Big day攝影的最後選擇

剛剛去埋UStyles Production睇相, 覺得好似都係麻麻地啦. 咁我地又係度諗好唔好揀Dimanche Production, 其實佢地幾樣野都幾好, 而且價錢又ok. 真係有d心大心細ga. 但係又唔想再不停咁搵Big day攝影, 好煩呢. 因為呢個item, 其實都睇左好一段時間. 而Dimanche Production好似各方面都幾啱我地心意咁. 所以我地決定返去搵Dimanche Production傾傾.

重覆多一次個Wedding Day Photography Package
2P1V $8888 8am-4pm
1位助手
成長片段開場MV
早拍晚播MV
全日精選DVD一套
全日照片檔案(JPG)DVD
8"X12"水晶無縫相簿一本
(如果OT $100每位每小時計)
 
如果我地唔介紹俾佢地做版, show個樣出黎, 可以送多一本4"X5"相簿一本.

唔.... 哈哈... 我地最後都決定join Dimanche Production, 一來我地覺得佢地真係影得唔錯, 二來我地唔想再煩. 所以我地book左Gordon影snap shot, 最後就落左一半訂金啦.....

yeah~~ 唔駛再煩啦, 可以暫時抖抖先. hehe....

戒掉6個壞習慣留住青春 (From Cosmopolitan)

女人一生人中最大的任務，不是要日防夜防另一半有哪些女人埋身，而是臉上防不勝防的皺紋。Keep得住自己個樣，作一個充滿自信美的女人，才是最吸引的啊！

原來生活中許多不良動作或生活習都會形成或加深臉部的皺紋。想時刻保持青春，記得要戒除以下惡習！

1. 「苦瓜乾」臉
成日黑口黑面，不但止自己難受，別人難受，而且更對肌膚有十分重大的影響力。肌膚是你快樂指標的測試，開心時肌膚會容光煥發；心情不好時，人的肌膚就會顯得暗淡沒有光澤。整日愁眉苦臉，皮膚細胞會缺乏營養，變得又乾又枯燥，出現皺紋的機會大大增加。

2. 熬夜
熬夜是皮膚保健的大敵，睡眠不足會使皮膚細胞的調節活動失常，影響細胞的活力。睡眠是否充足，其實很容易地表現在肌膚上，尤其是嬌嫩的眼部肌膚，所以每天都要睡足8小時啊！

3. 又煙又酒
吸煙和飲酒的人，皮膚出現皺紋比不煙不酒的人者早10年！飲酒會減少皮膚中油脂數量，促使皮膚脫水，間接影響到皮膚的正常功能，還是淺嚐比較好。
4. 常吃刺激性食物
想靚，要遠離刺激性的食物，辛辣的、油炸的都要減少，有助減少肌膚內分泌失調、生暗瘡的機會。多吃維他命E的食物，可促進代謝、增加毛細血管的抵抗力，維持毛孔的正常通透性，改善肌膚血液循環，延緩皮膚衰老。

5. 不喜歡運動
適量運動能促使全身血液循環加速，使肌體活動張弛適度，從而增強皮膚潤滑，也可令全身肌膚有大量流汗的機會，讓肌膚達至健康平衡，大大減少肌膚衰老的機會。

6. 卸妝不徹底
大多數人都會犯此錯誤，掉以輕心。記住，僅僅用洗面奶是不能夠徹底清潔皮膚的，化了妝就記得要卸妝。還有，應該定期做深層潔面的工作，以免污垢堵塞毛孔，影響皮膚的正常呼吸。

Big day攝影再一間interview - UStyles

UStyles Production同樣係係expo拎左leaflet, 2P1V既價錢係$12800, 呢個係全日expo既價錢, 而8am-4pm可以減到$8800, 價錢都頗吸引. 同樣當時無咩睇到佢公司D相, 所以之後再約去佢公司睇下D相辦. 我返到屋企上網睇佢d相, 感覺都唔錯. 但係唔知點解我都係網上搵唔到佢D comments.
UStyles Production的位置係上環MTR附近, 去到有一位同事係度, 原來係其中一個攝影師, 佢地呢間公司只係開業1年多, 而再之前, 佢地就係尖沙咀另一間攝影公司打工既, 所以網上無咩comments. 講返佢地個package, 2P1V再加多一位助手, 包全日JPG相片, 成長片段, 全日錄影DVD, 10"X14"相簿. 佢地無包早拍晚播, 同埋全日精華片段. 而佢地既相片方面, 都影得唔錯, 但bf覺得好似Dimanche Production影 得好d. 但當我同那個攝影師傾計期間, 感覺到那位攝影師很有Heart去做攝影, 佢好似係想影一輯好既相多過賺錢, 當然賺錢都好重要. 佢都講得出而家好多攝影師會用raw去影相, 因為之後可以慢慢執相, 但係其實一位勁既攝影師係有時會用jpg去影, 因為佢對佢既攝影有信心, 唔需要點去執相. 而且我覺得佢影相捉D角度都OK.

