平日11點開門)

來到封帖既時候了....

過完大禮後, 就要準備派帖啦. 所以我要盡快去攪掂d帖先得.

之 前妹妹幫我design左張帖, 我俾左淘寶度印, 都算唔錯, 10分滿分都有8分ga la. 又平, 真係抵呀. 收到淘寶d帖後, 就要搵信封, 咁原先Marco Polo HK會送帖俾我地, 只係我唔係咁喜歡佢隻帖款. 講時講, 原來佢而家多左一款綠色中式帖, 即係平時西式帖係金色, 但隻綠色中式帖都好醜樣. 但係Marco Polo HK隻西式帖信封都幾靚ga bor. 又啱我自己張帖既size, 所以我決定問用佢地既信封, 咁又可以慳返d錢. 但係我去Marco Polo HK拎帖封時, 我一併拎埋d帖 (因為我費時話只係要信封), 係超重呀....

好 啦, 有帖有信封, 但又有問題出現... 帖信封既稱呼應該點寫好呢? 如果自己朋友就無所謂啦, 最煩麻就係d親戚, 由於係用我爸爸既名義俾帖人, 所以真係要諗清楚點寫. 咁我自己既親戚基本上都ok, 反而係bf方面既親戚, 佢話連佢自己都唔係咁清楚係咩闗係..... 算啦, 我都係攪掂自己方面既帖先啦. 經過我上網搵過d資料後, 主要係要有以下寫法啦...

爸爸的兄弟: 胞兄/胞弟 (跟我的關係是伯父/叔父)
爸爸的姐妹: 姊夫/妹夫 (由於是已婚, 所以會寫佢老公個名) (跟我的關係是姑丈)
媽媽的堂兄: 內兄 (跟我的關係是舅父)
媽媽的姐姐及堂姐: 姊夫 (同樣由於是已婚, 所以會寫佢老公個名) (跟我的關係是姨丈)
嫂嫂的父母: 姻親 (其實我都唔知係應該點叫佢地)

如 果只是兩夫婦, 就打丈夫姓名之後再加先生夫人, 如果還有小朋友等, 就會再加闔府統請. 特別一提是我諗住請個朋友(已婚), 但個朋友個父母又同我父母係朋友, 咁我地就要分別俾2張帖佢父母同我個朋友. 其實我聽講主要係因為要分開人情wor... hahha, 我都唔係咁清楚, 不過如果個朋友未結婚, 我就唔會俾帖我朋友, 只會俾佢父母, 再加闔府統請.

資料來源: http://wedding.983.com.hk/wedding-invitation-knowledge/wedding-invitation-knowledge-17.html

好彩我屋企都唔算複雜, 可以好簡單就打好晒. 反而bf度唔知點打好. 之後佢居然話算啦, 只係寫名算啦, 其他唔打la, 佢話佢媽都同意左, 咁仲好, 唔駛我煩... (其實我估佢媽都未必咁清楚d闗係). 咁我確定晒d名之後, 就要係公司靜雞雞印信封啦, 因為我唔鍾意印係label度, 所以直接印係個信封, 會麻煩d, 但呢d難唔到我ge... hehee....

好 啦, 真係準備好晒所有野, 信封, 帖, 利是, 美心餅咭, 可以開始入帖啦.... 咁我又開始有另一個問題, 究竟女家派帖要唔要加埋封回禮利是呢? 本身女家派帖一定有餅咭, 咁利是我發現每個做法都唔同, 有d人有加埋入去, 有d人就無.... 算啦, 我都係加埋入去lu, 但係我媽又話有餅咭就唔駛利是bor, 咁最後.... 我自己朋友就加回禮利是, 我爸爸媽媽既親戚朋友就唔加利是. 咁就最好啦... hahahah...

入 好帖之後, 就要封帖啦..... 我之前係淘寶訂既火漆正式開封la, 我好努力咁燒呀, 倒呀, 印呀.... 初時個份量控制得唔係咁好, 就印得無咁靚, 到後期掌握到個技巧會好d. 但係我真係估唔到原來呢個係會用我好多時間, 好彩我都唔係請得多人, 有幾晚真係攪到3-4點先訓得呀.... 唉...  其實都有d後悔, 如果係貼紙, 一早攪掂晒..... 但整左出黎又真係幾靚ge... hehehe....

回味2nd pre-wedding@東京輕井澤

都係時間要補返11月初去輕井澤影 2nd pre-wedding既情況. 不過首先要講返事前一件事, 本身我地訂Dimanche時, 係有講明想搵Gordon影pre-wedding, 果時話未必可以安排到Gordon, 咁佢地仲有另一位攝影師叫Dick, 影得都ok ga. 咁如果Gordon唔得閒, Dick都ok ga. 當我出發去日本前再同Dimanche再傾下當日安排, 點知佢果刻話攝影師叫Eric, 我話咩唔係Gordon咩? Eric係邊個, 之前都未聽過佢個名ge? 佢地話Eric係第二間過黎Dimanche, 大約黎左半年, 其實我地都係想搵Gordon lor, 佢話Gordon同Dick都唔得閒呀, 所以只可以搵Eric, bf勁唔妥lor, 因為應感覺被騙. 咁我都明白而家無計. 都要去. 咁佢地即刻俾我睇下Eric影過d相. 其實都ok, 不過我都係覺得Gordon同Dick影得好d咁.

