終於可以睇layout同拎softcopy

等左差不多2個半月, 終於打電話黎話有得睇相簿Layout, 其實一開始我唔會對佢地既排版layout有任何期望, 預左係一d好standard既layout, 只要唔好太差都算la.

幸好, 總算都OK, 都係一d好standard的排法, 我見過有D婚紗公司既排版係勁核突, 尤其當時去搵big day攝影時, 好多時個package會送一本相簿, 好多間果本相簿都排得係勁核突. 所以我要求好簡單, 只要正正常常就算.

睇 返咁多頁排版, 大致上都沒有問題, 只係其中一張相既左下角唔覺意影到張櫈邊, 有D古怪, 其實我覺得佢地應該自己會同我地執左去 (其實overall我唔覺得佢有同我執過D相, 因為好似同我2個半月睇相果時D相差唔多, 最多係執左D路人), 但係佢話我地一開始無出聲要執走去, 所以佢而家只係會係果版layout上做一少少effect, 即係係角位blur左佢, 但係張相本身就唔郁啦. 唉, 我都算啦, 其實係張相度執執都唔會好麻煩者. 都唔明點解佢地講到好似好麻煩咁. 不過算啦, 我自己返到屋企執啦. 由於其中一版layout有野要執(只係blur左其中一頁的角位), 佢話要整一個星期, 一個星期後再email果張layout俾我再望下, 如果無問題, d相簿同油畫就2個月後就送到我屋企, 同一個問題, 我都唔明點解要2個月先印起本相簿, 不過算啦, 咁早送黎, 我屋企都無咁多位. 好彩我真係唔趕時間.

一 個星期後, 佢地email左果頁新既排版俾我睇, 基本上都只係blur左角位, 所以都無咩大問題, 我就confirm左lu, 之後就問埋佢d softcopy幾時可以拎, 佢話confirm左layout之後一個星期就OK, 下, 又一個星期, 已經無野要改, 都要一個星期先拎得, 而且仲要再黎多次去拎softcopy. 但最後都要成2個星期後先通知我有softcopy拎, 佢地大公司真係每一樣野都要有系統, 每一個步驟都好慢呢. 算啦, 我又唔係趕時間. 不過奉勸各位如果真係無咩時間等或者好急要有相簿, 真係唔好去呢D大公司度影啦, 真係等下等下要差唔多半年先拎到D完成品呢.

呢張就係原先果版layout, 係左下角位影到張櫈邊, 所以叫佢執執

執完之後既樣, 其實我都係麻麻地, 不過算LA.