抵抵抵!!! 非常抵日本機票去影pre-wedding啦

由於之前入左popcorn個會, 因為只要係popcorn消費就可以用黎儲分換禮物, 雖然而家d禮物唔多吸引, 但有時有d現金券換下都幾好. 而係早幾日前突然收到popcorn既email, 將會黎緊做promotion. 只要係7月7日係popcorn以電子貨幣消費滿$1500(最少2間不同商店), 再加$1000就可以換到一張JAL來往東京機票(限量100套). 由於我地將會係黎緊11月初去東京影紅葉pre-wedding, 仲未訂機票, 如果可以以$1000買到一張來往東京機票, 就真係好抵啦. 但問題就出現啦... 就係一張機票要消費滿$1500, 咁2張即係要消費滿$3000, 但係我地啱啱係星期一時先係popcorn間周大褔俾左買金器既尾數, 如果一早知有呢個promotion, 就會留返7月7日先俾個尾數. 但係而家俾左錢, 就要諗下有咩需要買, 而又可以係popcorn買到呢.

咁之前我試過sk-II新出既環采鑽白精華EX, 覺得皮膚真係整體都亮白左, 雖然都幾貴, 但始終年紀大了(呢個都唔係咁想認), 都係要用多少少錢去保養下. 所以決定係7月7日去sk-II買呢set環采鑽白精華EX啦. 咁bf就頭痕佢應該買咩好, 我話不如佢幫我買多一set神仙水啦, 啱啱近排出左sk-II神仙水既終極size 330ml既限量版, 雖然我支神仙水未用晒, 但係橫掂我都要用ga la, 當買定d存貨lor. 而且可以叫bf入埋sk-II個會, 有迎新禮物送, 我又可以多1塊mask. 都抵la. 咁由於要最少2間不同商店, 所以我地仲要去另一間商店, 係之前果日我地已經決定去萬寧買現金券, 咁就可以夠錢去加錢換機票啦.

換 機票會由中午12點開始有得換, 由於買野要時間, 所以我地都早左去popcorn. 先去左sk-II買左野先, 順帶一提如果本身入左popcorn個會, 係sk-II買滿$1500就會送一次價值$760既facial treatment, 咁既情況我緊係換埋la. 後黎個sales話由於我地2個人加埋買野超過$3000, 可以夾埋一齊送一個貴d既treatment俾我, 價值$1380. 咁仲好tim, 原先分開2張單, 其一張單又唔夠$1500, 我仲諗緊係咪仲要買多樣野去買夠$1500, 而家唔駛tim. 個sales仲好好人咁送左好多sample俾我tim. 好啦, 完成左一個項目, 之後就去萬寧每人買左10張$50現金券, 其實原先唔駛買$500咁多, 買$100都得la, 但係諗住今日用hsbc credit card買滿$500有40X獎賞錢, 橫掂一定用到. 但係買左之後先發覺原來現金券係唔可以計埋落果$1500果度換機票, 我地真係低能. 所以bf即刻再去萬寧買多$200野, 叫佢分2張單, 咁就OK啦. 其實我後黎先突然醒起可以去kiehl's買潤唇膏, 但算啦, 都買左萬寧啦. 到最後都成功加$2000換到來往東京機票2張. yeah~~~ 之後仲可以用popcorn會裡面既100分去換一張$100 popcorn商場現金券, 我地每人都換到一張$100現金券呢. yeah ~~~~ 真係好抵呀~~

不 過其實今次換到都算好彩, 因為佢咁啱係12點就開始有得換, 其實popcorn既商店好多都係11點先陸陸續續開門, 有d仲要係12點tim. 仲要今日係星期六, 有d人要返工, 再加上我覺得佢宣傳不足. 係我地換完, 係差唔多就快1點, 都仲有6x張機票. bf初時仲怕會有好多人黎排隊tim.

好啦, 等我聽日打電話去book機票時間先. 之後就要book酒店啦, 日本, 我地又黎啦~~

 機票既出發時間係有限制, 主要都係暑假唔可以用, 咁我地pre-wedding係11月, 無問題~~

 最後, 我地仲攞左2張$100現金券