Dimanche 方面一早都問我地需唔需要幫我地租車, 由於我地自己搵到一個租車網會平d, 同埋如果經佢地租車會租一架大車, 咁我地覺得又唔需要大車, 所以都係自己租車算la. 亦由於我地需要係夜晚7點前還車, 所以我地要早d出去影相, 所以當日要勁早化妝. 為左方便大家, 我地安排左之前果晚同攝影師,化妝師同一間酒店. 所以當時暫定當日6am-8am化妝, 8am出發影相到差不多6pm影完楂車返去還車.

仲 有另外一樣野就係Dimanche間租衫公司, 坦白講真係唔多掂, d衫款式唔多得, 又無咩人service你, 所以我只係揀左d最簡單款算. 不過其實之前都有煩惱過點拎過去東京, 因為我地唔想拎3個喼, 所以唯有自己盡量拎少D野, 因為Dimanche會有花球提供,  所以我都唔拎花球同埋其他小道具啦. 以輕便為主.

好了, 可以出發去影相啦. 當我地影相之前果日去到間酒店, 就What's app左俾化妝師Cindy, 問佢地邊間房, 噢, 原來只係住我地對面, 實在太方便. 當日我(只係我, bf仲訓緊呀)6am去到化妝師間房, Cindy已經等緊我啦. 可能由於日本既電壓比香港低, 所以Cindy支粟米夾唔多夠力, 所以都攪左好耐. 之後我地9點前正式出發. 其實攝影師Eric已經諗好左行程.

雲場池 -> 白絲瀑布 -> 教堂 -> Lunch -> 附近一個紅葉公園 -> 火車路軌 -> 銀座(影夜景)

當時諗如果趕得切, 就去JR駅影埋日落.

黎 到輕井澤, 有2樣野係估唔到, 第一係我估唔到咁凍, 我本身都抵得冷都覺得凍呀. 第二係我估唔到原來咁少紅葉. 我一直都以為會係一大遍紅葉. 因為我平時見d相都係一大遍紅葉ge. 但現場所見紅葉係有, 只係其中一棵, 佢好似一棵紅色, 一棵黃色, 一棵綠色咁, 都唔係我想像咁樣ge. 攝影師話紅葉係咁ga. 可能平時影相只係影某d位, 所以以為係一大遍紅色lor. 唔... 真係有d失望.... 當日既氣溫只係去到0度至8度. 唉... 一早都準備左暖包, 但都唔係好頂得到. 有陽光還好D, 無咁凍. 下午越黎越凍. 不過好彩無落雨, 仲要天氣好好tim. 早幾日去到東京時, 怕會落雨, 所以係100円店買左2把白色遮, 點知原來輕井澤間Jusco裡面都有100円店, 早知唔駛山長水遠係東京買黎la.

我覺得最多紅葉係雲場池, 個池都真係幾靚, 當日又好幸運地唔係好多人, 仲見到另外一對新人係度影pre-wedding. 之後我地去左白絲瀑布, 開始感覺到好凍. 果度無咩紅葉, 主力影個瀑布. 但係我覺得個瀑布其實無咩野睇, 都唔明點解可以係景點之一. 跟住去左教堂門口度影, 攝影師Eric話要靜雞雞, 因為之前試過俾人趕走. 又好好彩無俾人發覺呀, 又成功影到相. 呢度d教堂又真係幾靚ga bor. 影完教堂之後, 先去lunch, 順便係lunch換衫同換妝. 早上影的都係婚紗, 而家換返套晚裝先.

之後我地出發諗住去搵個公園影紅葉(攝影師話個公園好多紅葉), 差唔多到時, 居然俾個警察截停我地, 要我地落車, 由於言語不通, 唉... 其實中間發生左d事, 之後先再講, 總之攪左我地30-45分鐘, 先可以繼續影相, 但係d陽光已經所剩無幾.... 奉勸各位, 如果秋天同冬天去日本影相, 真係要早d出門口, 因為日本係好早就天黑, 仲要係黑晒果隻. 係公園影時, 都只係下午4點幾, 已經無咩陽光la. 我地之後仲要去影火車路軌, 已經開始天黑. 而呢個時候係非常之凍呀....

我地勁趕咁去返JR駅, 因為JR駅隔離有個toilet都係乾淨, 可以換第二套晚裝, 咁啱隔離就有個位係電梯口, 有間玻璃房係度, 仲有椅, 可以係果度換埋妝. 跟住我地就去銀座影相啦... 但係由於太黑既關係, 都影唔到d咩野, 而且d鋪頭大部份已經關左門. 果時都只係5點幾. 唉... 都無計.... 好彩我都係麻麻夜晚呢套晚裝. 最後差唔多6點就影完, 因為要趕返去還車呀~~~

總括黎講呢, 攝影師Eric都影得ok, 而且都幾心機幫我地影相, 我見佢扒晒係地咁影, 佢都好辛苦呢. 而化妝師Cindy方面, 佢都好落力, 但係化妝同set頭方面我覺得一般, 由於今次係第二次影pre-wedding, 所以有得比較, 最差係最後一個頭, 真係唔多得. 加上夜景影得唔係咁好, 所以我都無咩點揀夜景相. 主力都係揀日景.

