經過8日既日本九州火山之旅, 雖然好累, 但係真係好唔捨得走....其實呢次係我第一次去日本, 唔知點解, 其實之前都去過好多其他地方, 而一直都想去日本, 但係一直都無去到. 等到今次....原先諗住第一次去日本, 緊係去東京la, 但係最後居然係九州, 一早都聽人講過九州係無咩野買, 但係風景就好靚. 咁都無所謂la, 對於我黎講, 有得去旅行, 都已經係一件好開心既事.
去到日本, 俾我第一個感覺係, 日本d酒店好細la, 當然之前一早就知道. 另外日本d地方好乾淨, 無論街上, 酒店等等, 同埋日本人好好人, 我地好多時唔識路問人點去, 佢地都好好咁幫我地搵路, 雖然佢地有時都唔知點去果d地方, 但係會幫我地問人ga....真係好好人. 同埋佢地好得意, 明知我地係唔識聽日文, 佢地仲係會不停咁同我地用日文講解. 哈哈...當地既人又好守規矩, 同埋所有巴士或者汽車都開得好慢, 我諗當地既交通意外發生率應該好低. 而日本真係好多烏鴉, 細個時睇卡通片成日都見到街度有好多烏鴉企係d電纜度, 原來真係咁ga, 同埋佢地叫起上黎, 真係好似係度話你係"傻瓜! 傻瓜!"
雖然呢個九州之旅完結左, 但好多野都值得好回味, 其實九州既風景都真係幾靚, 印象最深刻當然係可以好近距離見到阿蘇火山, 因為唔係隨時都可以上到去, 我地好好彩咁去到見到火山口, 真係好壯觀. 另外浸溫泉係我其中既最愛, 好鐘意佢地會有一d地方有個免費既足湯俾人浸, 講真呀...如果係中國大陸有呢d免費既足湯, 你都唔夠膽浸, 因為大家實在太清楚中國人既特性. 係宮崎青島果日又橫風橫雨, 都同樣好印象深刻. 另外日本有好多類似既花公園, 種滿左唔同顏色既花, 真係好靚. 今次去左日本既其中兩個城參觀 (小倉城同熊本城), 唔....可能我真係唔係太清楚日本既歷史, 唔知佢發生咩野事, 都有d悶, 我都係鐘意參觀中國既古城多d. 不過我始終未去過日本既古城, 我都覺得值得一去. 唉哎....真係好想再去日本旅行, 下次想日本既其他地方睇下. 好期待下次既日本之旅呀....
