[遊記]2010東京購物及上海世博文化交錯之旅 - Day 5

日期: 2010年7月5日

來到第五日, 我地將會離開東京了, 我地同樣搭TWR的りんかい線去到新宿駅西口, 再搭高速巴士去河口湖, 期間還會途經富士急Highland, 我都想去玩呀~~ 一定要搵次去玩先得. 差不多坐了2個小時就到達河口湖駅. 

 

今日天氣好好咁呀~~

富士急Highland呀~~ 好想去玩呀~~

河口湖為富士五湖之一, 其他四個湖分別為西湖, 精進湖, 本栖湖和山中湖. 其實來河口湖的目的就係欣賞富士山, 但係睇唔睇到富士山真係要運氣,  如果天朗氣精的話, 就有幸見到富士山呢. 去到河口湖駅, 離河口湖還有一段距離的, 我地需要打電話去酒店, 叫他們去河口湖駅接我地. 但現在首先係食左LUNCH先, 因為河口湖附近係無咩野食GA. 我地係河口湖駅附近搵到間食店, 就走左入去食LA.

河口湖駅

今日既LUNCH就係呢間食店, 啱啱係河口湖駅對面

這個味道真的很一般

這個窩墊很得意呀~

我地順便係間食店裡面借電話打俾酒店, 通知佢黎河口湖駅接我地. 但係我地等左差不多半個小時, 間車先到. 我地今晚所住的酒店係富ノ湖ホテル, 在河口湖隔離, 其實河口湖附近的酒店都比較舊. 由於未到Check -in 時間, 所以我地放低左行李之後, 又再出發去遊覽一下河口湖. 酒店門口剛剛有巴士站, 我地搭レトロバス 巴士先前往天上山公園, 這天上山公園是需要搭纜車上去的, 可清楚看到河口湖, 原本應該都可看到富士山的, 但可惜今日比較多雲, 看不到富士山. 還可以看到富士急Highland.

天上山公園纜車入口

走時發現有一個燕子巢

之後我地再搭レトロバス 巴士前往河口湖自然生活館, 其實在河口湖大部份景點都可以搭レトロバス 巴士去到. 河口湖自然生活館同樣在隔離, 這裡種滿薰衣草, 剛剛現時7月係薰衣草盛開的季節, 當然不可跟北海道的相比.如果天氣晴朗的, 同樣可看到富士山啊~

 河口湖自然生活館的薰衣草, 正常應該看到富士山的.

河口湖這裡的景點不算很多, 所以我地之後都返回酒店稍為休息及浸溫泉. 河口湖感覺沒北海道洞爺湖美及大, 不過大部人都會前往河口湖, 主要係觀看富士山, 其他真的沒甚麼特別. 這間富ノ湖ホテル比較舊, 但係間房都幾大, 而且係對住河口湖的, 可惜看不到富士山...

朦朦朧朧都見到富士山的

到食飯時間了, 我地訂的套餐是包晚餐及早餐, 在之前Check-in時, 酒店職員跟我們說, 由於比較多旅行團, 所以希望我地可以早些或晚些吃晚餐, 避免多人的時間, 我地都無所謂, 故選擇先浸溫泉, 之後才吃飯. 但我地去餐廳時仍很多人, 而且係好多香港人. 應該很多香港旅行團都係住這間富ノ湖ホテル. 我地的晚餐是自助餐, 另再送多一客蟹腳(唔係個個都有得送), 食物方面除了送的那客蟹腳跟雪糕外, 其他的都很難吃, 真的算是我們來日本咁多次最難吃的一餐. 我地看到隔離旅行團的導遊, 幫他的團友訂了一些壽司船, 相信這客壽司船都唔平呢. 那些導遊又搵D團友苯呢.

最好味就係呢碟送的蟹腳

其他的真的好難食

枝豆都係最好味之一

吃完飯後, 我地諗住出去行下, 睇下河口湖, 但太黑了, 沒甚麼好看. 都見到有人買了些煙花玩的, 但不多呢. 算吧, 都是返回酒店休息吧. 希望明天可以看到富士山啦.

[遊記]2010東京購物及上海世博文化交錯之旅 - Day 4

日期: 2010年7月4日

今日我地首先會去左富士電視台先, 再去其他地方. 相信好多人第一次去東京必去, 其實富士電視台都係酒店附近, 我地曾經諗過行過去的, 但始終人生路不熟, 都係搭車去安全D. 今日我地搭另一私鐵TWR的りんかい線, 其實我地第一日黎酒店時, 已經搭過りんかい線, 我地先去到国際展示場駅買了今日的りんかい線一日乗車券, 再搭去東京テレポート駅. 其實附近的各條地鐵及私鐵都已經試搭過了, 這是朋友的安排, 他說可以試搭所有不同的私鐵. 由東京テレポート駅徒步約6分鐘就到達富士電視台, 富士電視台有部份是免費開放給遊客的, 可在此參觀電視台現場節目製作, 當日都看到有節目正在拍攝, 但不知是甚麼節目. 我們先從正門旁邊的扶手電梯到7/F庭院  再到24/F的球型瞭望室餐厅, 其實可以上25/F球体展望室的, 但要付500 Yen入場費, 覺得不太特別, 所以沒有上25/F. 之後我地再落返5/F的Studio Promenade參觀, 最後落返大堂. 其實富士電視台去一次就足夠了, 沒有甚麼特別.
 

