我的第二層皮膚

為了要準備影Pre- wedding, 要買好多野呢. 其中一樣一定要買的就係Gridle. 其實係BD當日都應該會著girdle, 所以都可以買定的. 我相信我同好多女仔一樣, 如果唔係因為要著緍紗, 都唔會買Girdle, 所以根本都唔知應該去邊度買. 之前上網睇資料時, 見到有人介紹去有銅鑼灣的奇華特蔡太度買, 但我亦看到經常要排好耐隊, 而且好似話蔡太態度比較差, 而且佢賣的都只係Satami的Girdle, 只係因為蔡太好似會好Pro咁俾意見你. 咁我諗無理由俾錢受氣, 所以我再找其他資料, 發覺除了去奇華特蔡太度買外, 還會去Satami, Bodibra同私人胸間買Girdle.

其實一開始我睇其他blog資料, 好似私人胸間會最好, 但係都幾貴的. 而剛剛我屋企樓下商場都有Satami和Bodibra的分店, 咁我諗住去左試下Girdle, 首先入左Bodibra去, 個Sales見到我就問我要搵咩野, 我話要搵Girdle, 佢問我係咩size, 我講完後, 個Sales就話無size, 我問佢咁其他分店會唔會有呀, 佢話全部都無la. 我心諗"下! 唔係呀, 我個size又唔係特別大, 都係D普通size, 咁都無. 根本就唔想做生意." 所以我立即走左.

之後我去Satami再 試, 我同個sales講想買girdle, 佢就幫我度size, 之後拎左個girdle俾我試, 其實佢係得一個girdle款, 不過都無所謂ge. 但係我一試, 我覺得個杯位好似唔係好啱, 我同個sales講, 個sales話係啱ga la, 係咁ga. 之後我堅持話好似有D奇怪, 個sales之後拎另一個girdle俾我試, 噢, 這個size才啱, 根本佢之前果個就唔啱. 係個sales根本就唔pro. 所以感覺好差呢. 所以我都係只係試無買.

咁我唯一選擇都只可以去私人胸間試試, 我第一次先去銅鑼灣果間分店. 這分店很細, 剛剛這天我是放左工等緊BF放工時去試, 無客人係度, 我同個sales講想試girdle, 佢即係關門, 幫我試girdle, 到後來我先知原來最好要約時間, 因為有客人係度, 佢根本唔會幫到你試. 私人胸間都 有頗多Girdle款式, 我選了無縫的款式, sales都很有心機幫我試及教我著, 其實著girdle自己一個人係著唔到, 一定要有人幫呢. 我還試了收肚褲, 初時我無諗住買的, 但試了之後發覺原來真的要買收肚褲, 因為身形真係會靚D. 但佢一set咁買, 好貴呢. 個girdle要$780, 而收肚褲要$399. 我記得如果係expo可以免費做VIP, 可以有85折. 但個sales同我講話我如果全套買, 都過$1000, 都已經自動成為VIP, 已經可以有85折. 而且我還要買nu bra, nu bra又要$280. 真的要想清楚呢. 唔... 所以我都係只係試無買.

之後我看到一本婚紗雜誌私人胸間的 廣告, 收肚褲特價$199, 好似好抵呢, 之後我再次去尖沙咀的分店, 其實我都係諗住上去博下睇下有無得試girdle, 剛剛只得一位客人正在付款. 那sales有時間幫我試girdle呢. 這分店比銅鑼灣大很多. 這個sales比之前那一位還要好呢. 解釋得很詳細. 我問她是否有收肚褲特價$199, 她說是有的, 但只限普通的收肚褲, 無縫的收肚褲則沒有. 她給我試晒2款收肚褲, 當然無縫的收肚褲會貼身D, 但我諗我又唔係會著好貼的婚紗同晚裝, 所以最後都係選擇了普通的收肚褲. 慳返d ma. 之後sales提議我買埋乳貼, 戴nu bra時會好d. 所以最後買了一個無縫的girdle, 普通的收肚褲, nu bra, 乳貼, 另加上一對pad釘係girdle入面. 做埋VIP, 折後合共$1166. 噢! 好貴呢, 沒辦法呢. 特別一提, 著私人胸間的girdle都唔係好辛苦, 因為之前著Satami的, 都幾辛苦的.

又完成多一樣了.