跟 住我地再睇埋成長片段同埋video, 成長片段都幾普通, 而video就好傳統果隻, 所以坦白講除左影相方面, 其他就真係好麻麻. 而且佢地OT要每人加$300, 同樣可以只係要求一位攝影師OT. 而相簿排版方面同樣普通, 我都明白其實好多攝影師只係會影相靚, 而做design或者排版就真係一般. 我地同樣都係離開左, 返去再商量一下再決定啦.

Big day攝影另一間interview - Dimanche

Dimanche Production其 實係係expo拎左leaflet, 當時2P1V既價錢係$9988, 呢個係全日既價錢, 我地再問下如果8am-4pm可以減到$8888, 其實不算減得多, 但都可接受. 但當時無咩時間睇佢公司D相, 之後返到屋企上網睇佢d相, 都真係影得幾靚. 即管約下去佢公司睇下多D相辦.

原來Dimanche Production有門市係金都, 我一直都無為意原來呢間公司係金都, 如果一早知我未必會去睇, 因為我一直都比較怕係金都既鋪, 覺得金都太多黑店, 根本就唔知自己會唔會去左間黑店. 所以當知道要去金都, 心裡面都真係打左折, 但我又係網上又見唔到佢有咩comments.

去到時Dimanche Production既 鋪只有一個sales係度, Sales - Philip都好nice. 我地睇返佢地D相, 都真係影得唔錯, 佢地影big day的有3 teams, 但主要攝影師分別係Gordon同Dick, 其實2位攝影師各有風格, 但都影得不錯的. Dick比較standard, 而Gordon就會比較特別D. 而再睇埋成長片段, 真係唔差呢, 算係我地睇咁多個攝影師中最好一個, 當然唔計D好貴既的攝影師啦. 雖然佢地既成長片段唔係為每個人度身訂做的, 但係而家有10個template, 而且將會有多2個新既template選擇, 可以放大約30張相, 所以我覺得都真係唔錯的. 而Video基本OK, 唔太差. 所以overall都真係唔錯. 而且如果要提早到或者OT, 每位每小時只需$100, 如果不是太早, 不需俾的士錢. Philip仲教我地, 如果要早過8am到, 可以就一就, 例如只需一個snap shot攝影師OT早到一個小時影新娘化妝等既花恕, 咁只需加OT錢$100, 真係太好啦, 咁我唔需要俾咁多OT錢呢.

而 且佢地2P1V既Package本身除左包全日JPG相片, 仲包多一位助手, 成長片段, 早拍晚播, 全日精選DVD一套, 8"X12"水晶無縫相簿. 而相簿排版都OK. 其實我地都覺得真係唔錯的, 但係都有D心大心細. 而且之後再約左另一間攝影去睇相, 所以都係再想想先.

尋找Big day攝影之路 - EXPO篇

上回講到我地係EXPO搵big day攝影, 先掃晒所有係expo有擺booth既攝影師既leaflet, 之後再揀走邊D係out budget, 再係啱budget裡面的攝影師去睇下D相或者傾下. 其實都有幾間有係expo傾過而又覺得D野係OK, 可以值得考慮.