りんかい線一日乗車券

富士電視台

其實在24/F看到風景跟25/F的都應該差不多

離開了富士電視台, 我們就沿TWR的りんかい線搭去渋谷駅, 其實りんかい線一日乗車券只是包去到大崎駅, 但由於這鐵路跟JR埼京線是直通的, 可以在再渋谷駅下車時才補錢就可以, 十分方便. 渋谷感覺比新宿會多青年人, 很多大型shopping mall. 我地先去一蘭拉麵食lunch, 其實之前去九洲沒有去一蘭拉麵, 反而來到東京才試, 真的很失敗tim. 我們去到一蘭拉麵時, 已有很人正在排隊, 但人不算多, 我們都排了差不多15分鐘才有位. 這裡是未入座之前, 服務員會派一張食物紙給你選食物, 可選湯的濃度, 麵的軟硬度, 要不要蔥花等, 你初安排座位後, 將食物紙交給服務員即可. 這裡的座位是獨立一座位的, 故每人都有自己的私人空間. 至於味道方面,  我跟朋友都一致認為這裡的拉麵係最好味的, 雖然本身我對拉麵都是一般, 但這裡的拉麵真的很好味的, 由於我選的湯底是淡味的, 很喜歡那種清清的感覺. 我地真的很後悔在九洲沒有去一蘭拉麵,  因為聽說九洲的一蘭拉麵更好味. 如果有機會再去九洲, 真的要試一試.

這裡顯示了那一張椅有位(亮燈位置)

等待食物期間, 還看到中間的服務員送餐, 當你的麵送到時, 面前的竹簾會放下的.

食完lunch之後, 我地開始今日重點 - 行街, 由於朋友唔鍾意睇衫, 所以我地就分開行, 大約1.5小時後再集合. 我行了幾個mall, 可能咁啱係日本7月大減價, 好多人, 每個mall都好似香港既旺角中心咁, 真係唔係好想行, 加上d yen又唔平, 兌返港幣都唔係好平, 所以戰利品不多. 朋友則四周逛逛,仲自己一個人走元祖寿司食壽司做下午茶. 我地集合後, 再去牛乳生アイス專門店食雪糕, 這裡雪糕好出名的, 很多旅遊書都有介紹, 連杜如風本旅遊書都有介紹, 所以當黎到牛乳生アイス專門店都見到幾多香港人. 我初時以為是好似平時的轉雪糕般, 但這裡的雪糕其實是好像雪芭般. 但味道一般, 我地應該不會再來食了.

之後, 我地再搭京王井の頭線前往下北沢, 同様我跟朋友分開行, 這裡沒有大型的shopping mall, 沒有百貨公司等, 多數都是一些鋪頭仔, 這是我最喜愛的. 這裡每間鋪的衣服都有自己的風格. 下次來東京, 這是必去的地方. 離開下北沢, 我們再去新宿食晚飯,  今晚我們食shabu-shabu. 食晚飯前, 我地前去巴士站買明早前往河口湖的巴士士票, 今日專登早些來買, 怕會好像昨天那樣關了門. 今晚晚餐地點係モ～モ～パラダイス 歌舞伎町牧場, 我地上網印左割引券, 可以2,980yen一位平d, 這裡感覺好似係香港牛陣食shabu-shabu, 可能同様都係食牛, 而且大家都好好味呢~~~

最後我地離開新宿, 搭返JR埼京線前往大崎駅, 再轉搭りんかい線前往品川シーサイド駅, 來這裡只有一個目的, 就係去JUSCO Supermarket, 查過資料這裡有一間JUSCO Supermarket, 而且我地返酒店都會經過這個駅的, 所以順便去埋可以去買手信. 我地係品川シーサイド駅時已看過尾班車為12:21, 仲有大約一個小時, 應該足夠了. 當我們買完野, 仲係JUSCO門口食埋個雪糕之後, 就返去搭車返酒店了. 

 

當我地滿心歡喜諗住就快返到酒店之際, 列車在東京テレポート駅至站之後, 車站職員叫我地全部落車, 後來才發現原來這班尾班車的總站係東京テレポート駅, 我地正係度煩惱點搭車返酒店, 但這個時侯應該已經沒有車, 我地問職員點樣返酒店, 他叫我地行返去都OK, 仲教我地點行tim, 其實都係相距一個駅, 所以我地決定行過去啦... 不過最慘係我地仲要拎住係JUSCO買完的一袋二袋, 好彩都只係行大約20分鐘.

回酒店路楽途上

終於返到酒店了