沙巴hea遊之旅 - Day 5

2008年10月26日 - 陰天, 多雲

終於黎到呢個沙巴hea遊之旅既最後一日, 今朝起身之後, 第一時間沖去露台睇下出面有無落雨....發覺雖然無落雨, 但個天都係好陰天, 同埋都好大風. 唉....不過其實今日好天都無咩意思, 我地今日要搭中午機返香港, 都無時間玩.

我地今日既酒店係包埋早餐, 但係早餐前, 我地去左沙灘先, 因為另外兩位朋友係早幾日出島玩時, 捉左2隻寄居蟹, 諗住拎返香港養. 但係呢2隻蟹仔係呢幾日都唔肯食野, 我地怕未到香港, 已經die左lu....所以決定放左佢地.

呢個係放生寄居蟹既情況呀, 其實天氣都仲係麻麻地ga

放完生, 當然醫吓肚先, 呢度既早餐同平時酒店早餐差唔多, 味道都普通, 一般酒店早餐水準. 食完早餐之後, 就要準備check-out, 因為我地今日將會搭早上11:40既飛機. 我地check-out之後, 就搭的士向機場出發, 但係又遇到同樣問題, 我地有2個大喼同一個細喼, 個的士司機同酒店既服務員一齊係度研究點放呢3個喼, 佢地攪左好耐都攪唔掂, 最後...佢地將2個大喼放係車尾箱, 另一個細喼就放係前座司機位隔離, 其實同我地搭的士黎酒店時既情一樣....haha

去到機場, 我地諗住check-in左之後, 就去搵雪條買, 其實呢個機場好細, 好似只係有2-3間商鋪係未入閘既地方, 果度得一間有得買雪條, 但係只係散賣, 無得pack好左既雪條賣, 個sales叫我地入左閘先買, 裡面都仲有商鋪賣雪條. 咁都無計, 我地就入左閘先, 入到去又係得一間商鋪有得賣雪條, 我地第一時間衝埋去, 點知佢話又係賣晒有packing既雪條, 得返散裝, 我問佢可唔可以幫我將d散裝pack好一盒俾我地, 佢又話唔得. 咁唯有係果度即刻買幾條即食la...haha...食完先上機la...

 

 

唉...呢個旅程係未出發之前, 諗住可以享受一下陽光與海灘, 點知變左日日落雨團, 都仲好有半日出島都未有落雨, 只係天黑黑. 但係到而家個旅程完結la, 有d好似無去過旅行咁...唉...唔知點解次次去親旅行都會咁啱落雨ga...好慘呀... 

~ 旅程完結 ~

沙巴hea遊之旅 - Day 4

2008年10月26日 - 繼續陰天, 多雲, 持續有雨
黎到呢個旅程既第四日, 今日我地會轉去另一間酒店Nexus Resort Karambunai, 原意係諗住最後一日會係酒店內享受呢度既設施, 酒店旁邊有一個又白又靚既私家海灘. 但係我地今朝起身時, 外面已經落緊雨....唉.....無計la....

首先我地諗住係downtown食左lunch先入酒店, 因為酒店係離downtown大約30分鐘車程. 我地初時諗去旅遊書介紹既一間食店, 食檳城假麵, 我地沿住個地圖搵左好耐都搵唔到, 最後, 經我地問完人之後, 原來呢間食店已經執左....o....本書真係唔update, 初時我係另一blog度, 已經話呢本書介紹既另一間食店已經執左.....咁我地決定轉去食肉骨茶, 但係點知去到先發覺原來肉骨茶係要下午4點先開鋪...唉...無留意到tim....之後我地行吓行吓, 經過一間食喇吵既食店, 我地決定試下, 一試之下, ok wor.

呢碗就係好好味既喇吵la

我地食完野之後, 就返酒店拎埋行李check-out, 咁酒店既職員都好好咁, 幫我地拎埋行李去截的士, 由於我地4個人, 有2個大喼同一個細喼, 車尾箱放唔到, 唯有將個細喼放係前坐司機位隔離, 當然要屈就一下坐前坐既朋友.

去到酒店時, 原來佢話要2點先可以check-in, 我地唯有坐係佢lobby既cafe度等下la, 好彩佢都有杯welcome drink俾我地. 不過, 都係一直咁落雨, 真係好令人失望....呢度四周既環境都好靚ga....

酒店既lobby好大ga

我地入房放低行李之後, 就諗住出去行下先, 雖然落雨, 但點都要出去行下. 我地初時諗住落雨都可以玩浮潛. 點知酒店職員話而家係水母既季節, 最好唔好出海玩....唉....我地行左一陣之後, 都無野玩, 唯有返酒店房休息一下la. 酒店房都真係好舒服, 又大又靚. 我地間房係望到沙灘ga....

