2008年12月26日 (星期五)
我地行完黑門市場, 就諗住去食河豚, 我之前係香港搵左一間餐廳叫玄品, 係河豚專門店, 同埋價錢都幾平, 但係根據地圖, 玄品係位於長堀橋站和心齋橋站之間, 所以諗住搭地鐵去長堀橋站行過去. 當我地去到日本橋站時, 剛剛經過我地第一日見到既藥房, 仲做緊大減價, 而且我發覺這間藥房的價錢比其他的平, 所以就衝左入去...hehe...不過呢間藥房的貨品就唔係咁齊. 買完野之後, 我地又發覺一間賣回數卷的金卷店, 我地即刻去睇下有無聽日去神戶既阪急特急的車票賣, 真係有得賣, 都真係平d ga.
我地買完野之後, 就搭車去長堀橋站, 咁我地就由長堀橋行過去, 終於行到去玄品, 先發覺這間玄品要夜晚先開門!!!但係無理由, 我明明睇過有set lunch食, 點知再睇清楚d, 這間玄品不是食河豚的玄品, 是一間食蟹的玄品 以蟹茂....噢...我印錯地圖呀!!!
唉...我地又無帶食河豚的玄品地圖....我地初時有諗過返黑門市場食河豚, 但又費時行返轉頭, 最後我地決定去食蟹樂道.
我地食完蟹之後, 經過固力果專門店, 首先當然係門口個運動跑手的招牌影返幅相先, 之後就入去掃貨. 掃完貨之後, 四周再行下, 我地離遠見到激安之殿堂個好有特色的摩天輪, 就諗住行去睇下, hehe, 當然會再掃貨la, 我地買買下先發覺原來呢間亦係我地係九州無意中發現一間買d野好平的商鋪的分店, 但呢間仲大好多, 有好多層. 我地都行左好耐, 真係滿載而歸. hohoho....不過亦因為咁樣, 我地真係拎住太多野, 行多一陣之後, 實在太累, 所以我地決定返酒店放低d野先. 之後, 我地再返難波行街. 再由難波行返去道頓堀, 想去試下大阪好出名既燒章魚丸, 我地去左本家大たこ, 好多日本人排隊, 真係比香港果d好味好多. 食食下章魚丸, 無端端落雨, 睇清楚d, 原來唔係雨, 係冰粒. 我諗呢d仲未算叫落雪, 但都好開心咁玩左陣.
玩完"雪"之後, 我地繼續行街, 行行吓又見到另一間賣回數卷的金卷店, 由於發覺之後仲有一程火車票係未買, 所以入左間金卷店睇下有無得賣, 原來仲平過日本橋果間商店. 早知係呢度先買la....之後我地再四圍行下. 行到差不多食飯時間, 我地今日諗住去食壽司, 這間壽司店係酒店裡店既宣導單張上介紹的. 當我地行到去, 先發覺就係我地中午行錯左以為食河豚的玄品的隔離. 我地入左去坐低, 諗緊叫咩野壽司好, 但係由於無d壽司相睇, 我地都唔知點叫好. 我地坐左係度一陣, 睇住個全日文既menu, 係度估佢係咩黎, 唔....最後我地叫左三文魚壽司, haha...其實我地都係指俾佢地睇我地要咩. 佢地係即叫即整ga. 之後我地再係度睇下食咩好la. 期間, 我地放左本旅遊書係張枱度, 坐係隔離既一對日本男女, 不停咁望住我地本旅遊書, 仲好似想掀開黎睇, haha...佢地好攪笑...咁我地就俾本旅遊書佢地睇吓la, 佢地突然對住本旅遊書好驚訝咁"嘩~"一聲. 其實我都唔明點解佢咁驚訝, 不過真係好攪笑. 之後, 佢地仲好好人咁幫我地叫野食, 雖然大家都係唔知大家講咩....有時我地會寫d漢字同佢地溝通. haha...就係咁樣, 最後我地仲影埋合照.
食完壽司之後, 我地想試埋大阪燒, 所以返去道頓堀既蟹樂道隔離ぼてぢゅう總本店食大阪燒, 我初時以為佢會係我地面前塊燒板整大阪燒, 原來佢係整好先將大阪燒放係我地面前塊燒板度. 不過都好好味呀, 食完之後, 真係好飽呀.....我地沿住心齋橋筋行返到心齋橋站, 沿途大部份d商店已經關門, 同埋其實大家都已經好累la, 所以搭電鐵返酒店休息la, 準備聽日出發去神戶!!!
由於尋日真的太累了, 而今天的行程只係行黑門市場, 心齋橋, 難波等地方, 時間比較寛鬆, 所以我地完全無校鬧鐘. 亦因為咁, 我地差不多10:30am先去到黑門市場.
我地首先係電鐵買張地鐵一日乘車卷, 日本政府為鼓勵市民乘搭公共交通工具, 逄星期五及每月二十日都會推出一種No-My-Car-Day Pass, 售價為600yen. 而平時一日乘車卷則售850yen. 咁啱今日又係星期五, 所以我地可以買No-My-Car-Day Pass, he...又可以慳返d....
我地係日本橋站落車, 沿地圖去到黑門商店街. 其實黑門市場都幾似香港街市, 不過就乾淨好多. 最攪笑係無端端會有幾間賣衫的鋪頭. 我地去到時, 有好多商鋪都係啱啱開門, 我地一心諗住黎黑門市場, 買下手信同埋想買元貝食, 但發覺只係有少數商鋪有元貝賣, 而且價錢仲貴過香港, 所以最後都無買到元貝返香港....我地只係買左一d小食吃.
我地行完黑門市場, 就諗住去食河豚, 我之前係香港搵左一間餐廳叫玄品, 係河豚專門店, 同埋價錢都幾平, 但係根據地圖, 玄品係位於長堀橋站和心齋橋站之間, 所以諗住搭地鐵去長堀橋站行過去. 當我地去到日本橋站時, 剛剛經過我地第一日見到既藥房, 仲做緊大減價, 而且我發覺這間藥房的價錢比其他的平, 所以就衝左入去...hehe...不過呢間藥房的貨品就唔係咁齊. 買完野之後, 我地又發覺一間賣回數卷的金卷店, 我地即刻去睇下有無聽日去神戶既阪急特急的車票賣, 真係有得賣, 都真係平d ga.
呢間就係果間好平既賣金卷店
唉...我地又無帶食河豚的玄品地圖....我地初時有諗過返黑門市場食河豚, 但又費時行返轉頭, 最後我地決定去食蟹樂道.
固力果道頓堀店
激安之殿堂的橢圓式摩天輪
這間是自認日本第一既燒章魚丸店-本家大たこ
呢個就係間壽司鋪好攪笑既壽司師父-佢係度玩自拍