最後, 由於我地係要超急整相簿, 所以當日影完後, 攝影師Eric即刻copy一set相俾我地(我地自己拎左隻手指去), 我地一返香港就俾Dimanche先tune左d顏色先, 咁我地可以快d揀相. 所以而家已經有晒所有相, 只係揀左60張相俾佢地再retouch放落相簿到.

好啦, 講左咁大篇野, 係時候去相啦......

以下呢2張係雲場池, 感覺好似好多紅葉, 但係其實就係得咁多, 其他都係綠色或者係黃色

呢個就係白絲瀑布呀

呢個教堂我覺得都好靚呀, 不過要靜雞雞

呢個其實係另一個教堂既門口, 都係要靜雞雞

呢個位其實係其中一個公園, 只係因為d紅葉跌晒落地下

呢個夜景相係影得最好, 因為見唔到個樣, 個頭真係幾衰

再淘淘淘...... 今次係火漆

之前一直心大心細好唔好淘返個火 漆, 因為好似無咩用咁, 但見人又係度用火漆蠟封帖又真係幾靚. 所以心郁郁又想整返個. 跟住又諗自己整一個Logo好, 定買一現成的圖案呢, 例如: "Thank you", "Welcome", "囍"或者"W", 現成會平d. 都有諗自己design一個Logo, 可能只係好簡單2隻英文字母, 但整極都係唔滿意. 咁係淘寶果度都有d template跟住黎整, 我見有d都ok bor, 不如唔好自己design, 做佢d template都得.

就係咁樣就決定同個賣家講要邊個logo, 因為佢個template同我地個initial唔同, 咁當首先叫佢將其中兩個template個initial改返係我地個名先, 睇下出黎效果係點先. 個賣家跟住個圖案整左個稿出黎, 點知其中一個logo佢用左另一個字型, 賣家講因為原先係佢客人俾稿佢, 所以佢無個字型. 真係激死, 咁咪上網搵左字型lor. 我搵到個字型俾佢download. 叫佢再整過啦.

呢個就係原先佢俾我既初稿. 其實2款我都ok, 只係左邊個款出左黎之後個字型唔同左, 同埋好似偏埋左一邊.

呢個就係用返啱既字體, 但都係有d古怪. 所以最終都係用上邊右邊個logo

之 後賣家都好快手俾埋重做既稿我, 最終我即刻覆返佢要邊個. 呢個賣家幾好, 如果買滿RMB198, 就會免運香港運費. 咁我買埋d火漆蠟都差唔多. 所以叫佢直接送黎公司. 真係估唔到, 我尋日上午同佢確定要邊個logo, 我今日就係公司收到個火漆. 真係估唔到咁快呀. 咁當晚緊係返屋企即刻試下先. 印出黎都ok清楚呀. Good ar~~

最終係會用紅色蠟黎做封口, 而家只係搵隻金色黎試下, 印出黎都幾靚bor. 值得一讃.

其實如果叫佢做印應該ok, 但係就最好自己俾圖佢整會好d. 好啦, 下一步要印d帖封... 呢樣都幾頭痕, 都唔知點打d賓客名.... 真係要再研究下先.

呢個就係火漆印既連結啦...

http://item.taobao.com/item.htm?id=7351704056

又來淘婚鞋啦

其實一開始對婚鞋無咩要求, 所以之前買左一對好普通既銀色高踭鞋黎做婚鞋, 諗住之後可以著返. 但係睇睇下淘寶, 覺得見到有對鞋都OK bor, 而且啱啱又減左價, 只需RMB198, 好似又唔差, 所以決定買返對返黎啦.

啱啱收到對鞋, 手工係唔錯, 但係我估唔到咁高, 佢果度寫話大於8cm, 咁我諗住差唔多8cm左右, 即係3吋多d, 咁我都ok ge. 點知而家見到有差不多成4吋咁高. 哈哈, 對我黎講, 都算係一個考驗呀.....

對鞋手工真係唔錯ga

USD0.99做一本相簿? 真係好抵呀!!!!

之前見有wow友post出黎話可以係artscow度 用USD0.99做一本6"x6"或者5"x7"既相簿, 仲要包埋運費tim. 好似好抵, 但係要入coupon code先得. 同埋個coupon code只可以用到11月15日. 咁即管試一試, 將啱啱去完東京旅行既相再加係輕井澤影既pre-wedding部份相快速咁做左一本6"x6"相簿出黎, 原來真係只係USD0.99. 真係十分抵抵抵呀!!!

其實之前我係團購買左另一間photobookhk.com既相簿, 果時一整就整左5本, 諗住每一個旅行整一本, 但係因為整一本都用左好多時間, 加上個人比較懶, 所以暫時只係整左團購果5本. 之後又買左一本artscow既團購相簿. 發現其實artscow好似平d, 而相片印出黎既質素好似好d, 但本相簿既訂裝麻麻地, 反而photobookhk.com既訂裝好d.