到晚飯時間, 我地叫酒店安排的士車我地去酒店附近既佳揚海鮮樓到食飯. 呢間食店係一間係水中既高腳屋, 比海王城細間, 但係都好多人去食, 我地同樣叫左蛋白蒸蟹, 椒鹽螳螂蝦, 炒蜆, 沙巴菜, 蟹肉粟米羹等等, 我已經唔係好記得lu, 呢度價錢平過海王城, 味度都好好味, 不過都係海王城好味d. 我地食食吓, 見到好多人都係度食緊雪條, 原來呢度有榴槤雪條賣, 我地當然都買左幾條雪條食la, 我地係果刻已經決定聽日要係機場度買幾箱雪條返去香港. 食飽之後, 就返酒店休息, 唉...今日好似浪費左一整日, 聽日就要返香港la.....

繼續微笑

今朝聽收音機時, 尋晚出現左一個奇境, 天空上出現左一個笑臉. haha...其實係兩粒星星下面出現左一道彎月, 睇係上黎好似一個笑臉咁. 好可惜我無睇到, 呢個情境係20年先會出現一次, 其實係木星同金星連成一線, 而咁啱出現係月亮附近, 對上一次出現係1998年, 但係當時出現既唔係一個笑臉, 係一個苦臉, 因為當時既月亮係向下, 所以今次係好難得, 下一次要等到2036年先會再次出現.

但聽到呢段新聞時, 都好開心, 令我突然諗起林憶蓮既一首歌 - 寂寞流星群 (其實唔知點解ga, 都無咩關係ge). 其實令晚呢兩粒星都仲會出現, 不過月亮應該會移左位la, 唔知會移左去邊呢....

呢張係黎自互聯網上既相片

沙巴hea遊之旅 - Day 3

2008年10月25日 - 陰天, 多雲, 持續有雨

今日我地參加左另一個local tour, 係睇長鼻猿同營火蟲, 係下午先出發, 所以我地朝早有時間係down town四周行下. 因為另外2位朋友早我地一日去到沙巴, 所以佢係down town已經行到好熟.

首先緊係食左早餐先(其實都差唔多係午餐la), 我地諗住去味雅食佢最出名既雞飯, 我地跟住本旅遊書既地址, 都好容易搵到. 一坐低, 當然叫左雞飯先, 初時我地話要4個雞飯, 味雅既服務員同我地講不如叫半隻雞la, 都係RM22, 我地突然發現左一件事, 就係我地本旅遊書介紹味雅時, 影左一幅呢間餐廳既相, 相中有一位味雅既服務員正在送餐, 原來就係啱啱介紹我地食半隻雞既服務員….好攪笑呀….我地仲有叫左沙巴菜心同埋桔仔冰la. 不過, 雞飯其實味道都係一般, 我覺得名大過實…..離開左味雅之後, 我地係附近既商場再行下, 記得係好多年前黎沙巴, 果時已經覺得呢度無咩野行, 咁多年之後, 呢度既商場都無咩點變, 附近既商場好似深水埗一d舊式既商場咁. 係我地住既酒店附近既商場, 會比較新d, 唔….會比較似香港d屋邨商場, 我地係附近行左一陣, 再去supermarket買吓野食, 就返酒店準備出發去睇長鼻猿同營火蟲. 唉…但係整個早上都不停咁落雨….真係令人擔心….

我地準時2:30p.m. 係酒店大堂等導遊, 原來今日我地仲有另外4位團友, 佢地係住係其他酒店. 我地上車時, 已經有2位團友, 之後我地再去Shangri-La's Tanjung Aru Resort接另外2位團友. 今次呢個團可以話係坐車團, 我地要搭3個小時車前往吉里亞斯河的濕地生態保護區, 係車上訓完再訓, 訓到都唔知過左幾耐…..終於到la, 唉….但係都係不停咁落雨…..

我地黎到吉里亞斯河邊, 原來還有另一架車跟我們是同一團的, 我地還要搭一艘觀光小艇去另一個地方, 個碼頭都幾殘破, 碼頭係用木條搭建, 但係地板會有幾個頗大既洞, 稍不留神, 真係會跌左落河, 我都差少少踩左落去呀. 上左船之後, 導遊開始介紹附近既紅樹林, 佢仲叫我地唔好伸手出去艇外面, 因為河裡有好多鱷魚, 如果你伸手出去, 佢地會跳高咬我地隻手…..而係河邊有不同大大小小既水上屋, 有d係用木造, 有d係用水泥造, 當然水泥造既屋, 係比較有錢既人住係度.