Th. Chan Production
這 間吸引我地其實係pre-wedding既package, 我見到佢張poster, 佢地做緊沖繩同希臘既overseas pre-wedding photos promotion, 沖繩只要$12888, 希臘則只需$19888, 嘩! 好抵呢. 我地其實都心郁郁想去日本影多輯pre-wedding, 見到個價, 真係好吸引呢, 即管坐低聽下, 順便問下big day攝影. 其實佢個沖繩pre-wedding package, 只係包32張相, 都一D基本野, 如果想要全部相片, 需加$9800. 我地先睇睇佢big day d相, 都影得幾靚, 而價錢方面, 2P1V $13888, 我地問佢如果只需8am-4pm, 價錢可以減到$10888, 都可接受. 而佢都包成長片段, 早拍晚播. 我地係度諗如果join埋pre-wedding, 應該可以再bargin多D野. 其實這間Th. Chan Production主 要都係Terence Chan影的, 我地都一直係度盤旋緊啦. 之後都係諗住返屋企上網check下呢間公司既comments, 發現其實佢既comments唔多, 但係睇到其中有一個人不停咁唱衰呢間公司, 話Terence Chan本身係金都一間攝影公司做老細, 而這間金都既攝影公司就臭名遠播, 之後就離開左轉左去Th. Chan Production做, 又話佢而家有單官司煩緊等等. 坦白講, 我都覺得未必係真, 但係都會有擔心. 所以我地覺得無謂冒呢個險, 決定唔揀呢間.

Stans Production
呢間坐低睇佢地既相辨, 同樣都影得幾靚, 而且8am-4pm 2P1V $10000, 同樣包成長片段, 早拍晚播. 但係佢成長片段普通, 仲要無 得指定攝影師, 佢地有3 team攝影影big day, 而家我big day果日只係得返1個位, 佢不停咁氹我地快D落訂, 但係我地都係想考慮一下, 所以都沒有即時決定. 但其實我bf都幾喜歡這間攝影. 好奇怪, 這間在網上搵唔到comments, 唔知有無問題呢....

MCube Production
這間在Stans Production附近的booth, 我地見價錢都OK, 8am-4pm 2P1V $10380, 包成長片段, 早拍晚播, 仲有一本12" X 10"相簿, 我地本身想叫佢地再平D, 但好似有D難度. 我個人覺得呢間影相好過Stans Production, 但bf好似都係覺得Stans Production好D. 所以雖然係呢間都傾左好耐, 好似佢都答應可以再送D野俾我地. 但係我地都話要考慮. 同樣這間在網上搵唔到comments, 都係唔知好唔好.

其實除左以上3間都有去左其他的啱budget攝影公司既booth度傾, 但大部份都係覺得D相麻麻地. 差不多expo完時, 仲有D都好似OK, 但未有時間去睇. 都係之後再約時間去睇下佢地公司先算.

Big day攝影的第一次interview - OlamART

之前一直都不停咁睇不同的攝影師的website, 但啱價錢的都覺得麻麻地, 繼而我轉去facebook睇, 剛剛在facebook側邊看到有一D攝影師廣告, 就click入去看看. 見到其中一間叫OlamART Studio, 去到佢既facebook睇下d相, 好似都影得幾好咁, 原來佢地早幾日仲上左去商台既"口水多過浪花"做訪問. 我係度諗咁樣都應該唔差掛. 之後再去佢地website, 睇到個價錢2P1V $9800, 都OK bor, 所以就約去佢地office度再睇下多D相辦.

佢 地既office係新浦崗, office都幾大, 去到見到有2個人係度, 佢地俾左一輯整輯相我地睇, 發覺D相好似麻麻地, 再睇埋佢地既video同成長片段, 這個都OK的. 但係佢地2P1V既價錢原來只係包全日既相片jpg檔, 同埋全日video既dvd. 成長片段要另外加$2800, 而全日video片段summary要加$2800. 這個價錢真的有些貴, 外邊其他攝影師這個價錢仲可以包埋相簿, 但佢地仲要咩都唔包. 而且我地覺得D相片真係唔係咁啱我地. 所以最後都係算啦.

唉...之後仲要繼續努力呢.....

尋找Big day攝影之路 - 煩惱篇

有好多人都同我講緍禮主要有幾樣野 要一定要搵左先, 分別係婚宴場地, MUA同埋係Big day攝影. 婚宴場地同MUA都已經搵到啦, 但係big day攝影真係幾苦惱. 其實我地都唔係好識睇係咪真係影得好唔好. 我曾經嘗試去esdlife睇下forum的介紹, 發覺好多根本就係打手, 都唔可以作準. 之後睇下其他人的blog, 搵到D都幾出名同好多人都會搵佢地影big day, 即管send email問下價錢, 發覺一係當日已經full左, 一係個價錢太貴啦.