其實我仲有幾個旅行都未整相簿, 我有另一個coupon code有效期係可以去到12月30日, 唔知我可唔可以再用呢個優惠呢... 等我下次再試下先.

大家都試下去整返本, 真係好抵.

Coupon code: Z099BOOKVWAGX
Expiry date: 30 Dec 2012

終於等到澳洲酒店減價啦~~

半年一度的Accor Hotels的大減價又到. 我地等左好耐啦, 有好多酒店都做減價, 有d仲會減到50% tim. 即刻睇下我地黎緊既honeymoon澳洲有咩酒店有做減價先. 噢, 原來我地想訂既酒店都有減價呀. 終於訂好晒所有酒店啦. 安樂晒lu....

4-7 Jan 2012     Perth
- Mercure Perth
- AUD109.50 per night

7-8 Jan 2012     Alice Spring
- ibis Styles Alice Springs Oasis (previously all seasons)
- AUD54.50 per night

8-10 Jan 2012   Ayers Rock
- Desert Gardens a Member Of Novotel Hotels
- AUD170 per night

10-14 Jan 2012  Cairns
- Cairns Harbour Lights
- AUD99.50 per night

雖然已經平左好多, 但係都好貴呢, 都有少少肉赤呀. 不過如果大家都準備訂酒店, 佢仲有其他地方既酒店做減價, 就快d book la, , 今日開始減, 為期10日咋. 記住要做左member先呀.

還需要租借龍鳳鈪嗎?

話說早前參加了囍訊舉辦既中式禮儀 講座, 可以免費租借一對重2両既龍鳳鈪, 當時心諗唔理lu, 報左名先算. 到而家打電話黎叫我去揀金器, 就開始諗其實我係咪真係有需要借金器, 原先本身爸爸媽媽, 未來99都已經會送龍鳳鈪俾我, 都足夠呢. 雖然係免費, 但係借返黎始終要好小心, 又要拎返去還, 來來回回都有一定既風險....

我諗我都係放棄呢個免費借龍鳳鈪, 都唔好貪小便宜, 攪到自己咁麻煩啦...

終於過左大禮啦 @121111

終於黎到過大禮呢日, 其實大部份過大禮既野都準備好, 只係差嫁女餅同10涼果, 咁早幾日我見得閒d, 放左工就去左九龍城貴嶼仔和記隆, 由公司去九龍城真係好唔方便, 貴嶼仔和記隆又收7:30pm, 其實可以坐巴士去, 但我又怕會塞車, 所以我只可以由樂富mtr行去, 又唔係好識路, 好彩都趕得切, 我初時諗住買18件潮州餅算, 點知貴嶼仔和記隆既人話過大禮應該買5式糖, 仲要買4盒, 咁要回返2盒俾男家. 就係因為咁, 所以就買左4盒5式糖(每盒有5小盒潮州糖). 而家d潮州糖真係好貴呢, 再買埋2對龍鳳餅, 咁就用左$930.

呢個就係龍鳳餅同5式潮州糖

5式潮州糖佢會有個盒裝住, 呢5盒野盛惠$190

但係由於我又無咩時間(其實係懶), 所以最後都無買到10涼果. 最終過大禮十分簡單, 過大禮清單就係: -

男家過大禮女家物品

禮金封	1 封
龍鳳餅	2 對
潮州餅	20 個 (4盒)
西餅餅卡	80 張
包羅萬有利是	1 封
三牲酒禮金利是	1 封
海味金利是	1 封
大舅利是	1 封
姨仔利是	1 封
龍鳯燭	2 對
男家對聯	1 副
女家對聯	1 副
茶葉	2 罐
禮金盒	1 個
(內有禮金封, 所有利是及紅頭繩)
紅頭繩	1 扎

女家回禮物品

禮金回禮利是	1 封
龍鳳餅	1 對
潮州餅	10 個 (2盒)
西餅餅卡	8 張
包羅萬有回禮利是	1 封
三牲酒禮金回禮利是	1 封
海味金回禮利是	1 封
大舅回禮利是	1 封
姨仔回禮利是	1 封
龍鳯燭	1 對
男家對聯	1 副
茶葉	1 罐
女婿衣料金利是	1 封
回茶禮利是	1 封

原 先都係簡單版, 而家再簡單d, 基本上大部份都係利是算la. 咁過大禮時, 我要迴避ga ma, 咁我咪入左房la. 我事先打左2張list出黎分別俾bf同我爸爸, 話佢地要俾d咩野對方, 當bf送黎時, 我爸爸又無拎張list出黎bor, 攪到大家都唔知要回d咩俾人, 好似攪左好耐, 最後我哥哥入房黎問我, 其實有咩要回返俾人, 我同佢講有張list ga, 跟住張list回就ok. 哈哈, 原來佢地成班都唔知要做咩.... 真係呀... 打好晒俾佢地都攪到咁.... 最後終於完成過大禮la. bf佢地先離開左我屋企先, 轉過頭再返黎影下相先. 跟住bf個fd話趕時間, 所以佢地無再留低就走左先lu.

