沙巴hea遊之旅 - Day 3

2008年10月25日 - 陰天, 多雲, 持續有雨

今日我地參加左另一個local tour, 係睇長鼻猿同營火蟲, 係下午先出發, 所以我地朝早有時間係down town四周行下. 因為另外2位朋友早我地一日去到沙巴, 所以佢係down town已經行到好熟.

首先緊係食左早餐先(其實都差唔多係午餐la), 我地諗住去味雅食佢最出名既雞飯, 我地跟住本旅遊書既地址, 都好容易搵到. 一坐低, 當然叫左雞飯先, 初時我地話要4個雞飯, 味雅既服務員同我地講不如叫半隻雞la, 都係RM22, 我地突然發現左一件事, 就係我地本旅遊書介紹味雅時, 影左一幅呢間餐廳既相, 相中有一位味雅既服務員正在送餐, 原來就係啱啱介紹我地食半隻雞既服務員….好攪笑呀….我地仲有叫左沙巴菜心同埋桔仔冰la. 不過, 雞飯其實味道都係一般, 我覺得名大過實…..離開左味雅之後, 我地係附近既商場再行下, 記得係好多年前黎沙巴, 果時已經覺得呢度無咩野行, 咁多年之後, 呢度既商場都無咩點變, 附近既商場好似深水埗一d舊式既商場咁. 係我地住既酒店附近既商場, 會比較新d, 唔….會比較似香港d屋邨商場, 我地係附近行左一陣, 再去supermarket買吓野食, 就返酒店準備出發去睇長鼻猿同營火蟲. 唉…但係整個早上都不停咁落雨….真係令人擔心….

我地準時2:30p.m. 係酒店大堂等導遊, 原來今日我地仲有另外4位團友, 佢地係住係其他酒店. 我地上車時, 已經有2位團友, 之後我地再去Shangri-La's Tanjung Aru Resort接另外2位團友. 今次呢個團可以話係坐車團, 我地要搭3個小時車前往吉里亞斯河的濕地生態保護區, 係車上訓完再訓, 訓到都唔知過左幾耐…..終於到la, 唉….但係都係不停咁落雨…..

我地黎到吉里亞斯河邊, 原來還有另一架車跟我們是同一團的, 我地還要搭一艘觀光小艇去另一個地方, 個碼頭都幾殘破, 碼頭係用木條搭建, 但係地板會有幾個頗大既洞, 稍不留神, 真係會跌左落河, 我都差少少踩左落去呀. 上左船之後, 導遊開始介紹附近既紅樹林, 佢仲叫我地唔好伸手出去艇外面, 因為河裡有好多鱷魚, 如果你伸手出去, 佢地會跳高咬我地隻手…..而係河邊有不同大大小小既水上屋, 有d係用木造, 有d係用水泥造, 當然水泥造既屋, 係比較有錢既人住係度.

呢度就係吉里亞斯河, 有好多紅樹林ga

岸邊有好多不同顏色既水上屋

係對邊紅樹林下, 有一條鱷魚係度ga

之後我地左其中一間水上屋, 導遊們已係屋內準備了幾款茶點招待我地. 唔......茶點味道就真的很一般.....導遊跟我地講, 水上屋對面的河裡, 有一條鱷魚出現左. o....真係有鱷魚的....休息左一陣, 我地再次搭觀光小艇去睇長鼻猿. 長鼻猿係全世界體型最大的猴子之一, 有個長形大鼻子, 白色既大肚腩等. 觀光小艇開始快速向前駛, 來到兩岸充滿紅樹林既地區, 而導遊開始兩邊張望, 佢地係度搵緊長鼻猿. 突然間, 導遊叫船夫慢駛下來, 說發現了長鼻猿....唔....其實係好遠度發現左長鼻猿, 都看不太清楚, 只是見到有幾隻類似馬騮既, 在樹上跳來跳去, 看不到佢地個樣係點....導遊說由於落雨, 所以長鼻猿不會去比較近河邊既樹, 另外長鼻猿都好怕人類, 唔同香港馬騮山既馬騮咁唔怕人.