因 為我地只係攪出門 + lunch buffet, 根本唔需要全日攝影, 我地預計時間大約係8am - 4pm, 但好多攝影師都話要當全日計, 咁我都明白既, 始終佢地預左個人係度, 而且夜晚無可能接到第二個job. 但係佢地個價錢真係貴左少少, 所以搵D無咁出名的再問問價錢, 之後都不停咁問左好多攝影師的價錢, 發覺原來個價錢範圍可以好大, 2P1V的價錢由$5000至$40000不等, 真係估佢唔到. 所以近排都不停咁睇唔同攝影師既website. 慢慢都會開始分得到影得好唔好, 有D一睇發覺真係唔多掂, 而貴果D又真係影得幾好咁. 而且我自己又怕搵到D差既攝影, 如果到big day果日, 攝影師突然失蹤, 我都唔知點算, 唉...真係苦惱呢.

其 實我都知唔可以只係睇攝影師既website, 因為佢地一定會搵D最靚既相post出黎. 所以一定上去佢地既office睇多D相辦. 但係因為我地一直都搵唔到一個又啱budget又影得ok既. 所以都一直都不停咁睇, 啱啱過左既EXPO, 發覺有好多攝影都有擺booth, 我地第一日即刻掃晒所有既leaflet, 諗住返去再睇D資料, 睇下邊間OK, 又啱budget既, 第二日再去同佢地傾. 最終第二日都搵左幾間傾, 但都係無決定呢. 始終我想上網睇下有無D唔好既評語先再決定.

原來答問卷調查好容易會賺到錢

無無聊聊join左一個問卷調查網 站 - OpinionBus, 如果成功完成問卷調查, 就可賺取積分, 這些積分可兌換成錢的, 那些錢直接打入你的Paypal account. 其實我都係用左2個月時間, 用有d空檔時間去答下問卷調查, 估唔到咁快就有$50. 都幾好bor~~~ 如果大家都有d空檔時間, 都可以試下.

以下就係OpinionBus的登記網站:
http://www.opinionbus.hk/register.html?friend=3036

p.s. 其實我同一時間join左幾個問卷調查網站, 但係以OpinionBus好似比較容易儲到積分, 我另外幾個網站都未有錢可以拎到呢...

冰島之美

一直都係度諗Honeymoon去 邊好, 去歐洲? 澳洲? 其實我首選當然係歐洲, 我想去意大利, 又想去芬蘭睇北極光, 係搵緊資料期間, 發現原來冰島都好吸引. 同埋冰島都睇到北極光ga. 但係由於Honeymoon果時係冬天, 如果冬天去歐洲好似唔係咁啱時候, 夏天去歐洲會好d.... 咁又要再考慮其他地方, 或者去澳洲, 澳洲當時應該係夏天, 而且當地環境好靚. 再諗諗先...

今日無意中見到一幅係冰島影到既相, 好靚呀.... 係當時正係火山爆發, 再加上北極光. 真係令到我更加想去冰島呢....

無無聊聊DIY練習篇

一直都有諗過有幾個items會 diy, 其中包括戒指枕, 結婚證書套, 人情箱, 手花等等... 但都未有咩野idea去點樣整. 之前買左一d不織布材料返黎, 試下自己練習一下. 整左一d無聊野出黎, 其實都唔知有無用, 但叫做試下先. 可能最終發覺自己手藝太差, 都係出去買算lu. 但係都無所謂la.

我分別整左玫瑰花, 心心同埋一個bf人樣公仔, 雖然唔係好似bf. 我有諗過用黎整戒指枕, 但係好似唔係好靚咁..... 再睇下點先...

漢堡”雞” @Japan KFC

真的是漢堡雞呢, 用2塊炸雞胸肉夾住車打芝士及Gouda芝士, 雙層煙肉, 再加蛋黃醬. 而家諗地都想食呀. 聽說這個size不太大，只有588卡路里. 但香港未有呢. 唔知香港幾時先有. 我好想食呀~~~

Yeah~~~

Yeah~~ Yeah~~~
是日大喜, 需要慶祝.