爸 爸已即時開左d茶葉沖左黎試下, 同埋開埋d潮州糖黎食. 大家都好耐無食過潮州糖呢. 因為我地以前過年時, 爸爸媽媽都會買潮州糖返黎, 其實我地都幾鍾意食ga, 不過因為而家潮州糖太貴啦, 所以少買左. 至於茶葉方面有些失望. 但大家都好開心咁回味返細個既回憶呢, 哈哈, 過大禮居然變成細說當年.

話咁快又要準備過大禮啦

近來真係好忙, 啱啱請左成個星期假係日本影完第二輯Pre-wedding, 返到黎要盡快做埋公司d手尾先得. 近排都發生左d事, 仲要打返今次日本既遊記, 真係好忙好忙呢.

講 講下又話咁快今個星期日要過大禮, 由於未來99話唔駛要椰子等呢D野, 所以大部份都以利是代替算啦. 但係始終有d野一定會買ge, 例如潮州嫁女餅, 因為我屋企係潮州人, 已經講明要潮州餅, 唔要唐餅. 咁買潮州餅, 當然要去貴嶼和記隆買, 係最正宗. 因為之前去左日本, 所以都唔係好得閒去攪呢d野, 今日終於有時間打去問下, 本身諗住會買埋回茶禮的大發, 紅飽, 煎堆同埋鬆糕, 點知貴嶼和記隆話呢D要訂ga, 而且要早5日先訂, 佢話我趕唔切, 咁算啦, 呢個最多都係用利是代替算啦. 而佢他果d潮州餅同埋龍鳳餅就有現貨ge. 唔駛訂, 咁呢幾日搵日放左工去九龍城買先得.

另外我仲諗住買茶葉, 因為我屋企係好鍾意飲鐵觀音, 所以決定買2盒鐵觀音過大禮, 上網搵左d資料, 知道上環褔建茶行既鐵觀音又平又靚, 所以今晚專登去左買2盒鐵觀音茶葉, 但其實我都唔知係咪真係好飲, 等過左大禮之後, 沖黎飲下係咪真係咁香, 如果係好飲, 之後可以繼續去呢度買呢.

今日啱啱買既鐵觀音呢

而 過大禮既禮金盒, 包羅萬有利是封, 囍字利是封, 龍鳳鐲, 對聯等, 全部都已經係之前淘寶淘返黎. 不過果時淘呢D物品時, 因為順便買埋上頭套裝, 點知送到黎時其中一份上頭套裝既紅鏡裂左, 我媽即時話大吉利是咩, 不過呢個似乎係運輸過程既問題, 又唔關賣家事ge, 後尾我同賣家講有塊鏡裂左, 賣家好好咁補寄返俾我.

塊鏡仲要咁裂法, 一定唔用得

準備過大禮既清單: -

男家過大禮女家物品

禮金封	1 封
龍鳳餅	2 對
潮州餅	18 個
西餅餅卡	80 張
包羅萬有利是	1 封
三牲酒禮金利是	1 封
海味金利是	1 封
大舅利是	1 封
姨仔利是	1 封
龍鳯燭	2 對
男家對聯	1 副
女家對聯	1 副
茶葉	2 罐
禮金盒	1 個
(內有扁柏、囍糖、京果、禮金封、紅頭繩及10涼果)
十涼果	2 包
(龍眼乾、荔枝乾、合桃乾、連殼花生、芝麻、紅豆、綠豆、蓮子、百合及紅棗)
紅頭繩	1 扎

女家回禮物品

禮金回禮利是	1 封
龍鳳餅	1 對
潮州餅	8 個
西餅餅卡	8 張
包羅萬有回禮利是	1 封
三牲酒禮金回禮利是	1 封
海味金回禮利是	1 封
大舅回禮利是	1 封
姨仔回禮利是	1 封
龍鳯燭	1 對
男家對聯	1 副
茶葉	1 罐
十涼果	1 包
(龍眼乾、荔枝乾、合桃乾、連殼花生、芝麻、紅豆、綠豆、蓮子、百合及紅棗)
女婿衣料金利是	1 封
回茶禮利是	1 封
(大發一個, 紅包八個, 煎堆八個, 鬆糕八個)

呢 個真係超簡單版過大禮呢, 而家仲有涼果同潮州餅未買, 其他都攪掂啦. 但係其實我係度諗, 係咪d回禮利是係咪係男家過大禮去女家時都包埋呢d利是, 只係呢d回禮利是係無放錢, 去到女家時, 女家先放d錢入去回禮利是回返俾男家呢? 同埋我仲係度諗緊究竟d利是應該入幾多錢呢?? 真係要再睇睇先得....

一額汗.....