呢度就係吉里亞斯河, 有好多紅樹林ga

岸邊有好多不同顏色既水上屋

係對邊紅樹林下, 有一條鱷魚係度ga

之後我地左其中一間水上屋, 導遊們已係屋內準備了幾款茶點招待我地. 唔......茶點味道就真的很一般.....導遊跟我地講, 水上屋對面的河裡, 有一條鱷魚出現左. o....真係有鱷魚的....休息左一陣, 我地再次搭觀光小艇去睇長鼻猿. 長鼻猿係全世界體型最大的猴子之一, 有個長形大鼻子, 白色既大肚腩等. 觀光小艇開始快速向前駛, 來到兩岸充滿紅樹林既地區, 而導遊開始兩邊張望, 佢地係度搵緊長鼻猿. 突然間, 導遊叫船夫慢駛下來, 說發現了長鼻猿....唔....其實係好遠度發現左長鼻猿, 都看不太清楚, 只是見到有幾隻類似馬騮既, 在樹上跳來跳去, 看不到佢地個樣係點....導遊說由於落雨, 所以長鼻猿不會去比較近河邊既樹, 另外長鼻猿都好怕人類, 唔同香港馬騮山既馬騮咁唔怕人.

我地向住河另一邊出發

今日不停咁落雨, 仲越落越大呀

相中黑影就係長鼻猿, 但係都睇唔清楚

期間, 不停咁係附近搵下仲有無其他長鼻猿, 但係都係離我地比較遠. 加上雨水越落越大, 大家都興致不太. 突然, 導遊叫船夫駛到岸邊, 原來他想摘一棵紅樹林俾我地睇, 原來紅樹林係胎生, 但係當船夫想駛離岸邊時, 好似俾岸邊既樹卡住左架船, 離開唔到, 船夫將架船駛到好似拍車咁, 左吞右吞, 仲整到架船側左一邊, 好似想返船咁, 雖然我有著救生衣, 但係條河裡面有好多鱷魚ga, 我仲要坐係船邊.....勁驚呀 , 好彩最後都成功駛返河中心, 真係虛驚一場呀....

呢個就係我地既驚險情況

睇完長鼻猿之後, 就返去之前食茶點既水上屋度食晚餐, 但晚餐既食物真係唔得呀, 係沙巴咁多餐之中, 最差既一餐. 之後, 導遊說帶我地去睇營火蟲, d營火蟲真係好靚, 佢地係d紅樹林上面, 好似一棵棵聖誕樹, 但係只係睇左幾分鐘, 導遊就話要走la, 唉....全日最靚就係呢一刻, 但係咁快就走la....好可惜太黑, 影唔到相la...

返去酒店既車程比想像中快, 大約2小時就到達酒店附近, 我地要求導遊先車我地去附近的Mcdonald度買野食, 由於今晚晚餐大家都無咩食野, 導遊都好好咁等埋我地買完野食, 再車我地返酒店. 總算完成今日既行程, 但本人覺得今日既local tour不是太值得去. 不過算la, 我地還要準備執行李, 因為聽日要轉另一間酒店la, 希望聽日唔好再落雨la....

沙巴hea遊之旅 - Day 2

2008年10月24日 - 短暫時間有陽光, 間中有暴雨

到達沙巴的第二日, 今日我地將會參加local tour出島玩. 這次我地會去其中兩個島 - 馬奴干島(Pulau Manukan)和沙比島(Pulau Sapi), 其實還有其他島, 不過這兩個島是最出名, 大部份遊客都是去這兩個島玩.

我地8:30am準時在酒店lobby出現, 原來特優旅遊既導遊已經正在等待我地的出現. 我地出發去Shangri-La's Tanjung Aru Resort 的碼頭坐船出島, 在坐車期間, 我問導遊哪裡有麵包買, 要用作餵魚的. 他當時沒怎理會我, 只是講笑的說, 買來當作午餐. 之後他在一間7-11前停車, 自己下車, 原來他是去買麵包. o....我諗住是住自己買tim....去到碼頭, 他還幫我地準備救生衣同浮潛用具 (這是local tour包埋).

呢個Shangri-La's Tanjung Aru Resort 既碼頭

首先我地會前往沙比島玩, 食完lunch之後, 會往另一個島-馬奴干島. 來到沙比島, 好自然就會有人來介紹所有水上活動, 在未出發之前, 都看過一d資料, 都大約知道水上活動既價錢, 經我地商量之後, 都係玩左浮潛先, 之後再決定.