婚宴的佈置篇

差不多係時候要睇下D佈置啦. 其實我一開始我係無諗過要攪佈置, 但原來係酒店擺係唔可以唔整佈置. 唉...無計, 又要用多一筆錢..... Join Marco Polo HK 時送左一d coupon, 其中一張係Maple Floral & Gift會場佈置套裝優惠價$2688. 呢個優惠主要包括:1) 接待處: 絲花藤圍邊或多款絲花佈置
2) 禮堂佈置: 多款絲花組合花柱選擇, 及禮堂背板絹布佈置連立禮英文電腦界字 (可選絹布或絲絨布底及絲花圍邊, 加4-6呎絲花花柱一對/雪紡pattern效果/紙花pattern效果)
3) 蛋糕檯: 絲花藤圍邊或多款絲花佈置
4) 油畫相: 絲花藤圍邊或絲花對角花組

好似都唔錯咁. 不過我地之前都未搵過其他佈置公司, 所以我都唔知呢個係咪真係咁抵. 啱啱呢2日expo, 諗住順便睇埋佈置. 想盡快攪掂多一樣野. 我地去到expo. 首先去左Maple Floral & Gift, 由於時間尚算早, 所以唔係好多人. 我地同佢講左我地會係Marco Polo HK, 佢已經話係$2688個plan, 其實佢根本唔駛睇張coupon. 佢地話因為佢地同Marco Polo HK合作左好耐, 所以先會俾呢個優惠價俾我地. 咁我都睇到佢地係expo裡面同一個package做緊個價都係$3988. 我地當然第一時間問會唔會有多d野送先. 跟住佢都好順攤咁送多幾野俾我地. 始終我地未睇其他公司, 所以我地都係要再去其他公司睇睇先. 點知原來其他公司都好貴的. 坦白講, Maple Floral & Gift的 佈置很普通. 但這價錢真的很實惠. 其他的佈置公司, 同一個package最平的都要$3380. 那沒辨法呢. 雖然有些公司的佈置真的很靚, 但真的很貴. 當初係佈置這項目裡, 都預算不會用這麼多. 事實上, 除非整到好特別, 如果唔係, 真係有幾多人會記得你個backdrop係點. 但係如果係特別果D backdrop基本上佈置費用係要幾萬蚊去攪. 我又覺得好似又唔值用咁多錢係呢個項目度. 不如呢D錢用黎去旅行好過. 所以最終我地都係返去Maple Floral & Gift落訂算啦.

拿了幾間佈置公司的leaflet

而且Maple Floral & Gift又送多左以下既野俾我地:

a) 台上射燈一對
b) 證婚台佈置
c) 花波2對 + 藤波10多隻 (放在台上)
d) 接待處水晶燈

由 於Marco Polo HK的台地下係紅色地毯一格格的, 很古怪, 所以我地諗住鋪毛毛地毯, 但係要加$1000. 很貴呢. 但問過其他公司他們還要加$1500-$2500不等. 真的估不到. 這些都是reuse的地毯. 初時有諗過自己去買一幅毛毛大地毯回來, 這樣平很多. 但由於我地個台有樓梯, 我又怕如果痴得唔好, 好容易跌親人. 咁仲大件事. 唉... 無計啦, 都係要加$1000毛毛地毯, 不過我地叫佢地再送多D野俾我地. 以下就係係加左$1000地毯後成功bargin返黎既野:

e) 加台上射燈一對, 即合共2對
f) 相簿台佈置
g) 借用3個candy jar (這要自己清水消毒, 及要收按金$600)

yeah~ 我地又俾左一半訂金$1500先, 仲可以用Credit card. 又攪掂一樣, 而家最主要仲欠租衫同婚禮攝影. 要盡快搵掂婚禮攝影先得.

見證時刻的律師

今日去了expo, 決定了證婚律師. 好奇怪, 今次的證婚律師比我上次去expo的時候居然平了. 壹誓證婚的一般模式只需$2399, 比上次的還要平$300. 而葉謝鄧律師行同樣是$2699. 伊甸園婚姻見證服務公司同樣都是$2800(星期六日及假期). 壹誓證婚的證婚加主持模式仍然係$2999. 但如果join證婚加主持模式就可送結婚證書冊, 如只是join一般模式, 則只是送證書筒. 同樣所有都是會免費提供羽毛筆, 筆座及簽名托. 仍然全部都不包括政府費用$305.

這樣根本無需比較呢, 睇價錢, 壹誓證婚好似已經係不二之選. 都平很多呢. 所以最後我地都係壹誓證婚俾左$300現金訂金揀左一般模式. 本身想bargin送埋結婚證書冊, 但係唔成功. 可能佢地都知道佢地已經係最平, 所以唔怕我地唔揀佢地啦. 而家俾左$300訂金後, 之後一兩天後會收到壹誓證婚的書面認通知書, 5天內俾埋服務費50%, 跟住係big day前3個月上去佢地office簽"擬結婚通知書"同埋俾埋尾數同政府費用.