看 到以下兩則新聞真係睇到我一額汗, 我一開始搵婚宴場地時, 已經問過紅磡都會海逸酒店, 但係啱啱我Big Day果日full左, 之後一直都想要有帳薘的, 所以之後又去左黃金海岸, 因為黃金海岸既價錢又啱我地個budget, 所以果時都有諗過呢間, 而且果時都送幾多野ga, 不過bf一直覺得好遠, 所以最後都係揀返Marco Polo HK, 不過好彩果時揀左Marco Polo HK, 如果唔係而家都唔知點算...... 唉...... 點解D酒店可以咁樣ga, 其實根本而家係佢地毀約... 客人毀約就要沒收訂金, 咁點解酒店毀約, 只係係咁意俾個discount算..... 真係無良心.....

來自2012年10月28日蘋果日報:

http://hk.apple.nextmedia.com/news/art/20121028/18050807

黃金海岸苦主僅獲85折補償

【本報訊】屯門黃金海岸酒店拆婚宴帳篷，令更多準新人受影響。有準新人稱，在本月24日收到酒店致電通知，因為翠篷廳帳篷確認僭建而要拆走，但當時未提及 解決方案。準新娘陳小姐說，自己原定本周五將在該處行禮兼擺酒，但現時酒店突拆帳篷，卻只能安排繼續在原地露天擺酒，或轉到1樓與其他人共用宴會廳，而且 只提供85折優惠，不作其他賠償，令她甚感不滿，呼籲各受影響新人團結向酒店追討賠償。

都會海逸苦主今遊行

至於早前已拆走婚宴帳篷的紅磡都會海逸酒店，在眾受影響新人發最後通牒後，仍企硬只提供原酒店其他餐飲場地擺酒全單七折收費，加最多4,000元佈置場地 金額，並要求各人在月底前確認。各人認為不合理，今日中午將到灣仔警察總部交請願信，要求警方調查是否涉及詐騙，之後會遊行至中環長江中心，要求母公司長 實介入。

另一則來自2012年10月23日蘋果日報:

http://hk.apple.nextmedia.com/news/art/20121023/18046916

酒店單方面毀約　賠4000元了事都會海逸拆僭建帳篷　新人當災

【本報訊】長實紅磡都會海逸酒店上周六被《蘋果》揭發，在無敵海景的花園平台僭建逾3,000呎大型布料帳篷「海景廳」作婚宴用途。酒店在報道翌日突拆走 該個僭建了最少8年的帳篷，令一眾已預訂該處舉行婚禮的新人大失預算。有新人指摘長實另一酒店8度海逸早前才拆走僭建帳篷，但集團懶理都會海逸也可能有問 題而繼續收客，現又突然單方面破壞合約，令不少新人的夢幻婚禮成為泡影。記者：張岳弢　林偉聰

記者昨再到都會海逸視察，發現平台花園上的帳篷已拆走，大批宴會用的桌椅及帳篷地台被摺起，堆放在平台花園上一角，並用屏風圍着；但仍可見到用作新郎房及 新娘房的兩間組合屋。在酒店大堂內，介紹酒店設施的燈箱已移走「海景廳」簡介。

【清拆前】本報上周六揭發都會海逸在花園平台僭建逾3,000呎帳篷海景廳。資料圖片

自助午餐被迫改地點

海景廳被踢爆是僭建物後，不少預訂了今年底至明年初的新人原本仍不太擔心，仍相信都會海逸可採「拖字訣」，讓他們如常舉行婚禮；但當他們昨得悉帳篷已拆走 後，即感到十分徬徨，因其他婚宴場地大部份已爆滿。文小姐是其中一位受影響新人，她計劃在下月中與男友在該處舉行婚禮及自助午餐，預算花10多萬元，並已 落定五成。
她說上周六得悉帳篷疑僭建後，翌日即致電酒店查詢，職員告知帳篷會在下午拆除，至昨日她到酒店了解，職員向她聲稱，證婚可繼續在露天花 園平台舉行，但自助餐要改到室內地方。她批評與最初預計大為不同，不僅帳篷消失，要臨時重新佈置露天花園，亦難以舉辦西式自助餐聚會，而酒店只肯提供「心 意」4,000元及自助餐九折，她直言不能接受，要求酒店負擔額外的佈置費用。

長實在應用作為花園的平台上，僭建婚宴場地，或已違反政府准許的用途。資料圖片

集團知出事仍接生意

惟最令她不滿是酒店的處理手法。她於約兩年前已看中酒店的帳篷而預訂場地，但至近日才得悉，原來長實旗下另一間8度海逸酒店，較早時亦曾拆走僭建帳篷，但 酒店未有正視，還繼續接生意；在報道刊出後，又在未有告知客人情況下拆走帳篷。她昨就此質問酒店，但職員以「食環署有發牌」辯稱，「佢哋罔顧新人利益，我 家唔係book枱食buffet，係搞緊一世人得一次嘅婚禮」。她已向消委會投訴，但因婚期臨近及已派帖通知親友，在無選擇下，惟有無奈接受酒店的安 排。
都會海逸發言人證實，於周日已拆走僭建帳篷，指是在與政府部門商討後的決定。她說昨日已陸續通知預訂該帳篷行禮的新人，盡量提供協助，包括讓 客人選擇在集團其餘酒店行禮，亦會提供交通安排等。她指，如客人不接受，酒店願全數退款，但未有透露受影響客人數目。

爸爸西裝團購?