我地向住河另一邊出發

今日不停咁落雨, 仲越落越大呀

相中黑影就係長鼻猿, 但係都睇唔清楚

期間, 不停咁係附近搵下仲有無其他長鼻猿, 但係都係離我地比較遠. 加上雨水越落越大, 大家都興致不太. 突然, 導遊叫船夫駛到岸邊, 原來他想摘一棵紅樹林俾我地睇, 原來紅樹林係胎生, 但係當船夫想駛離岸邊時, 好似俾岸邊既樹卡住左架船, 離開唔到, 船夫將架船駛到好似拍車咁, 左吞右吞, 仲整到架船側左一邊, 好似想返船咁, 雖然我有著救生衣, 但係條河裡面有好多鱷魚ga, 我仲要坐係船邊.....勁驚呀 , 好彩最後都成功駛返河中心, 真係虛驚一場呀....

呢個就係我地既驚險情況

睇完長鼻猿之後, 就返去之前食茶點既水上屋度食晚餐, 但晚餐既食物真係唔得呀, 係沙巴咁多餐之中, 最差既一餐. 之後, 導遊說帶我地去睇營火蟲, d營火蟲真係好靚, 佢地係d紅樹林上面, 好似一棵棵聖誕樹, 但係只係睇左幾分鐘, 導遊就話要走la, 唉....全日最靚就係呢一刻, 但係咁快就走la....好可惜太黑, 影唔到相la...

返去酒店既車程比想像中快, 大約2小時就到達酒店附近, 我地要求導遊先車我地去附近的Mcdonald度買野食, 由於今晚晚餐大家都無咩食野, 導遊都好好咁等埋我地買完野食, 再車我地返酒店. 總算完成今日既行程, 但本人覺得今日既local tour不是太值得去. 不過算la, 我地還要準備執行李, 因為聽日要轉另一間酒店la, 希望聽日唔好再落雨la....

沙巴hea遊之旅 - Day 2

2008年10月24日 - 短暫時間有陽光, 間中有暴雨

到達沙巴的第二日, 今日我地將會參加local tour出島玩. 這次我地會去其中兩個島 - 馬奴干島(Pulau Manukan)和沙比島(Pulau Sapi), 其實還有其他島, 不過這兩個島是最出名, 大部份遊客都是去這兩個島玩.

我地8:30am準時在酒店lobby出現, 原來特優旅遊既導遊已經正在等待我地的出現. 我地出發去Shangri-La's Tanjung Aru Resort 的碼頭坐船出島, 在坐車期間, 我問導遊哪裡有麵包買, 要用作餵魚的. 他當時沒怎理會我, 只是講笑的說, 買來當作午餐. 之後他在一間7-11前停車, 自己下車, 原來他是去買麵包. o....我諗住是住自己買tim....去到碼頭, 他還幫我地準備救生衣同浮潛用具 (這是local tour包埋).

呢個Shangri-La's Tanjung Aru Resort 既碼頭

首先我地會前往沙比島玩, 食完lunch之後, 會往另一個島-馬奴干島. 來到沙比島, 好自然就會有人來介紹所有水上活動, 在未出發之前, 都看過一d資料, 都大約知道水上活動既價錢, 經我地商量之後, 都係玩左浮潛先, 之後再決定.

真係有好多魚仔呀

        沙比島      

呢度真係水清沙幼

麵包  +  浮潛用具

記得上一次玩浮潛, 係大約2年前去Bali時玩, 由於我係唔識游水, 加上當時係深水地帶, 所以都好驚, 仲不停咁飲水, 攪到最後上到岸不停咁嘔....故今次都有d怕, 不過今次係海邊, 起碼對腳會掂到地, 無咁驚....其實浮潛真係幾好玩, 係水底有好多魚仔, 其實當時係好淺水, 但係都好多珊瑚同魚, 仲有nemo同埋海膽....當我地手中拿住麵包, 有好多好多魚仔會衝向你度....我地只係玩浮潛都玩到差唔多中午, 所以最後我地都無玩到其他水上活動.

到左食飯時間, 導遊叫人安排左d食物俾我地, local tour本身係包一餐bbq lunch, 味道都幾好味, 尤其d蟹, 好鮮味, 我地不停咁要求再order, haha...不過有好多蜜蜂係我地附近飛黎飛去, 導遊話呢種黑蜂係唔會針人, 但我地都好怕呀....食食吓時, 無端端落微微雨, 不過落左一陣就停左. 不過天色仍然麻麻地....食完野之後, 導遊叫我地留返起d雞骨, 蝦縠等等, 佢話等一陣帶我地去喂巨型蜥蝪, 嘩...真係好大條, 導遊話平時有好多條ga, 不過今次得一條, 條蜥蝪見到d野食, 真係好似好肚餓咁...不停咁食, 其實我地仲見到其他蜥蝪, 不過佢地係樹林度, 唔肯出黎. 不過真係有d驚佢地, 都係離遠望下就算la.....