好了, 總算又攪掂多一樣啦. 最重要係又平左tim~~~

見證時刻之選擇

由於係攪wedding lunch buffet, 所以一開始已經諗住搵律師去酒店證婚. 而我地一直覺得律師方面應該都無咩要求, 可以搵間平既就算la. 初時我都無咩頭緒, 只係係esdlife見到好多人都讚一位律師, 呢位就係林志達律師, 好多人都話佢好識攪氣氛. 而我見其他人講呢位律師既價錢又唔係太貴, 但好多人都會搵林律師, 所以一定要一早book定. 而我早在上年10月就找過這位林律師, 林律師說當日佢仲有期, 其實佢真係好快回覆, 同埋佢解釋得好詳細. 但係...我一問價錢, 都真係估唔到咁貴. 由於當時我仲未決定係婚宴地點, 所以叫左林律師報2個價錢俾我, 一個係黃金海岸, 另一個係尖沙咀. 佢報價黃金海岸係$8000. 嘩!! 太貴啦@@.我都知黃金海岸都好遠, 但真係太貴了. 而尖沙咀佢報$5000.呢個價錢都正常D, 但都貴啦. 所有價錢都仲未包政府$305費用的. 所以我都唔會考慮啦.

之後曾經係EXPO見過一間叫壹誓證婚, 都好平下, 佢地係專做證婚, 佢地有分一般模式同證婚加主持模式, 當然價錢有d分別. 一般模式只需$2699, 而證婚加主持模式則是$2999. 咁感覺上證婚加主持模式會好D. 但又唔係一定需要, 所以無謂要用多$300. 如果係EXPO報仲有野送tim. 但由於當時覺得呢樣野可以遲d先諗. 所以都係無join到.

而我係EXPO仲見到另外2間公司, 一間係葉謝鄧律師行, 另一間係伊甸園婚姻見證服務公司, 葉謝鄧律師行的價錢$2699同壹誓證婚一樣, 但就無壹誓證婚送咁多野. 而伊甸園婚姻見證服務公司就貴少少, 要$2800, 但佢有好多律師. 同樣全部價錢都未包政府$305費用.

我其實都唔知揀邊間好. 上網睇人地D comment, 壹誓證婚的comments都不錯的. 但另外2間好似相對少D人用咁, 無咩comments. 都有D苦惱tim. 要再搵搵資料先. 可能會係黎緊既EXPO就join證婚律師. 所以要盡快決定搵邊個先得.

拍婚紗照的姿勢怎樣擺最上鏡 (Copy from others)

雖然已經影左婚紗相, 但啱啱見到有呢篇文章, 都覺得很有用, 可能會影多輯呢, 就算唔係, 我諗big day果日都可以用黎參考.