搵完媽媽衫, 就要著手攪下爸爸西裝, 因為BF爸爸已經唔係度, 所以都係幫我爸爸去攪. 我上網睇左D資料, 絶大多數B2B都係搵中環的祥興洋服, 價錢又平, 手工又OK. 其中有D人都會搵龍將洋服, 相對會貴D. 啱啱見到有團購係做西裝, 都好平, $698一套西裝, 係叫香港洋服. 唔知好唔好呢. 諗住上網搵下資料, 點知都無人講呢間得唔得.... 心大心細諗緊join唔join呢個團購tim....

其實都有諗過好唔好上去淘寶度淘, 但係西裝一唔啱身好唔掂, 所以我都係唔敢試....

個團購仲有6日先完, 等我再努力搵下資料先....
團購網址:
http://www.gobuya.com/offers/Hong-Kong-Tailor-tailor-made-suit-1022

踏入最後階段 - 婚宴佈置確定了

越黎越近big day, 有d野差唔多係時候要決定了. 早係2月時已經係expo度join左Maple Floral & Gift攪當日佈置, 果時已經R到送多D野, 但一直都未去傾點佈置, 見而家都係時候, 所以都係傾左呢個項目先, 起碼煩少一樣.

Maple Floral & Gift既鋪頭係紅磡都會商場, 當日去到都已經有幾對人係度傾緊, 好似生意都幾好bor. 跟我地個sales叫Vicky, 佢拎返我地張單出黎想同我地傾下點佈置, 見到張單, 好驚訝話原來佢送咁多野俾我地, 哈哈, 我以為平時d人都係R咁多野tim.

先recap返我之前join個package係包d咩先:

1) 接待處: 絲花藤圍邊或多款絲花佈置
2) 接待處水晶燈
3) 禮堂佈置: 多款絲花組合花柱選擇, 及禮堂背板絹布佈置連立禮英文電腦界字 (可選絹布或絲絨布底及絲花圍邊, 加4-6呎絲花花柱一對/雪紡pattern效果/紙花pattern效果)
4) 白色毛毛地毯
5) 花波2對 + 藤波10多隻 (放在台上)6) 台上射燈2對
7) 蛋糕檯: 絲花藤圍邊或多款絲花佈置
8) 油畫相: 絲花藤圍邊或絲花對角花組9) 證婚台佈置
10) 相簿台佈置
11) 借用3個candy jar (這要自己清水消毒, 及要收按金$600)

Vicky同我地講, 果時我地join個package時, 加毛毛地毯係加$1000, 而家要加$1800, 好彩我地果時一早join左, 如果唔係我諗我唔會加la.

我地開始傾下backdrop要咩款先, 其實Maple Floral & Gift都幾好, 本身個package包既backdrop係包2層, 即底層可選絹布或絲絨布底及絲花圍邊, 而面層可雪紡pattern效果或者紙花pattern效果, 再或者4-6 呎絲花花柱一對. 因為其他公司如果要用紙花要另外收錢. 所以佢地算係唔錯. 但其實我睇過d佈置相片, 好似紙花再加雪紡效果最靚, 但係咁樣就要三層, 要加錢, 咁我地又唔想加錢, 所以左諗右諗究竟要紙花好, 定雪紡好呢.... 其實我偏向紙花ge, 又有d心大心細. Vicky之後就show左一幅相俾我地睇, 話呢幅都幾好ga, 係2邊紗, 咁樣無咁單調, 但係最上邊都係會有幾朵紙花呢, Vicky話唔緊要la, free俾我地wor, 又唔係多花, 得幾朵都可以free到, 如果多就唔得ga la. Yeah!! 實在太好啦. 底層我決定用絲絨布,  之後就要揀雪紡顏色啦, 咁 Vicky就問我晚裝會著咩顏色, 我話紫色, 跟住我就俾左幅相佢睇, 佢話咁深色, 最好襯返d淺色, 其實佢推介隻淡綠色, 我話我本身唔係咁鍾意綠色, 所以佢又推介左隻蝦肉色, 唔... 我唔係唔鍾意隻色, 但係我覺得唔係咁襯我, 我本身唔係咁girlish果隻. 其實我都係鍾意Tiffiany Blue, 雖然同條晚裝隻色唔係十分襯, 但都可接受. 最重要係我鍾意呢隻色ma...

跟住就要決定個字顏色, 字型得一款, 如果想轉字型要加$380, 如果想轉一塊foam board要加$680, 我地唔想加錢, 所以都係睇顏色吧, 顏色全部都係閃的. 其實我覺得最靚係銀色閃字, 但係銀色閃字配白色絲絨布, d字唔會咁出, 所以要搵d深色d, 唉... 最後揀黎揀去, 居然揀左隻綠色, 因為睇過影相出黎既效果係最好... 其實佢地有深藍色, 但好似太深色, 如果佢地有出淺藍色閃字就最perfect, 但係無.... 所以都係最後決定了綠色閃字.... 不過我而家諗諗下都係想要深藍色閃字, 唔... 等我再諗諗先, 之後先改.

