再黎媽媽晚裝

之前淘左件旗袍俾媽咪, 而由於媽咪希望又多套晚裝, 咁又再淘下, 其實我有諗過不如返羅湖商業城訂造一條, 但我又唔知邊間好, 又要上去幾次. 所以都係淘返黎啦. 起碼淘寶果度會有評分, 知邊d好ma. 咁之前俾左好多相俾媽咪過目, 其實佢都心大心細, 幾經辛苦, 佢最後揀左以下呢個款.

咁 呢個款我都覺得幾靚, 但係媽咪話要藍色, 佢唔鍾意灰色, 而賣家又話ok, 可以轉色, 咁我量好晒媽咪d尺寸, 就話俾賣家, 造貨期15日. 賣家好準時係15日後就發貨. 我叫佢直接寄香港俾我, 所以話咁快就收到件貨, 當晚即刻俾媽咪試下啦, 打開黎睇, 噢, 真係好足料bor, 而且手工都唔馬虎, 絶對值得一讚. 但係發覺媽咪肥左d, 迫左少少, 但係都啱身, 著左上身, 著到媽咪瘦左tim. 但我會覺得如果係灰色會靚D. 件晚裝本身係low cut, 但外邊有件seethrough既外套仔, 呢件外套仔就做得麻麻地, 不過整體都真係唔錯, 價錢只需RMB500. 絶對超值.

媽媽衫總算搵掂左, 奶奶衫都仍在努力中呢.