突發的DIY中式頭飾@囍訊

早幾日收到囍訊的電郵, 將會舉辦中式頭飾工作坊, 我立即登記左, 但一直都唔記得俾錢. 星期六早突然想起中式頭飾工作坊會係今日下午舉行, 但係我唔記得俾錢, 唔知仲可唔可以上堂呢. 所以我即時打電話問囍訊, 可唔可以即時俾返錢, 同埋仲有無位. 噢, 囍訊回覆話都OK. 咁我立即準備出門啦.

其 實我一開始都無諗過自己整頭飾, 因為我覺得好似好難咁, 同埋怕整得唔靚. 但當見到呢個中式頭飾工作坊時, 諗住即管試整下, 如果唔靚咪唔用啦. 整完之後發覺又唔係咁難整, 最難部份係設計心目中的頭飾, 好彩老師都有一個版俾我地參考, 而且期間老師都會幫手一齊去諗我地各自的頭飾. 故最終都完成了. 都幾有滿足感呢.

其實首先我地會用D飾物砌左個頭飾初稿出黎先, 呢個就係我既初稿啦

跟住就用熱溶槍將D飾物黏埋一齊, 但期間又覺得好似原先的唔係咁好, 所以再執執先. 呢個就係我既完成品啦, 唔知大家覺得點呢? 其實我都未決定著掛時係咪會用呢個頭飾

以下呢個就係老師俾我地做版既頭飾, 其實仲有其他款式

仲有其他同學仔的作品, 都整得好靚GA

以下呢2個係其中兩個同學仔既作品, 我都好喜歡呢.