個backdrop決定左之後, 其他野就快好多啦. 其他主要都係以Tiffiany Blue為主, 除左證婚台既佈置外, 因為到時個證婚台會搬上個台上, 而個backdrop已經係Tiffiany Blue, 如果證婚台又係Tiffiany Blue, 咁就會撞色, 見唔到張證婚台, 所以證婚台會用全白色. 其他都無咩特別, 係主要想講講糖果台, 其實我地2月join時, 佢只係答應免費借用 3個candy jar, 仲要我地自己早一日去佢鋪頭拎. 唔會有糖果台佈置, 我初時諗住係接待處度放埋3個Candy jar算la, 其實張接待台好大ga. 但係今次Vicky見到張單時, 話果時唔記得寫埋糖果台既佈置tim, 唔緊要, 而家加返先, 咁即係佢會幫我地佈置埋糖果台, 哈哈... 仲要係佢話佢地當日去佈置時會拎埋去, 不過就要叫酒店d人去清洗一下先得, 咁佢地當日可以拎埋走, 唔駛我地自己拎返去俾佢, 實在太好la.

總之, 總算攪掂一樣野啦. 之後要加把勁攪埋其他先.

再黎媽媽晚裝

之前淘左件旗袍俾媽咪, 而由於媽咪希望又多套晚裝, 咁又再淘下, 其實我有諗過不如返羅湖商業城訂造一條, 但我又唔知邊間好, 又要上去幾次. 所以都係淘返黎啦. 起碼淘寶果度會有評分, 知邊d好ma. 咁之前俾左好多相俾媽咪過目, 其實佢都心大心細, 幾經辛苦, 佢最後揀左以下呢個款.

咁 呢個款我都覺得幾靚, 但係媽咪話要藍色, 佢唔鍾意灰色, 而賣家又話ok, 可以轉色, 咁我量好晒媽咪d尺寸, 就話俾賣家, 造貨期15日. 賣家好準時係15日後就發貨. 我叫佢直接寄香港俾我, 所以話咁快就收到件貨, 當晚即刻俾媽咪試下啦, 打開黎睇, 噢, 真係好足料bor, 而且手工都唔馬虎, 絶對值得一讚. 但係發覺媽咪肥左d, 迫左少少, 但係都啱身, 著左上身, 著到媽咪瘦左tim. 但我會覺得如果係灰色會靚D. 件晚裝本身係low cut, 但外邊有件seethrough既外套仔, 呢件外套仔就做得麻麻地, 不過整體都真係唔錯, 價錢只需RMB500. 絶對超值.

媽媽衫總算搵掂左, 奶奶衫都仍在努力中呢.

張帖終於有決定啦

我妹妺終於嘔到張帖既初稿出黎啦, 仲有2款俾我揀tim!! 真係好難得呀!! 哈哈....

首先張帖我會以單咭雙面形式咁印, 由於我好鍾意儲可樂樽, 而bf就好鍾意食糖, 所以我妹妺將呢2樣野crossover, 得出2款帖既初稿出黎, 一款係中式, 另一款係西式. 2款我都喜歡ga, 不過bf鍾意西式多d, 咁就佢話事啦.

呢款是中式, 其實我都好鍾意呢款, 但睇睇下其實有d似鬼新娘果d feel, 哈哈. 同埋件褂個比例差dd.

呢款就係西式, 其實改過幾次, 因為第一個稿係支波板糖矮過支可樂, bf唔鍾意, 佢話明明佢係高過我ga ma, 點解會好似佢好細粒咁, hahhaa, 所以再要求妹妹執下. 最後就係得出呢個款la.

帖 面攪掂, 帖底都係一個問題la. 主要係要點寫張帖既內容呢, 呢個真係一個學問, 我上網睇左好多資料, 先打到呢段內容出黎. 其實最大問題要唔要用承嚴慈命, 簡單地解釋係嚴代表祖父, 慈代表祖母, 即係如果祖父母還在世既就要寫. 我自己只係得祖母係度, 所以我爸爸個名上面會加承慈命, 但係bf方面就有少少麻煩, 因為bf爸爸已經唔係度, 得返佢媽媽係度, 而佢既祖父同樣都唔係度啦, 祖母係度. 我就係度諗張帖只會寫bf媽媽個名, 咁上面係都係寫承慈命呢? 因為我知平時係唔計外祖父同外祖母的, 但係因為bf爸爸唔係度, 所以唔知應該以bf媽媽黎計定係點. 但係後黎知道原來bf既外祖父都唔係度, 都係得返外祖母, 所以點都好都應該係寫承慈命, 所以就算lu. 但係bf提出左一個問題, 就係佢媽媽個名前面係咪要加佢爸爸個姓, 佢話佢爸爸已經唔係度, 係咪應該唔駛加, 但係我覺得佢媽媽仲係佢爸爸既老婆, 所以都應該係跟佢爸爸姓, 所以應該要加law.

其實證婚時間未定, 但係打左先, 等拎去印帖之前再執

基本上喜帖內容既資料可以參考以下網址:
http://wedding.983.com.hk/wedding-invitation-knowledge/wedding-invitation-1.html