來一次大豐收日 @金器

話說一直都不停的睇住個金價, 因為未來99叫佢個仔幫佢買條金鏈俾我, 而我媽咪話要買一set金器俾我, 一set既意思係話要一對龍鳳鐲, 一條花鏈, 一對耳環, 一對戒指. 由於而家金價實在太高啦. 記得係05年我哥結婚時, 當時既金價只係4XXX元一両, 而家..... 唉... 4倍!! 真係太crazy了!!! 所以我叫媽咪不如唔好買咁多啦, 既然未來99會買條鏈俾我, 咁佢唔駛買俾我啦, 而耳環同戒指不如我自己出返錢買啦, 但媽咪話緊係唔得, 都唔同, 未來99送俾我係另一回事, 呢個係媽咪送既, 一定要一set咁送, 當時佢都係送一set金器送俾我嫂嫂, 而家嫁女都最少要一樣. 咁好啦.... 多謝媽咪~~

又話 說, 未來99其實本身一早係好多年前已經買左3對龍鳳鐲俾佢3個仔娶媳婦, 所以佢已經預備左一對龍鳳鐲俾我. 所以一開始話只係買多條鏈俾我. 咁佢個仔就日日幫佢睇實個金價啦. 但早幾星期, 未來99無端端同個仔講叫個仔買多對龍鳳鐲俾我, 最攪笑係叫個仔買, 唔係佢自己買呀. 佢個仔我bf緊係無所謂啦. 佢仲同個仔講唔好話俾佢阿婆知, 因為佢阿婆覺得唔需要送咁多野俾我, 對龍鳳鐲咪得. 但係我同佢個仔講, 其實到時都係未來99幫我戴d金器, 咁其他人一定會知ga bor.... hahaha  .

其實我地之前一直都有睇定d款ga la, 而幾間大金行我地都睇過晒, 我地衡量過每間既手工費同discount之後, 當然都有睇埋個款式, 決定左會係周大褔買, 而個款式大概都睇定. 未來99條鏈就諗住買個豬牌, 而媽咪方面之前帶佢睇過D款, 佢都諗左大約會買邊一款.

好 啦, 又話說金價係5月底時曾低見15900元左右, 但果時又諗可能再跌下, 所以miss左個機會, 之後又升返上去, 一直都係16500元徘徊. 其實心裡面都有個底係盡量係6月底之前買金, 而且美國果邊唔知幾時會出QE3, 如果一出QE3, 金價就真係會爆升. 同埋好難捉到金價既最低位ga ma, 所以bf話要隨時都要準備去買金, 如果見個金價ok, 就要即刻去買啦. 咁係上個星期五, 金價隨住美國果邊既消息同金價, 跌左3%左右, 去到16030元, 當晚bf話想去睇下d金器. 我地去左popcorn間周大褔睇金, 其實之前都去過呢間周大褔睇, 而果度既sales都認得我地, 可能呢間周大褔真係唔係咁多客啦. bf再次叫佢地拎個豬牌出黎睇, 又叫我試戴上身睇啦. 攪完一大輪之後, 我地又問手工費會唔會可以再平d, 咁sales話都已經計左vip價俾我地已經好平, 咁講真果日我都無諗住買, 諗緊可能聽日個金價會再跌少少, 所以bf話咁既然無得再平d, 不如走啦, 再諗諗先, 點知個經理即時走出黎唔俾我地走, 話有得商量ge, 其實果時我地係阻住佢地間鋪係收工, 所以我真係諗住走ga la, 點知個經理最後真係俾到個折我地. 咁bf問我要唔要買好, 我話我要返去問下媽咪先bor, 而且因為之前專登申請左幾張credit card為左用黎買金既, 咁當日都無拎到果幾張credit card, 所以我一定唔買住, 而bf拎左其中一張credit card係身, 所以佢決定買左個豬牌先. yeah~~ 成交左啦.....

我都幾鍾意呢個3隻豬既豬牌, 我覺得好得意呢

 之後第二日既金價同星期五既金價一 樣, 咁bf話其實都係差唔多, 都好難有大跌, 不如去買埋其他金器啦. 咁我星期日果日問左媽咪, 佢話咁一齊去買啦, 所以星期日我地又再次去左popcorn間周大褔, 個sales緊係認得我地啦, 因為呢間周大褔分店無媽咪睇中既花鏈同龍鳳鐲, 佢要即時叫第二間分店送果d貨過黎. 因為我哥係住係附近, 媽咪話不如叫埋我哥同我嫂黎睇下啦, 所以我地都幾大班人係度睇. 最後我地都各自買左龍鳳鐲同花鏈啦. 我地為左可以拎盡credit card既回贈, 除左一張單用幾張信用咭俾錢外, 我地而家只係俾左一半訂金, 定左個金價, 之後係下個月再俾埋個尾數去拎貨. 雖然都有一定風險係如果金價跌左, 都無得用低D既金價. 但我地都預左金價會升, 所以都OK. 其實我都有再問個sales買咁多, 可唔可以再有多d discount, 最後都係唔成功呢....

bf就係買左中間對龍鳳鐲, 貪佢夠大體

 媽咪就話要買呢對龍鳳鐲同花鏈

 後來我哥同我嫂見到我地可以講到手 工費有折, 佢地一早又諗住買對糼身d既龍鳳鐲俾我, 所以都順便一次過買埋. 但係我地係果間周大褔玩左好耐呢. 真係有d唔好意思tim. 其實媽咪仲要買埋龍鳳耳環同戒指, 但係周大褔個款唔係咁靚, 而耳環同戒指比較輕身, 金價對佢影響唔會好大, 所以我地諗住之後去其他金行再睇睇先.