真係有好多魚仔呀

        沙比島      

呢度真係水清沙幼

麵包  +  浮潛用具

記得上一次玩浮潛, 係大約2年前去Bali時玩, 由於我係唔識游水, 加上當時係深水地帶, 所以都好驚, 仲不停咁飲水, 攪到最後上到岸不停咁嘔....故今次都有d怕, 不過今次係海邊, 起碼對腳會掂到地, 無咁驚....其實浮潛真係幾好玩, 係水底有好多魚仔, 其實當時係好淺水, 但係都好多珊瑚同魚, 仲有nemo同埋海膽....當我地手中拿住麵包, 有好多好多魚仔會衝向你度....我地只係玩浮潛都玩到差唔多中午, 所以最後我地都無玩到其他水上活動.

到左食飯時間, 導遊叫人安排左d食物俾我地, local tour本身係包一餐bbq lunch, 味道都幾好味, 尤其d蟹, 好鮮味, 我地不停咁要求再order, haha...不過有好多蜜蜂係我地附近飛黎飛去, 導遊話呢種黑蜂係唔會針人, 但我地都好怕呀....食食吓時, 無端端落微微雨, 不過落左一陣就停左. 不過天色仍然麻麻地....食完野之後, 導遊叫我地留返起d雞骨, 蝦縠等等, 佢話等一陣帶我地去喂巨型蜥蝪, 嘩...真係好大條, 導遊話平時有好多條ga, 不過今次得一條, 條蜥蝪見到d野食, 真係好似好肚餓咁...不停咁食, 其實我地仲見到其他蜥蝪, 不過佢地係樹林度, 唔肯出黎. 不過真係有d驚佢地, 都係離遠望下就算la.....

我地既lunch, 都幾好味ga

 仲有水果做甜品

我地就係係呢度食lunch

食野期間, 有一黑一白貓仔出現

 巨大蜥蝪出現la

真係好大條既蜥蝪

之後我地決定轉去另一個島玩, 不過天色好似轉差...導遊話估計3-4點會落雨, 我地可以去另一個島玩一陣要離開. 因為太大雨, 未必可以出海返市中心. 當去到另一個島時, 發覺好似無沙比島咁靚, 海水無咁清, 同埋唔係太多魚, 可能啱啱落完雨既關係. 我地玩左一陣之後, 開始越黎越大雨, 導遊話要離開, 其他遊客都開始搭船離開, 令到碼頭迫滿好多人呀....中間發生左一段小插曲....話說導遊提供既浮潛用具, 如果我地遺失左, 就要賠錢. 但我地玩完浮潛之後, 準備離開之時, 將浮潛用具交給導遊拎去碼頭, 但去到碼頭時, 導遊發現其中一套浮潛用具既吸氣咀不見了, 由於大家係上水都無特別留意吸氣咀是否還附在潛水鏡, 導遊覺得我地可能遺留係水中, 但由於導遊拎住浮潛用具行去碼頭時, 中途曾經不小心跌左其中一套浮潛用具, 之後再從地下拾返, 我地估計亦有可能在當時跌左. 但係我地來回地毡式搜索, 都唔見, 最後大家放棄再搵....導遊話幫我地諗掂佢....唔....大家都唔明佢點諗掂佢....但去到市中心既碼頭時, 導遊將浮潛用具還返俾佢地時, 佢地又無出聲問....唔...我諗應該無事la....

      

  馬奴干島        

馬奴干島都幾靚ga, 不過可能茖完雨, d水比較混濁

唉...d黑雲衝緊埋黎, 要走人la

當返到酒店時, 雖然時間倘早, 大家都累呀, 而天氣仲不停咁落雨, 我地決定休息一陣, 落去試下沙巴既按摩, 其實附近既商場裡, 都有幾間不同的按摩商店. 我地隨意入左一間, 都幾平....按身 (1hour) + 按腳 (30 mins) 大約RM65, 不過由於只得一間大房, 只是用布簾格開按摩床....但這種按摩是要求除掉所有衣服...令到有少許尷尬....完成整個按摩之後, 我就很舒服咁離開 (因為有部份朋友覺得太大力, 好痛..), 之後就準備前往我地今晚晚餐既地方 - 海王城.

由於海王城離我地酒店不遠, 所以我地決定行路前往, 當我地到達時, 發覺貼有一張通告, 原來有人在該酒樓10月25日設宴, 將會不接受外來客. 幸好我地係今日來食海鮮, 如果唔係真係白行一倘. 我地點了奶油蝦, 蒜蓉蒸飽魚, 楜椒蟹, 蛋白蒸蟹, 沙巴菜心, 蟹肉粟米羹. 仲叫在好出名既桔仔冰, 真係好好好好味呀... 而家諗返起都仲想食呀. 其實以上每一樣都很好味...埋單都係RM240左右, 真係超值呀!!

大家都好滿足咁行返酒店, 今日實在比較累, 大家都返酒店休息, 準備聽日既長鼻猿生態巡禮. 希望唔好再落雨la...