我地既lunch, 都幾好味ga

 仲有水果做甜品

我地就係係呢度食lunch

食野期間, 有一黑一白貓仔出現

 巨大蜥蝪出現la

真係好大條既蜥蝪

之後我地決定轉去另一個島玩, 不過天色好似轉差...導遊話估計3-4點會落雨, 我地可以去另一個島玩一陣要離開. 因為太大雨, 未必可以出海返市中心. 當去到另一個島時, 發覺好似無沙比島咁靚, 海水無咁清, 同埋唔係太多魚, 可能啱啱落完雨既關係. 我地玩左一陣之後, 開始越黎越大雨, 導遊話要離開, 其他遊客都開始搭船離開, 令到碼頭迫滿好多人呀....中間發生左一段小插曲....話說導遊提供既浮潛用具, 如果我地遺失左, 就要賠錢. 但我地玩完浮潛之後, 準備離開之時, 將浮潛用具交給導遊拎去碼頭, 但去到碼頭時, 導遊發現其中一套浮潛用具既吸氣咀不見了, 由於大家係上水都無特別留意吸氣咀是否還附在潛水鏡, 導遊覺得我地可能遺留係水中, 但由於導遊拎住浮潛用具行去碼頭時, 中途曾經不小心跌左其中一套浮潛用具, 之後再從地下拾返, 我地估計亦有可能在當時跌左. 但係我地來回地毡式搜索, 都唔見, 最後大家放棄再搵....導遊話幫我地諗掂佢....唔....大家都唔明佢點諗掂佢....但去到市中心既碼頭時, 導遊將浮潛用具還返俾佢地時, 佢地又無出聲問....唔...我諗應該無事la....

      

  馬奴干島        

馬奴干島都幾靚ga, 不過可能茖完雨, d水比較混濁

唉...d黑雲衝緊埋黎, 要走人la

當返到酒店時, 雖然時間倘早, 大家都累呀, 而天氣仲不停咁落雨, 我地決定休息一陣, 落去試下沙巴既按摩, 其實附近既商場裡, 都有幾間不同的按摩商店. 我地隨意入左一間, 都幾平....按身 (1hour) + 按腳 (30 mins) 大約RM65, 不過由於只得一間大房, 只是用布簾格開按摩床....但這種按摩是要求除掉所有衣服...令到有少許尷尬....完成整個按摩之後, 我就很舒服咁離開 (因為有部份朋友覺得太大力, 好痛..), 之後就準備前往我地今晚晚餐既地方 - 海王城.

由於海王城離我地酒店不遠, 所以我地決定行路前往, 當我地到達時, 發覺貼有一張通告, 原來有人在該酒樓10月25日設宴, 將會不接受外來客. 幸好我地係今日來食海鮮, 如果唔係真係白行一倘. 我地點了奶油蝦, 蒜蓉蒸飽魚, 楜椒蟹, 蛋白蒸蟹, 沙巴菜心, 蟹肉粟米羹. 仲叫在好出名既桔仔冰, 真係好好好好味呀... 而家諗返起都仲想食呀. 其實以上每一樣都很好味...埋單都係RM240左右, 真係超值呀!!

大家都好滿足咁行返酒店, 今日實在比較累, 大家都返酒店休息, 準備聽日既長鼻猿生態巡禮. 希望唔好再落雨la...

沙巴hea遊之旅 - Day 1

2008年10月23日 - 香港天氣尚算OK, 沙巴就.....

終於黎到出發呢一日, 由於我地係搭馬航下午3點幾機, 加上我既年假所餘無幾, 所以早上唯有拖住個喼返工. 諗住1點即飛撲去機場, 時間應該啱啱好, 仲可以有時間係機場食埋lunch先上機.
去到機場先發覺....馬航班機要delay到5點...唉....無計la, 唯有等la, 初時諗住去到沙巴都係6點幾, 仲可以周圍行下. 而家都唔駛行la, 去到都9點幾.....