都算係diy的一種 - 相簿 @2011漫天飛雪北海道

早前見到有團購整相簿, 心想一直都想每一次旅行整一本相簿, 所以一口氣買了5張團購, 先黎整一本睇下效果先, 整最近呢次既北海道之旅啦, 一路整一路回味返旅行的點點滴滴, 都好開心呢. 由於自己唔係做開design, 所以d排版software真係唔識用, 所以用最簡單的picasa整排版. 雖然唔係整得咁專業, 但係都係自己心血之一. 終於收到成品啦. 比想像中細, 好明顯我無咩點留意個尺寸, 原來咁細本. 印出黎既質素就麻麻地, 唔知係咪我整d相既模式有問題. 等我下次再試下另一款模式先. 其實我都有諗過好唔好整返本係pre-wedding photos ge, 俾媽咪佢地留個紀念都好.

這就是封面

 內裡的排版, 我只係用一D簡單的

 整完一本, 仲會送返一張$100 coupon

難得的幸運

本身一向都無咩抽獎運的, 在5月初時見到大日子的每月主題遊戲, 只需回答一D簡單問題, 就可以有機會得到周大褔送出的美鑽吊墜. 心想即管試一試吧. 在6月初時收到email, 話我居然抽中左. 雖然唔係頭獎, 但都有價值$1280的美鑽吊墜, 只有10名得奬者. 真的好難得呀. 早幾日去左拎份美鑽吊墜, 雖然唔係話真係好靚, 不過都唔差ge, 我最後將份禮物送左俾媽咪, 哈哈, 借花敬佛ma.

終於收到Toluna的現金劵啦~~~

等左2個幾月, 終於收到Toluna既百佳現金劵啦. 我要繼續努力答問卷調查先.

以下就係Toluna的登記網站:

http://hk.toluna.com/Register.aspx

姊妹裙款式之選擇

之前一直都未有理會姊妹裙呢個項目, 但係上網搵其他資料時, 發現有d比較平的專做姊妹公司, 做貨要預60日. 我無諗過原來要咁耐. 所以我覺得都係時候睇睇. 我首先問問我D姊妹們想要長裙款定短裙款. 之後都係網上一d做姊妹裙公司同埋係淘寶度搵左一D姊妹裙款式俾佢地睇睇. 其實都係一直用whats app send 相俾佢地睇. 大家討論得十分開心tim. 最後佢地都係覺得長裙款好d, 因為可以遮住對肥腿wor....hahhaha.... 其實我都無咩所謂. 既然佢地想要長款, 我就主力搵一d長款既姊妹裙俾佢地睇下啦, 睇下佢地最終想揀邊款la. 其實我都未決定用咩顏色. 不過諗住俾佢地揀左款先. 我d姊妹亦話唔介意我係淘寶淘返黎, 可能仲多d款tim. 不過都係要等佢地諗掂先.

呢D就係俾佢地睇既短裙款

後來佢地話要長裙款, 所以比較主力搵左好多長裙款俾佢地睇呀~~

又收到問卷調查俾既錢啦~~

啱啱尋日先同OpinionBus申請兌換$50, 估唔到今日收到paypal既email, 話我戶口已收到$50. 其實另一間問卷調查網站Toluna, 我都已經申請左兌換第二張$50百佳coupon好耐, 到而家差不多2個月, 我仲未收到. 反而OpinionBus真係快手好多. 不過有時答問卷調查都幾煩, , 所以都係得閒先做GA....

以下就係OpinionBus的登記網站:
http://www.opinionbus.hk/register.html?friend=3036

[遊記]2013熱辣辣冬日澳洲蜜月之旅 - 機票更改篇

本 來上次打去asia miles訂左去澳洲機票, 之後只是專心弄好行程就可以. 怎知早幾天asia miles突然打來, 說澳航方面將會在10月開始停飛Perth -> Ayers Rock的航班, 所以澳航方面將會為我們作出重新的安排, 就是先由Perth -> Alice Spring, 之後第二日由 Alice Spring -> Ayers Rock. 即是我們要搭多一程飛機, 其實正常是不可以的, 而且需要付多些機場稅. 但由於這是澳航的問題, 所以澳航方面不需要我們多付機場稅. 但這樣我們將會少一日在Perth或者Ayers Rock. 但都沒有辦法. 最後我們都是決定在Perth逗留少一日, 早一天去Alice Spring, 到時有機會不乘搭Alice Spring -> Ayers Rock 那程機, 在Alice Spring join local tour去Ayers Rock. 但所有的都還在計劃中. 只是暫時確定了會去Alice Spring. 即是行程將改為:

HK -> Perth
Perth -> Alice Spring
Alice Spring -> Ayers Rock
Ayers Rock -> Cairns
Cairns -> HK

真的要慢慢計劃一下呢.