       一、角度

　　1、把頭部稍向上仰，鼻子看起來會顯得較小。把鼻子對著比鏡頭稍高一點的位置，可使臉部輪廓看起來更美，並減少眼睛下部的陰影。

　　2、自然的站直、挺直腰背，那麽長腿、臀部曲線自然會出來，表情也會隨著神采奕奕。

　　3、身體可以略前傾，如此一來，臉部的視覺會更加有立體感，整個臉龐面積會相對地縮小。

　　4、臉頰盡量呈度或度微側面，如此臉蛋看起來會更小，輪廓更明顯。

　　5、如果你不了解自己最美的一面，那麽就讓拿相機的人別嫌麻煩，多換角度，要拍一張換一個角度，准有一張是好看的。

　　6、如果是在婚禮現場親友拍照留念，盡量把臉的位置放在別人後面一點兒的位置，這樣雖然“陷害”了同伴，但你的臉會顯得小一些。

　　二、表情

　　1、想象自己是最漂亮的人，不要老擔心自己樣子不好看，一定要神情放松，充滿自信。

　　2、微笑是最上鏡的表情，但婚紗照裏最好別大笑，以免雙眼周的細紋明顯，失了儀態。

　　3、收緊下巴，讓臉孔呈現出優雅的姿勢，眼神略微由下往上看，會更加炯炯有神，眼睛更大。

　　4、通過自己的方式讓下巴變尖，可以是簡單的稍揚嘴，有的人會動耳朵，當你把耳朵提起來的時候，下巴也同時尖出來了。

　　5、通常專業模特都會用舌頭頂著上颚前牙齒的背面，這樣會令嘴部和臉下部更好看。

　　三、眼神

　　1、在眼神中流露感情，可使照片看來充滿深情。就算只是個POSE，也請你想象成正在笑著傾聽愛人訴說衷腸，千萬別兩人對視時雙目無神。

　　2、我們在面對相機的時候，眼神總是會不由自主的變得僵硬。試著忘記攝像機的存在，流露出最自然的眼神會讓你的照片看起來更加身臨其境。

　　3、太強的光線會使面部産生陰影，使人眯起雙眼，盡量與攝影師溝通，選在陰天拍外景，光線和效果都會更漂亮。

　　4、經常在鏡子前練習擺姿勢，久而久之就能掌握住你自己最美麗的眼神。

於觀塘尋找Wedding Gown第二擊

星期日又再次出動了. 今天可以約埋BF繼續去觀塘找找找. 其實點解重點係觀塘, 主要係因為我發覺觀塘既婚紗店比尖沙咀, 旺角同中環既平, 可能觀塘既租平D啦. 咁如果觀塘的可以找到我想要的Wedding Gown, 咁我就可以慳返D.

今日主要又係去左3站, 都攪左好耐呢.

第一站
Forever
地址: 觀塘觀塘巧明街116-118號萬年工業大廈9樓C座10室
電話: 2110 9862
Website: http://www.forever-hk.com/2件 $1280(24小時即日租)  $1780(3日2夜)
4件 $2280(24小時即日租)  $3180(3日2夜)
* 可選潮掛不用加錢
* 拖尾婚紗另加$100, 皇后級加$300
* 免費提供頭紗, 綱紗, 手套, 首飾, 男禮包背心, 腰封及呔
* 可無限次轉款
* 先付一半訂金, 最後Fitting時付尾數 (全部都是現金付款)
* 可以免費試45分鐘任試

這間地方都算寬倘, 但婚紗及晚裝款不是太多, 我其實都唔係咁揀到, 是旦揀了幾件來試. service都好好. 反而最後我地見佢有婚禮攝影, 順便看看相板, 無意中見到佢地有一位攝影師叫Danny, 好似都影都幾好. 返屋企再睇下佢其他相板先.

第二站
Amour de mariee Bridal Couture地址: 觀塘觀塘巧明街116-118號萬年工業大廈3樓B09室
電話: 8105 0188
Website: http://www.amourdemariee-bridal.com/#!
* 免費提供頭紗, 綱紗, 手套, 首飾, 男禮包背心, 腰封及呔
* 可無限次轉款
* 先付一半訂金, 最後Fitting時付尾數 (全部都是現金付款)
* 可以免費試1小時任試

剛 剛正在做情人節promotion, 很抵呢, 租10件$4888, 忍不住即刻上去試試. 上到店時, 剛剛還有客人在試妝, 這店只有一個女仔係攪婚紗的, 她很不好意思, 因為店鋪很細, 迫了很多人. 她說因為之前的客人遲了, 所以被迫現在要有2對新人, 她說她會盡量安排同一時間只有一對新人試衫. 其實我都OK GE. 衫款不算太多, 但都幾靚的. 其實我最主要係睇中了一件婚紗, 就是下身全是紗的, 但原來那件是前短後長的, 如果是影pre-wedding一定很靚, 但如果BD著不是太適合, 我問她會否有前面都是長的款式, 她說要遲些才會返一些類似款. 其實其他的婚紗都不錯的, 晚裝主要是A line款, 都有一些公主款的, 這間都真的很吸引呢, 這個價錢真的十分抵. 但其實我又唔需要租到10件咁多..... 真係要諗諗呢.

呢件試上身都幾靚

我好鐘意呢件的, 但係前短後長, 希望佢之後真係出長款啦

第三站

藝心婚紗
地址: 觀塘觀塘巧明街111-113號富利廣場6樓601-602室
電話: 2347 1089
* 免費提供頭紗, 綱紗, 手套, 首飾, 男禮包背心, 腰封及呔
* 可轉款3次
* 先付一半訂金, 到confirm要邊幾件時要付尾數 (可以現金, EPS或信用卡付款)
* 可以免費試3件婚紗/晚裝 (佢地話原本要落左訂先可以試, 一係要俾試衫費, 但見無咩人就算啦)