好彩今次有拎到notebook, 第一次試用機場既wi-fi, 嘩! 慢到...好似以前既56k...唉...算la, 好過無得上網...我地仲要通知早我地一日出發去到沙巴既朋友, 叫佢地唔好等我地食飯la, 我地要遲d先到. 好彩佢地都拎到notebook去, 咁我地用msn通知左佢之後(點解唔打電話俾佢? 因為打電話俾佢, 要用roaming, 佢地應該唔會聽ga...hehe...), 就去食野la, 一路食野, 一路等la....
到最後都要5點半先上到機...唉....估計應該係沙巴飛來香港遲左, 所以香港飛返沙巴都遲左. 記得上一次坐馬航, 係好多年前, 都係去沙巴, 今次坐返馬航, 都無咩點變, 都係要搭車出去上機, 都係無電視....唔....咁唯有希望快d去到沙巴la....

原先15:30既機, 延遲到17:05, 但係事實係17:30左右先上到機呀!!

要搭車出去上機, 都幾遠ga

排緊隊上機呀, 原來前後都有得上ga

我地出發時已經日落la

機上既飛機餐-魚加薯仔....尚算ok

去到沙巴已經係夜晚la.....

終於到達亞庇國際機場(Kota Kinabalu International Airport), 噢!!! 點解地下係濕ge!!! 莫非落雨...一直都係我地最擔心既事情, 因為係未出發之前, 已經聽聞呢段時間係沙巴既雨季. 唉...落左機先算la....記得好多年前黎過沙巴既機場, 都幾舊....原來沙巴啱啱起左一個新既機場, 就係我地今次降落既機場, 都真係幾靚, 同舊既機場無得比呀!!

今次係未出發之前, 已經搵左d資料, 由於係下午機去沙巴, 中午機返香港, 所以實際只係得返3日玩, 故我地安排左其中2日參加local tour, 最後1日就會留係resort玩. 故我係香港時, 就跟沙巴這邊的其中一間旅行社聯絡 - 特優旅遊, 想參加佢地既其中兩個local tour. 他居然說可以安排免費車來機場接送我們, 實在太好la, 不過由於我地最後一天會入住Nexus Resort, 會離機場好遠, 所以就無得免費送我地去機場. 不過都無所謂la, 當初都無預計佢會黎機場接我地, 因為我地又唔係經佢地訂酒店.

出到機場, 就見到黎接我地既特優旅遊既人, 佢叫我地等一等先, 原來佢仲要接多4個旅客, 噢...原來係同我地同一班機既....人齊之後, 佢就車我地返酒店-Radius International Hotel Waterfront, Kota Kinabalu, 我地第一時間問司機"係咪落雨呀?", 佢話呢幾日都係下午先落雨, 但到夜晚就停左, 噢...咁都好d...起碼唔係成日都落雨...不過都有d擔心. 不過我聽到特優旅遊既人同另外果4個"團友"講, 佢地原先諗住聽日去既激流, 由於呢幾日落雨, 令到d水流好急, 由原先3-4級既激流, 變成6級激流, 而政府規定6級或以上既激流係唔俾人玩ga, 但我見"團友"們都好似想玩, 不停咁問係咪真係唔玩得...不過特優旅遊既人話先安排其他活動俾佢地先, 激流等多1-2日先玩(不過我估佢地最後都無得玩la...唉...), 咁佢地都無辦法.

去到酒店之後, 原來我地另外2個比我地早一日黎既朋友, 已經係lobby等緊我地. 特優旅遊既人仲好好咁帶我地去check-in, 之後同我地講第二日出島玩既資料.

攪左咁耐, 緊係返房放低d行李先. 入到間房, 整體都ok, 仲有張好似designer chair係房. 我地計劃左頭3晚會住係呢間酒店, 之後第4晚會轉去另一間resort, 因為我地第一日黎到沙巴已經係夜晚, 住咩野酒店都係一樣. 而第2日同第3日, 我地參加左local tour, 都係無時間去享受酒店既設施, 所以諗住最後一日先盡情享受resort既設施. 

呢個就係酒店既lobby, 佢係一個商場既七樓

我既酒店房間. 注意: 有一張橙色designer chair

Designer chair - 橙色既貴妃椅

放低完行李之後, 諗住出去醫下肚先, 由於太夜, 好多餐廳都關門了...啱啱見到有一間港式茶餐廳未關門, 就入去食野先...一坐低, 朋友們已經跟我地訴苦, 話佢地今日成日係downtown行, 係無咩野行, 今日已經行晒, 好悶呀!! haha, 希望聽日出島玩令佢地無咁悶la...

參考資料:

馬來西亞旅遊促進局

沙巴旅遊局