終於租到Wedding gown啦@Ailis Wedding & Design

租衫呢個項目好似攪左好耐咁, bf已經不停咁話唔好再睇咁多啦, 差唔多就要決定租邊間. 所以近排開始積極再搵下又啱budget又啱款既緍紗店. 其實上網搵左幾間, 打電話去約時間, 都好爆, 可能要約下個星期先得. 之後睇人地d blog見到有人介紹Ailis Wedding & Design呢間, 係荔枝角香工樓上鋪, 本身呢個地點我未必會去睇, 因為都幾遠, 但睇到d相, 好似d衫都幾靚bor, 即管問下價錢先la. 咦, 都唔太貴. 咁啱今日可以準時收工, 即管打電話去問下今晚可唔可以上去試衫先. 又有時間wor. 所以即管上去睇下先.

本 身我諗住先去另一間叫I-Belive都係荔枝角附近既婚紗店, 因為好平, 但係最重要係佢係facebook度又無咩相睇, 連d衫啱唔啱睇唔知. 咁算啦, 即管打去問下想去睇下衫先, 我話7:30pm去到佢度, 佢話佢地7:30pm收工, 所以要求我7pm去到, 我話怕趕唔切, 咁佢叫我一係星期六日去睇啦..... 我就係唔想星期六日山長水遠去睇, 所以我話再諗諗. 之後我約左去Ailis Wedding & Design 7:30pm去睇衫, 咁我差不多7:05pm到達荔枝角, 諗住橫掂早左到, 不如打電話問下I-Belive上去睇下d相先, 如果啱款, 下次可以再去睇睇. 但打電話去問時, 佢居然話放左工, 叫我聽日再去. oh, 我覺得好似佢地唔係咁想做生意咁. 算啦, 唔去睇lu. 直接去Ailis Wedding & Design吧.

去到Ailis Wedding & Design, 這裡的衫款不算十分多, 原來Ailis Wedding & Design只係開業4個幾月, 所以所有衫都好新. 有d衫甚至係無租過出街. 接待我的是Polly, 佢都好好的給了我很多提議.

Ailis Wedding & Design
地址: 荔枝角青山道489號香港工業中心C座2樓13K (荔枝角mtr B1出口)
電話: 6438 4628
Website: http://www.ailiswedding.com
1 WG + 1 EG $3988
1 WG + 2 EG $4988* EG可轉男仕禮服, 潮褂, 娘禮服
* 婚紗及晚裝包所有頭紗, 手套, 首飾
* 拖尾婚紗不用加錢及婚紗沒有分級
* 即時落訂可減$800
* 可以轉款
* 可以免費試2件婚紗, 2件晚裝

這間的婚紗的款式及質料都不錯的, 雖然款式不多, 但都有我想要的款式, 其實我自己都正係度諗應唔應該現在決定呢, 其實呢一刻我係諗緊應該join這間好還是華麗邂逅 Fascination好. 我諗如果我即時落訂,可以即時減$800, 都幾多錢bor.... 減左之後同華 麗邂逅 Fascination差唔多價錢.... 點好呢. 當我換返衫之時, 開始講個package, Polly係我未開口講價之際就已經好好咁話可以減多少少俾我.... 呢個時候更加心大心細.... 我即時打電話問問bf, bf當然發揮佢既講價本領同Polly講價, 睇下可唔可以減多少少, 但最終都失敗而回. bf話我自己決定啦. 唔... 這間減左之後又平華麗邂逅 Fascination少少.... 而Polly佢地服務又好似幾好咁.... 所以最後都係決定join這間Ailis Wedding & Design啦. 唔想再煩了. Yeah~~ 可以攪掂多一樣野啦, 唔駛成日俾bf係度嘈LA.

Polly還好好的說可以借2款呔給我配男禮, 咁出門時可以戴一款, 證婚時戴另一款. 咁樣可以有2種唔同感覺呢.

我就係試左呢2款WG, 其實我仲未諗定邊條, 暫時2條都hold起先再決定.
這條有少拖尾, 感覺trendy d

這款有很長的拖尾, 都不用加錢的, 如果行教堂, 應該要選這條.

而EG就試了這2款, 我亦都未有決定, 2條都是紫色.
這條是比較sharp的紫色

其實我很喜歡這條, 雖然簡單, 但感覺很好. 但這紫色是比較深色, 好像不太適合lunch buffet. 所以還在考慮中

之後要搵個時間帶埋bf去睇男禮, 到時再決定揀邊條先.