姊妹裙試驗中

話說之前係網上搵左好多姊妹裙既相 片俾我d姊妹們選擇, 由於佢地一早要求要著長裙, 所以我主力都係搵長裙. 其實我都無咩所謂, 但係我妹妹話其實應該著短裙會好d, 因為當日要不停咁走黎走去, 著短裙會方便好多. 但係我既姊妹們既然想著長裙, 我都覺得長裙唔係咁大問題ge. 最後姊妹們係咁多張相終於揀左一張出黎, 其實又唔係十分似平時既姊妹裙ga, 不過我自己都覺得呢條幾靚. 但係問題就出現了. 由於這條裙我是淘寶睇到的, 而且是free size, 同埋顏色只有白色同杏色. 顏色方面2隻色我都ok, 最重要係我d姊妹們擔心自己唔啱著, 所以我決定訂一條返黎睇下個size先. 如果ok, 我就可以一次過訂晒5條呢.

這 家店都不錯, 我很快就收到條裙, 質地方面都真的不錯, 只係前面的立體花手工麻麻地, 但都可接受. 最重要是價錢好實惠呢. 我妹妹見到仲不停咁讚話呢條裙都幾足料. 我搵尺度過, 我覺得應該都啱著, 等我搵日約晒佢地出黎俾佢地試下先. 不過有一樣野應該要改既係... 長度, 因為我有d姊妹唔係太高.... . 到時我會叫我媽咪幫手改短先.

這款好似係2件款, 其實係一件長裙黎ga, 實物當然無個model果條咁長.

呢個就係收到既實物, 我訂左杏色, 都唔錯呀. 其實平時出街都可以著呀