這 間係臨時打電話去約即時上去得唔得, 佢又話OK, 咁就順便上去試試. 這間很大間呢. 有2個單位, 1個係放婚紗同晚裝. 另一間係姊妹衫, 男禮同媽咪衫等等. 剛剛去到又真係無咩人係度. 佢都有幾多款, 其實好多都係炒款. 我又無咩所謂, 最緊要佢有我想要既款. 但係一樣野, 這裡的sales很hard sell, 不停咁push你即時落訂, 又話自己既衫有幾好幾平等等. 其實一開始我問佢package幾錢, 佢地都無咩點答我. 我試好之後再問佢幾錢, 佢俾價錢牌我睇, 5件衫 $4XXX(我唔太記得), 我話我最多租4件, 佢又話俾個discount我, 4件只需 $3380, 如果7件則需$5380. 我話要諗諗, 佢就話佢地好平GA LA, 我話唔係BOR, 我啱啱睇另一間10件衫$4888. 跟住佢話唔信. 我地俾埋人地張promotion佢睇, 真係無呃佢的. 佢就話人地D衫唔靚或者D料唔靚等等. 我話唔係BOR. 跟住個sales話送多一件伴娘裙. 都真係幾吸引. 但我又怕太快去決定. 所以唔敢即刻答應. 所以我話要返去諗諗, 同個sales講會盡快覆佢. 個sales話都OK. 之後有一位類似老板娘的走黎sell我地. 之後發現sales話俾我地$3380, 居然話要加D, 我地都O左咀. 又話而家走, 就唔可以有返$3380呢個優惠. 我話明明頭先唔係咁講GA BOR. 而且最重要我想要的婚紗, 佢好似未必有期咁. 個sales又話我之後幾日既期有人book左呢件, 怕有少少撞期. 因為佢地要拎件衫去洗等等. 咁我問係咪有先, 有呢件衫我先會訂的. 個類似老 板娘話最多做多一件, 叫我地放心. 其實佢根本就係老板娘, 我地問佢, 佢又話唔係老板娘. 我其實一直都有D擔心. 我未上網睇呢間既comment. 所以我話都係要諗諗. 個老板娘就有少少寸話我地一定無得有返優惠價. 我地無理佢啦. 之後返屋企上網睇返D comment, 都有好有唔好. 主要都係話老板娘Flora既唔好. 令到我覺得好似唔係好可靠. 其實我都15/16. 講真呢間D款又好D ge. 又唔貴....點好呢....

這件是我想要的款式, 著上身都很靚呀~

呢件同上面果件好類似, 但上身係用羽毛整, 很特別. 好可惜, 呢件無得試, 因為俾人買走左, 佢話如果我落訂, 可以做多一件返黎. 唔知真定假呢.

突然的尋找Wedding Gown - FOI Wedding

星期五晚突然的得閒, 約埋妹妹去試下衫先. 由於突然約的, 所以未必間間婚紗店都得閒, 今日約到係FOI Wedding.

FOI Wedding
地址: 中環荷李活道26號1樓
電話: 2526 8007
Website: https://www.facebook.com/foiwedding?sk=info
1 WG + 1 EG $4988
* 只有潮掛租
* 有部份婚紗係upgrade款, 每款upgrade唔同價錢
* 男禮只有平腳款, 沒有燕尾服款, 只包西褲, 不會包背心及腰封
* 可以免費試3件婚紗/晚裝

我 先睇相後, 記低想要試的婚紗及晚裝的名, 她們會拎出黎俾你睇睇先. 我揀左差不多7件, 諗住拎出黎下先. 其實D款都係普通, 尤其晚裝不是太得. 我最後揀左2件婚紗同1件晚裝去試. 晚裝真的麻麻地, 之後試2件婚紗, 1件婚紗係象牙色, 另一件係白色. 而象牙色這件有D似晚裝呢. 其實呢2件婚紗都幾靚, 我都幾喜歡. 跟住佢地係度遊說我可以試下租2件婚紗, 而象牙色這件當係晚裝著, 但呢2件有D似呢. 而且這兩件都係upgrade款, 象牙色要加$500, 另一件要加$1000, 而且我租2件婚紗係要$5988, 咁加埋咪要$7588. 太貴啦. 跟住佢地又話可以當我租一件婚紗, 加一件晚裝既價錢, 即係$4988, 但都仲要加upgrade錢$2000, 咁即係都要$6988. 都貴啦. 算la, 而且我都唔想2件太類似呢. 坦白講, 除了呢2件婚紗, 其他都係麻麻地.

呢件我很喜歡呢, 這件要upgrade加$1000

這件是象牙色要加$500